Text Box: Bismillah-ir-Rahman-ir-Rahim KHUTBA JUMMAH HAZRAT AMIR’UL MOMENEEN MUHYI-UD-DIN AL KHALIFATULLAH MUNIR AHMAD AZIM 22 Août 2008 (Résumé du Khutba Jummah) Après ki le Khalifatullah fine saluer zot tous, li fine commence lire le Tashahhud, Taouz et Surah Al Fatiha et ensuite li fine lire ça verset suivant là : Ch.20 Taha V.115 Allah dire:  Plus grand ki tout, c’est Allah: le vrai Roi! Toi, pas presser pou lire Coran, avant ki so révélation fine compléter. Dire: ‘O mo Maître, augmente mo connaissance’. (Rabbi Zidni Ilma) Allah pé faire comprend ki, le plus grand ki tous, c’est bien Lui-même, le Créateur de l’univers. Allah Li même Li le “Maliqul Haqq”, Le Vrai Roi! Nous pas bizin alle loin pou comprend ki Allah Li le vrai Roi. Pou ene ti moment nous guette léciel, la terre, bane pié (arbres), la création de l’univers. Ça même ene pli grand signe pou nous. Nous guette nous même, nous lécorps physique. Ou conné ki kan nous pé causer, nous pé diboute, nous pé faire bane mouvements, combien fois nous lécoeur pé batter, combien fois nous pé respirer etc. Ça même prouve la véracité de nous Créateur, Allah, qui Li même Li le vrai Roi. Et maintenant nous réfléchi lor le monde, nous guette léciel. Allah dire dans le Quran ki guette ça léciel ki Mo fine créer là, pas ena aucaine colonne ki tini, ni li ena aucaine fissure et li ene lor l’autre, càd, sept léciels. Mais guette nous l’homme, kan nous construire ene bâtiment, nous bizin beaucoup bane matériels. Et ça bâtiment là, li pas pou duré tout les temps. Après ene certain l’époque, ou pou trouver ki li fine commence gagne bane fissures, li pé craquer et bizin alors faire bane rénovations. Et aussi parfois, kot pas capave faire nannié, et bizin pull-down ça bâtiment là. Mais guette la création d’Allah. L’univers ti exister dépi commié milliards d’années, mais Allah pas ti bizin faire aucaine rénovation, ni bizin pull-down l’univers ! Jamais ! A part l’homme, ki li bien temporaire lor ça la terre là ! Et ena aussi bane arbres et bane zanimaux ki zot pas éternel lor ça la terre là. Et c’est ki sûr, c’est ki dépi Allah fine créer ça la terre là, tous les temps, à moins ki Allah décide pou détruire ça l’univers là. Mais ça c’est dans la main d’Allah. Alors c’est ça la grandeur d’Allah. Li faire séki Li envie. Mais l’homme li très très faible. L’homme li attiré avec ça bane kitchoses mondaines là et li oublier souvent so créateur. Mais Allah Li faire So devoir, Li faire nous rappelle Li à travers le Quran Shareef et So l’enseignements ki So prophète (s.a.w) fine améner. Et Allah ine grâcier nous, avec ça. Et aussi bane lotte grand faveurs, c’est ki Li donne nous l’air frais, le soleil pou nous gagne l’éclairage et la lune pour le soir. Si ça pas ene faveur de côté d’Allah, abé ki été ça ? C’est pour ça ki Allah Li dire ou ki c’est Li-même le « Malik-ul-Haqq » - Le Vrai Roi ! « Malik » veut dire « le Roi », et « Haqq » veut dire « le Vrai ». Alors Allah, Li ene Vrai léRoi ; Li Véridique. C’est-à-dire, séki Li dire Li faire. Li ena ene vérité dans Li-même pour prouve So promesse. Kan Li faire ene promesse, Li accompli li. Et guette couma Li gracieux, ki avant même ki ou vine lor ça la terre là, li fini mette tous à ou disposition. Par exemple, Li fini donne ou, ou mama, ou papa etc. Et c’est pour ça ki jamais ou pas pou capave tire aucaine défauts dans so bane créations (en général). Et faudé ki Allah Li bien bien et extrêmement grand pour ki Li capave contrôle ça l’univers là. Et ki ene feuille pas bouzé sans (Allah) So permission. Extraordinaire ça ! Et aussi c’est Allah ki tini bane animaux (Par example, zoiseaux, chauve-souris etc.) ki envoler dans l’air et en même temps Li contrôle nous la vie, nous grandissements. Li très important ki nous ena reconnaissance envers Allah et pli grand zeffort ki nous bizin faire, c’est ki nous bizin tourne vers Allah tous les temps ! Couma ene parole dire – Le Rozi (manger & boire) pas trouve dans personne so la main, excepté zis dans la main d’Allah. Oui, li trouve dans la main d’Allah parski, Allah pas fine mette personne ki li capave dire coumsa li pé mort sans manger. Oui, ena bane dimounes ki pauvres, pas ena manger dans zot la caze, mais seulement zot pé vivre. Allah créer les autres moyens pour ki zot pé capave vivre. Et aussi, ena ene zaffaire ki appelle ou bizin bane mouvements ; actions. Parce ki Allah fine créer ça le corps là, et même d’après la science, bane médecins fine prouver, ki ou bizin faire bane mouvements, si na pas ou lé corps pou encaisse beaucoup de maladie. Ou pas capave nek assissé, manger, boire ; automatiquement ou pou vine gros, gras, maff, et li pou développe beaucoup beaucoup maladie intérieurement et ou lécorps déformer. Tandique ki Allah fine donne nous ene joli lécorps, fine donne nous l’énergie et la force. Alors, nous bizin aussi développe ça bane bons qualités dans le chemin d’Allah ; nous servi ça l’énergie et kalité là dans le chemin d’Allah. Nous servi ça l’énergie là pou nous aide ça bane dimounes pauvres là ; pas nécessairement pou donne l’argent, mais nous capave aide zot dans bane les autres kalité façons aussi. Non plus, si ou fine entonne ene tas zaffaire et ou pas pé capave faire nannié ki ou mette tous blâme lor Allah ! Allah fine mette tous à ou disposition. Pas zis bane zaffaires mondaines, mais aussi spirituelle. Li fine envoye pour ou ene prophète ki exemplaire ; c’est-à-dire, le Saint prophète Muhammad (s.a.w), et fine donne ou ene Livre parfait ; c’est-à-dire, le Quran Shareef. Alors si ou suivre ça, ou pou gagne bane bénéfices, mais si ou pas suivre ça, ou pou perdant. Alors, li important ki nous suivre ça bane l’instructions d’Allah là afin ki nous prospérer et nous suivre le droit chemin (Insha-Allah ~ Ameen) ! C’est pour ça ki li très important pour nous occupe nous l’âme, de côté la spiritualité aussi et ça li primordiale. Et ça l’âme là li ene amaanat (dépôt) de côté d’Allah, et nous pour bizin rendre ene compte devant Allah. Et de côté nous lécorps, nous bizin occupe li bien ; c’est-à-dire, baigne li, habille li convenablement, garde li propre parce ki ene jour na pas ene jour ou pou bizin rendre ene compte devant Allah. C’est-à-dire, Allah fine confié nous, à chacun parmi nous deux responsabilités, ki li très important pour nous accomplir ça deux responsabilités ki Li fine donne nous. Ça même dire, ki guette ou-même, purifier ou-même avant. Lerlà, Allah pou bien content avec ou. Et aussi ou bizin montrer beaucoup reconnaissance envers Allah (swt). Ou faire beaucoup remerciements. Alors, si ou continuer réfléchi lor la grandeur d’Allah, ou pou trouver, ki Allah c’est Li-même ki le Vrai Roi, le « Malikul Haqq ». Mais malheureusement, dimoune li, li associer les autres à Allah, ou bien li prend ene dimoune couma li-même couma créateur de l’univers. Alors ça c’est vraiment ene Chirk terrible, li ene zaffaire très très grave effectivement. L’homme li pas réfléchi kan li causé. Si li dire ki intél nous l’éclairage etc. Alors dire à ça dimoune là, ki zot l’éclairage là faire la pluie tomber. Eh bien, ça montrer ou ki l’homme li fine oublier so créateur. Ça montrer ou ki bassesses l’homme fine rentrer. Lerlà même ki à la fin, Allah alle en colère avec ça bane kalité dimounes là, et Li faire ene grand punition tombe lor zot. Alors, c’est pour ça ki Allah fine donne nous Islam comme religion, pour nous bien comprend c’est ki veut dire « Laa Ilaaha Illallahu Muhammadur Rassoollullah » - Pena personne pour être adoré excepté Allah et Muhammad (s.a.w) li le Messager d’Allah – c’est-à-dire, nous bizin tourne vers Allah et adore Li seulement. Oui, Allah ine dire obéir obéir So Messager, non plus ou adore messager là-même, ou bien, ou prend li comme ene intermédiaire. Kan Allah Li-même ine dire prier Li directement. Alors, ça même montrer nous ki Allah (swt) ene Vrai Roi. Pas couma ça bane léroi ki ou trouver là, couma dire zot fine déguise en sadou. Mais en bas, zot pé faire bane kitchoses ki pas bizin ; zot pé faire la corruption, zot pé faire bane dimounes pauvres et malheureux souffert. Bane ti dimounes pé crazé. Tandique ki Allah, Li traître tous dimounes pareil, égale. Kan Li faire soleil lévé, li lève pou tous dimounes même pour ça ki riche là et même pou ça ki pauvres, ou ki sois idolâtres ou Athée là. Et kan Li faire la pluie tomber, Li pas faire li tomber zis pou ça bane plantes là ! Non ! Li faire la pluie tomber pour zot tous. Ça ki appelle ene Vrai léroi, le Roi Véridique – « Malikul Haqq ». Et Allah fine donne nous ene tel religion, couma l’Islam, ki kan nous faire namaz, tous dimounes zot z’épaules bizin costé contre l’autre z’épaule et tous dimounes pé assize dans ene saff, ene rang. Eh bien, ça montrer ou ki devant lizié Allah na pas ena grade, couleur, beauté, qualification, ni richesse, pas ena nannié. Devant lizié Allah, zot tous pareil, pas ena ene pli supérieur ki lotte là là, ki li ene riche ou ene pauvres, mais ki zot tous bane Musulmans et zot pé déboute z’épaules contre z’épaules. Et kan zot pé deboute coumsa, alors li casse certaine la haine parmi ça bane dimounes là, et kot capave ena ene réconciliation et aussi li casse ça ‘takabbar’ (l’arrogance) là aussi. Et même, Hazrat Muhammad (s.a.w) même fine dire ki deboute dans saff droite et z’épaules contre z’épaules, parce ki si ou quitte ene l’espace, satan pou rentre au milieu et satan là dévier ou l’esprit dans le namaz. Alors c’est ça ki ou bizin prend refuge auprès d’Allah, ki voilà tous créatures pareil. Nous ene seul devant nous créateur. Na pas ena aucaine divergence entre nous. C’est nous ki créer ça divergence et différence là. Ça montrer ou ki pas ena aucaine humain ki pli supérieur ki so camarade. Pas ena ene humain ki li pli supérieur ki l’autre ; si pas sanlà li ena quatre lizié, ou bien l’autre ena huit la main, l’autre six zoreilles. Non ! Allah fine créer tous humain pareil. C’est ça ki appelle ene vrai léroi – « Malikul Haqq ». Après Allah pé cause lor l’autre partie de ça versets là ! Ensuite Li dire, ki kan pé lire le Quran, pas dégager pou lire le Quran (pas lire li vite). Ça verset là montrer nous ki Allah pé addresse ça à Hazrat Jibreel (a.s) et aussi Li pé conseil le Prophète (s.a.w). Allah pé dire zot, en d’autres mots, au Prophète (s.a.w), ki pas lire Quran vite vite. Lire li doucement doucement avec patience pour comprend ki Allah Li « Malikul Haqq » et So bane messages bien profond. « Et comprend bien O Prophète, kan Hazrat Jibreel (a.s) pé révèle toi ça bane révélations là ; c’est-à-dire, to bizin écoute bien et ensuite to répéter lentement, et correctement. » Nous capave comprend ki Allah pé conseille So bien-aimé Prophète (s.a.w) afin ki li comprend. Et ça aussi applique pour bane dimounes ki trouve dans le Oummah de Hazrat Muhammad (s.a.w) et ki pé suivre ça bane l’instructions là. C’est-à-dire ki kan pé lire Quran, zot tous bizin assizé tranquille, pas faire aucaine tapage et écoute ça bane (versets) messages là attentivement afin ki nous capave réfléchi et concentrer lor la grandeur d’Allah. Et penser couma ça Quran là fine révéler. Et aussi kan pé lire bane Surah ki trouve dans Quran, dans namaz, tous dimounes bizin écouter ou bien li répéter doucement. Et ene zaffaire important ki fine cité dans hadith aussi ; c’est ki kan pé faire namaz, ou pas ena droit pour alle devant, devant, avant le Imaam. Ou bizin attane le Imaam, fini faire ‘Allah O Akbar’. Ler ou faire derrière Imaam bane postures et lire seki bizin lire, si ou alle devant devant, Allah dire zot couma dire bane bourriques ki allonge zot licou devant devant. Ça premier zaffaire. Deuxième zaffaire, c’est kan le Imaam pé lire ene verset Quran, ena ça bane kalité dimounes là, ki kan zot conne ça, zot lire ça fort fort, et zot Imaam là, lerlà li pas capave concentrer ; li perdi. Alors ça c’est ene zaffaire ki pas bon. Pou améliore ça, c’est ki ou bizin lire Surah là doucement doucement dans ou le cœur, pour ou pas interrompre Imaam là. Et ine recommander même ki kan rentre dans Masjid, ou assize dans saff, à moins ou dans l’âge ou pas capave assizer en bas alors ou assize lor ene chaise. Et kan ou faire namaz aussi, ou faire namaz là avec beaucoup de respect, avec ene ‘adab’. C’est-à-dire, ou diboute droite, ou pas en cadence (bouze bouzé). Alors ça c’est bane Tarbiyyat ki bizin faire à bane Musulmans (ki li tipti, grandi et grand aussi) afin ki zot comprend et zot améliore zot même. Alors dans ça l’autre morceau de ça verset là, Allah pé conseille et faire le Prophète (s.a.w) comprend ki écoute bien et ensuite lire révélation là doucement et en même temps lire ça duah là : « Rabbi Zidni Ilma » - O Allah augmente mo connaissance. Guette Allah couma Li grand. Li même Li enseigne So prophète (s.a.w) ça bane duahs et Li-même pou donne So prophète (s.a.w) connaissance. C’est Allah même ki pou enseigne li (le Prophète) bane les autres kitchoses encore. C’est ça ki appelle ena Vrai Le Roi « Malikul Haqq ». Ça duah là veut aussi dire : « O mo Allah, mo pas ena connaissance. Mo pas ena l’éducation, mo ene Ummi (illéttré). Alors Allah To même To ena pouvoir pou éduque moi, alors augmente mo connaissance. » Ameen. Ça duah là, li applique aussi pour bane dimounes ki trouve dans le Oummah de Hazrat Muhammad (s.a.w) pour lire ça duah là et nous partage ça duah là avec nous bane les autres frères et sœurs de bane les autres religions. Par ça duah là, Allah conne mieux ki Insha-Allah zot capave gagne Imaan (la foi lor ene seul Dieu) – « Malikul Haqq ». Alors, ki Allah donne nous le Tawfeeq, et ki Allah augmente nous connaissance et ki nous capave enseigne les autres dimounes aussi. Insha-Allah ! Ameen.