|
C’est sous direction divine ki la JAMAAT UL SAHIH AL ISLAM fine être fondée en l’an 2008, le 10 Mars (le 1er Rabi-ul-Awwal en l’an 1429 de l’Hégire). Li pas ni ene nouvo religion, ni ene secte, ni ene branche d’ene organisation ki déza exister. Elle satisfaire pluto ene besoin ki accompagne l’apparition d’ene Kikaine ki vine de côté d’Allah pour faire revivre la foi au sein de l’Islam, et ki li d’après traditions ki fine établie par le Prophète de L’Islam, Hazrat Muhammad (Paix & Bénédiction d’Allah lor lui) et le Réformateur Hazrat Mirza Ghulam Ahmad, Messie Promis et Mahdi (Ki la Paix lor lui), ki fine faire so l’apparition à Qadian, en Inde. Nous pé faire reference à le respecté et humble serviteur d’Allah Munir Ahmad Azim ki révendique ki li gagne révélations de la part d’Allah. Li affirme également ki Allah fine éleve li comme le Muhyi-ud-Din de ça l’époque là. Li déclarer: "Mo pas desire ni richesse ni pouvoir. Allah fine envoye moi auprès de zot bane dimounes comme ene Avertisseur, pour transmette zot So Message. Si zot accepter, zot pour gagne le salut, dans ça la vie là et aussi dans lotte la vie. Si zot rejette ça Parole ki vine d’Allah là, alors en vérité Allah pou Juge entre ou et moi’. ‘A partir d’aujourd’hui (6 décembre 2003), mo pran Allah comme Témoin ki mo le Muhyi-ud-Din de ça l’époque là". Dans ça manifestation d’Allah là, le Muhyi-ud-Din ti ena à so côté Monsieur Zafrullah Domun. Li, et bane dimounes ki fine au commencement vine zoine la manifestation d’Allah, suite à zot pacte de Baiat à Allah et à le Muhyi-ud-Din de ça l’époque là, zot fine casse ça même pacte sacré là pour bane raisons rempli avec bane kitchoses menti. Mais Malgré tousala, Allah fine renforci so Muhyi-ud-Din et fine plusieurs fois révèle li ki Li ti avec so Muhyi-ud-Din et Li pour toujours avec li. Allah ti fine déza donne li la revelation ki ene jour bane dimounes de so Jamaat, la Jamaat Ahmadiyya Al Mouslemeen, pou abandonne li. Et au début de la Manifestation divine Allah ti dire li: “Même si lé monde quitte toi demain, mais Allah avec toi, TOUT avec toi, mais si lémonde avec toi, et Allah pas avec toi, nennié pas avec toi”. Au début Allah fine élevé So Muhyi-ud-Din avec ene Jamaat (Communauté) ~ Jamaat Ahmadiyya Al Mouslemeen ~ ki ti ena comme but pour faire revivre l’enseignement de l’Islam. Pareil couma dans le passé, dans bane l’époque de bane prophètes dans le passé, le Muhyi-ud-Din aussi fine bizin faire face au fait ki so propre ‘peuple’ fine quitte li et fine ‘pran’ au nom de la loi du pays, la Jamaat Ahmadiyya Al Mouslemeen; excepté bane ki gagne peur Allah et ki soumette à So volonté. Après ki Monsieur Zafrullah Domun fine trahir le baiat ki li fine faire dans la main du Muhyi-ud-Din et aussi bane ki fine suive li dans ça trahison là, Allah le Très-Grand, fine ordonne So Messager pour alle fonde ene l’autre Jamaat ki pou accompli la mission de séki la Jamaat Ahmadiyya Al Mouslemeen pas fine capave accomplir. Jamaat Ahmadiyya Al Mouslemeen ti ene Jamaat ki ti ena pour but pour faire le monde profite de la benediction d’Allah, en la venu d’ene dimoune béni par Allah Li-même et ki fine vini qui pour faire revivre l’essence mort de l’Islam (la Paix & Soumission à ene Sel Bondié, Créateur de l'univers). Aujourd’hui par la grâce immense d’Allah, la JAMAAT UL SAHIH AL ISLAM (La Communauté de bane ki soumettent zot sincèrement et entièrement à Allah) fine pran naissance pour répandre la Lumière de l’Islam dans lécoeur de bane ki envie à tout prix conne la vérité ki vine de côté d’Allah, le Tout Puissant. Ki Allah aide nous tous dans Sa recherche là et ki Li béni toute l’humanité en entier par la capacité pour reconnaite ça la vérité spirituelle ki vine d’Allah tousél. Ameen |
