بسم الله الرحمن الرحيم

 

Khutba Jummah

 

HAZRAT AMIR’UL MOMENEEN MUHYI-UD-DIN

AL KHALIFATULLAH

 

Munir Ahmad Azim

 

 

20 Novembre 2009

 

(Résumé du Khutba Jummah)

 

 

Après ki le Khalifatullah fine saluer zot tous, li fine commence lire le Tashahhud, Taouz et Surah Al Fatiha et ensuite li fine lire ça verset Quran suivant là:

 

Dix premiers jours de Zil Hajj compte parmi ça bane moments spéciales pour adoration Allah. Ibn Abbas (ra) rapporté ki Rassoollullah (saw) fine dire : « Aucaine actions li pas plus content par Allah ki bane ki faire pendant les dix premiers jours de Zil Hajj. » Bane dimounes fine demandé : « Pas même Jihâd ? » Rassoollullah (saw) réponne : « Pas même Jihâd excepté dans le cas ene personne ki sorti en péril de so la vie et so du bien et ki pas ramène nannié. »

 

Ça Hadith là, ainsi ki beaucoup d’autres indique nous ki ça dix jours là ena plus valeurs ki tous les autres jours de l’année.

 

Capave déduire vertus ça dix la nuits là d’après ene certaine nombre de choses :

 

Rassoollullah (saw) fine encourage bane Musulmans pour multiplier bane bons actions durant ça 10 jours là.

 

Rassoollullah (saw) fine ordonne pour récite beaucoup Tasbeeh (Subhan Allah), Tahmeed (Alhamdolillah) et Takbeer (Allah O Akbar) pendant ça période là.

 

Dans ça dix jours là ena Yawm-é-Arafah au cours de laquelle Ayat ki exprime perfection l’Islam to révéler : « Azordi Mo fine perfectionne pour zot, zot religion et Mo fine complète Mo faveur lors zot, et Mo fine choisir pour zot, l’Islam comme ene religion. » (Ch. 5 Al-Maida V.4)

 

Roza ça jour là amène pardon pour deux l’années péchés, comme témoigner par plusieurs hadiths. Rassoollullah (saw) fine aussi qualifié ça jour là comme le meilleur de l’année.

 

Jabir (ra) rapporté ki Rassoollullah (saw) fine dire : « Aucaine jour de l’année péna plus valeur auprès Allah ki le jour de Arafah. »

 

Yaum-al-Nahar (Jour Sacrifice) ki ene de bane moments les plus importants de l’année et du Hajj forme partie de ça dix jours là.

 

Quelques actions à faire pendant ça 10 jours là : Faire Taubah et rappelle Allah souvent (par Zikr et bane actes d’adoration).

 

Li Sunnat pour garde Roza neuvième jour Zil Hajj, parski ça acte là compte parmi bane plus apprécié par Allah, comme annoncé dans ene Hadith Qudsi : « Allah dire : Tous bane actions de l’humain zot pou li, excepté Roza ki pour Moi. Mo pour récompense li personnellement pour ça action là. » (Bukhari)

 

Rappel : Li strictement interdit pou garde Roza pendant cinq jours de l’année : 10, 11, 12, 13 Zil Hajj, ainsi ki 1er Shawwal (Jour Eid-ul-Fitr).

 

Plusieurs Hadiths montrer également vertu Ibaadat durant 10 premiers jours de Zil Hajj. Rassoollullah (saw) dire dans ene Hadith : « Celui ki reste éveillé pendant les nuits des deux Eids, dans l’espoir pour gagne récompenses, so le cœur pas pou mort, jour kan bane les cœurs pour mort. »

 

L’importance Jour Arafah : Ena beaucoup profits pour garde Roza ça jour là. Fine aussi rapporté ki péna l’autre jour kot bane pécheurs zot libérer de l’enfer. Pour ce ki est des mérites de ça Roza là, Abou Qatadah (ra) rapporter ki le Saint Prophète (saw) fine dire : « Mo ena l’espoir ki Roza jour Arafah compense bane péchés de l’année précédent et l’année suivant. » (Muslim)

 

Rassoollullah (saw) ti ena l’habitude pour garde Roza 9ème jour Zil Hajj. Hunaydah Ibn Khatid (ra) rapporté de so madame ki certaines bane épouses du Prophète (saw) fine dire :

 

« Rassoollullah (saw) ti ena l’habitude pour garde Roza 9ème Zil Hajj, jour Ashourah, trois jours dans chaque mois, ainsi ki les deux premiers Lundi et Jeudi de chaque mois. » (Nassaï, Abu Dawud)

 

Dans ene l’autre Hadith, Hazrat Muhammad (saw) affirmé ki “Roza Arafah équivaut à mille Rozas. » (Bayhaqi – Tabrani)

 

Ça jour là même pardon Hazrat Adam ti accepté et Hazrat Moussa (as) ti cause avec so Rab. Qurbani Hazrat Ismaïl (as) accepté par Hazrat Ibrahim (as) ti compenser par ene mouton. Et surtout ça jour là ki Allah Taala fine parachève mission Muhammad (saw).

 

« Allah O Akbar Allah O Akbar Laa Ilaaha Illallaahou Allah O Akbar Allah Akbar wa lillahi Hamd. »

 

Origine Takbeer Tashreek remonte à le temps Hazrat Ibrahim (as), kan li ti allonge so garçon Ismaïl (as) pour sacrifier li, Allah recommande Jibraïl (as) pour amène ene compensation. Jibraïl (as) peur ki Hazrat Ibrahim (as) sacrifier so garçon, commence lire : Allahou Akbar, Allahou Akbar.

 

Quand Hazrat Ibrahim (as) tende ça la voix là, trouve ça comme ene bon nouvelle, li commence crier : Laa Ilaaha Illallahou Allah O Akbar, et Hazrat Ismaïl (as) comprenant ki c’est ene compensation, commence lire bane paroles suivants en chantant les louanges d’Allah et en remerciant Allah : Allah O Akbar wa lillahil Hamd.

 

1. Li waajib pour lire Takbeer depuis 9ème jour après Namaz Fajr jusqu’à 13ème jour après Namaz Asr.

2. Lire Takbeer après Namaz Eid.

3. Lire Takbeer à haute voix après Namaz en Jamaat – Bane madames besoin lire li à voix basses.

4. Même si Namaz pas fine faire avec Jamaat, besoin lire Takbeer.

5. Li aussi waajib pour le Masshouq (Celui ki dans Namaz en Jamaat pé remplace bane Rakaat manqué).

Si arrivé Imaam oublier lire Takbeer après Namaz, li appartenir à bane Mouqtadis pour commence la lecture.

 

L’importance la nuit 8, 9 et 10 Zil Hajj :

 

Rassoollullah (saw) fine dire : « Quiconque reste éveillé et prier pendant bane la nuit d’Eid-ul-Fitr et Eid-ul-Adha, pas pou trouve so le cœur teigne, jour ki les autres les cœurs pour arrête batté. »

 

Hazrat Mou’az Ibn Djabal (ra) rapporté ki Rassoollullah (saw) fine dire Jannat wajib pour faire Ibaadat au cours les nuits de 15ème Shabaan, Eid-ul-Fitr, des 8, 9 et 10 du mois Zil Hajj. Li rapporté ki bane duah zot beaucoup plus accepté les nuits suivants : La nuit du Vendredi (Jeudi soir), 1er Rajab, 15 Shabaan, la nuit Eid-ul-Fitr et la nuit Eid-ul-Adha.

 

Bane animeaux ki capave offert en Qurbani c’est : bouc, chèvre, mouton, vache, bœuf, chameaux, cabri besoin ena l an ; bœuf-vache 2 ans, chameau 5 ans. Si l’âge moins, Qurbani pas valable. Pour Qurbani waajib, mouton et cabri compte comme ene part et bétail divisé en 7 parts par animal.

 

L’animal choisi pour Qurbani besoin en bonne santé, joli et sans défauts. Animal incomplète, déformé ou handicappé pas permette pour Qurbani.

 

Qurbani li waajib lors tous Musulmans ki sains d’esprit, majeur. Ena ene Hadith rapporté par Hazrat Abu Huraira (as) ki Hazrat Muhammad (saw) fine dire ki : Celui ki ena les moyens pour faire Qurbani et ki li pas faire li, li pas besoin vine près avec Eid Gah.

 

Bane pauvres et bane voyageurs pas obligés faire Qurbani. Fine rapporté ki Rassoollullah (saw) fine dire : « Quand zot trouve la lune Zil Hajj, celui ki ena l’intention pour faire Qurbani, faudré pas li coupe cheveux ni ongles. »

 

Celui lors ki Qurbani li waajib acheter ene zanimeaux et ki li perdu li, li vine obligatoire pour li pour acheter ene l’autre zanimeau pareil et faire Qurbani.

 

Ene celui lors ki Qurbani waajib et ki fine acheter ene zanimeau mais pour certaines raisons li pas offert sacrifice là le jour fixé, li vine obligatoire lors li pour li sacrifier zanimeau là et donne la viande là bane pauvres. Li pas permette pour li servi ça la viande là.

 

Pour celui alors ki Qurbani li waajib mais ki par négligence pas faire Qurbani, li vine obligatoire pour li donne ça valeur là en charité.

 

L’heure pour Qurbani commencé après Namaz Eid le 10 Zil Hajj et li terminé au coucher du soleil le 12 Zil Hajj. Toutefois li meilleur pour faire Qurbani le premier jour, juste après Namaz Eid.

 

ZABAH : Si ene Musulman connaît comment pour faire Zabah bien, li mustahab (désirable) ki li faire Zabah avec so propre la main. Si ene quelqu’un pas capave faire li, li meilleur pour délègue ene l’autre Musulman ki conne principe islamique pour Zabah bien. Ene madame musulmane, si li capable, besoin faire Zabah li-même. Dans n’importe ki cas li désirable ki la personne pour ki Qurbani pé faire li besoin présent.

 

Zabah dans principe islamique veut dire ki la gorge, 2 la veine jugulaire extrême et tube l’air animal là li coupe vite et proprement avec ene couteau bien aiguisé ensemble avec récitation « Bismillah Allah O Akbar ».

 

L’heure Zabah, l’animal besoin placé, avec so la gorge vers Qibla et avant Zabah lire :

 

« Mo fine tourne sincèrement vers Celui Qui fine créé le ciel et la terre. Et mo pas ene parmi bane idolâtres. En vérité, mo Namaz, mo sacrifice, mo la vie, et mo la mort appartenir à Allah. Li péna associé. Et voilà comme prescrire mo soumette zot à Allah. O Allah ça pour Toi et li vine de Toi. »

 

L’heure pé faire Zabah lire : « Bismillahi Allah O Akbar. »

 

Après Zabah lire :

 

O Allah ! Accepter (ça) de moi comme To fine accepter celui de To cher camarade Hazrat Ibrahim (as) et celui de To bien-aimé Hazrat Muhammad (saw).

 

Si ene quelqu’un pas conne duahs là par cœur, li correcte si li faire Zabah avec Niyyat Qurbani et récitation de : « Bismillahi Allah O Akbar. »

 

Celui ki fine faire Zabah, ou ki fine plisse zanimeau là, pas capave paye li avec la peau zanimeau là. Besoin faire provision ene l’autre type de paiement.

 

La peau animal Qurbani capave gardé pour servi. Tel ki après ki fine tanne li, servi li comment mussallah, en sac de l’eau ou autre chose. Si vendre la peau là, l’argent là pas capave servi et li waajib pour donne li en sadqua. Si ena 7 parts, la viande ki partager parmi bane partenaires besoin faire par poids et non par estimation et li nécéssaire ki distribuer la viande là ene façon équitable par poids et par qualité.

 

Et li préférable ki la viande Qurbani distribué en trois parts :

 

(1) Part pour la famille dans la caze.

(1) Part pour bane camarades et familles.

(1) Part pour bane pauvres et nécéssiteux.

 

Et li Haraam pour vendre la viande Qurbani.

 

Insha-Allah, la semaine prochaine Insha-Allah mo pou contigne lors le Qurbani toujours dans cadre de Eid-ul-Adha.

 

Ki Allah aide nous pour comprend tous ça là et guide nous sur le droit chemin et accepté nous sacrifice, Insha-Allah. Ameen.