Text Box: Bismillah-ir-Rahman-ir-Rahim KHUTBA JUMMAH HAZRAT AMIR’UL MOMENEEN MUHYI-UD-DIN AL KHALIFATULLAH MUNIR AHMAD AZIM 14 Novembre 2008 (Résumé du Khutba Jummah) Après ki le Khalifatullah fine saluer zot tous, li fine commence lire le Tashahhud, Taouz et Surah Al Fatiha et ensuite li fine lire les versets suivants: SURAH AT-TAWBAH CH.9 V. 33-34  Zotte cherche teigne clarté Allah avec zotte la bouche, mais Allah insister pou perfection so clarté, même si sa pas faire plaisir bane kafirs (infidèles). Couma mo ouvert Quran Allah montrer moi sa verset là. Quand Allah Li envoye So Messager, li vini avec l’instruction de coté d’Allah même. Quand bane prophète suive Allah So bane l’instructions, définitivement li gagne bane clashs, persécutions avec bane lézotte dimounes; que ce soi bane ki dire zotte croyants et bane incroyants aussi. Boucou causer nous tanne avec zot la bouche. Zotte dire ki zotte fine témoigne bane révélations dans Study Circle. Zotte dire zotte fine gagne bane signes, zotte dire sa avec zotte la bouche, mais besoin prend boucou précautions avec séki la bouche dire, parceki la foi li bien fragile. Nous besoin faire boucou doah ki nous pas dévier dans bon chemin après ki Allah fine montrer nous bane signes et fine témoigne aussi bane véracité de bane manifestations d’Allah. Ena bane incroyants zotte pou dire boucou de bane affaires lors le prophète d’Allah ki li ene menteur, sorcier, zotte faire bouffon etc… Et bane hypocrites zotte, zotte montrer ki zotte avec ou, zotte vini zotte épier, zotte observe tous bane actions zotte aller, zotte alle manifester contre le prophète d’Allah, Allah Li perfection sa la lumière là, et sa la lumière là li éclairer dans ene tel hauteur, ki tous bane dimoune trouve sa l’éclairage là. Sa bane dimoune là zotte penser ki le prophète d’Allah besoin obéir saki zotte dire ; c’est zotte ki pou contrôle le Messager d’Allah. Bé ki baiat ou fine prend dans la main du prophète, ki ou dire ou pou obéir li, et ou fine accepter li, comme ene Messager d’Allah. Et après sa ou dire ki li vine décote d’Allah après ou même ou rode prend le pouvoir, ou rode prend l’autorité dans ou la main, et après ou faire bane dimoune peur, pou ki bane dimoune pas cause avec li, mette boycotte, cause tous qualité causer, pou bane dimoune gagne ene dégoût avec li. Péna aucaine prophète ki fine vini kot zotte fine marche lors tapis velours. Tous bane prophète besoin passe par bane persécutions. Li pas capave couma li dire, li vine décoté d’Allah, zotte croire li facilement et sans palabres et persécutions. Aster quand nous faire Namaz, dans chaque Namaz nous lire Surah Fatiha, dans sa Surah là kot nous pé demande Allah, donne nous faveurs. Ki sa faveur là sa ? Richesse, l’auto, l’argent, la terre, etc… ? C’est quoi ? Non, faveur c’est ki envoye parmi nous bane prophètes, ki pou guide nous dans le droit chemin. Astaire quand Allah (twa) envoye nous So prophète, ki nous faire nous ? Nous pas accepter li, nous tourne le dos avec bane signes, nous dibouter nous sorte conte sa messager ki Allah fine envoyer là. Quand ou cause conte le prophète d’Allah, définitivement prophète la li fine vini avec ene la lumière d’Allah, avec ene la lumière ki pou éclaire ou. Ou pas pou capave teigne sa la lumière là. Ki ou pou faire ? Ou sorte contre sa messager là. Mette blâme, et bane fausses accusations lors li etc… Quand ou faire sa, ou penser dimoune pou sorte conte li, pas pou écoute so message, etpou faire dimoune vire le dos avec li, kot pas pou ena personne avec li. Tous pou quitte li ! Allah dire : « Mais non ! C’est Moi Allah ki pou persisté pou perfection Mo la lumière. Dimoune pou faire tout zot mieux pou teigne sa la lumière là avec zotte la bouche. » Ene la bougie quand li allumer ou souffler, li teigne, mais ene tube quand li allumer ou pas pou capave teigne li avec ou la bouche. Même la brise pou tape avec li, li pas pou teigne. Sa bane dimoune là, zotte penser, quand Allah envoye So prophète, zotte pou capave teigne so clarté avec zotte la bouche, pareil couma la bougie. Allah dire non, zotte pou cause toute sorte qualité causer avec zotte la bouche. Penser ki Allah ena tous pouvoir ! Allah ena pouvoir pou perfection So la lumière même si ça pas faire zotte plaisir. Même bane incroyant pé cause toute sorte qualité causer, pé faire toute sorte qualité complot, etc… Allah dire, « Quand Moi Mo fine envoye Mo prophète, c‘est Moi ki pou perfection Mo la lumière lor li, même si ça pas pé faire ou plaisir, même ou fine trouve photo lors la gazette (le 12 Novembre 2007) kot ou fine manifester ou fine montre ou vrai visage kot ou fine écrire et ou fine mette lors la gazette (le 19 Novembre 2007), pou ou humilier le prophète et ou même ou dire péna aucaine centre dans tel place li fausse ! Allah alors, ki Li faire ? Li fine faire sa même place ki ou dire péna centre, sa même place Allah perfection So la lumière, kot Li dire : « Moi Mo faire sa place là vine ene centre, kot bane dimoune (Insha Allah) pou vine cherche sa la lumière là. » Ou dire : « Pas li ki président, MOI ki président ! » Allah dire : « Moi ki pou élève li ; Ou prétendre séki ou pas été. Ou dire ki li pas gagne droit servi sa nom là (le nom du Jamaat), tandis ki Moi Allah ki fine donne Mo humble serviteur sa nom là. C’est Moi Allah ki fine donne li sa la lumière là. Et ou, ou pé rode teigne sa la lumière la ; ou prend en otage (hijack) sa Jamaat là. C’est Moi Allah ki fine révèle sa. Ou bliyer la cour d’Allah et ou pé base ou dans la cour mondaine pou ki ou gagne l’autorité, parceki c’est l’homme ki vote le président, l’homme ki vote Managing Comittee. Eski bane Managing Comittee ki fine voter pou ki li vine le Mohyuddin de sa l’époque là ? Eski Managing Comittee ki ti faire li gagne banes signes décoter d’Allah ? Eski Allah ti bizin prend permission avec le soi-disant Président et so Managing Committee pour élève So humble Serviteur comme le Mohyuddin et Khalifatullah ? Alors quand ou fine trouve sa, ou fine servi bane moyen mondaine parceki ou conné ki ou fine faire dans ou plan pou teigne la lumière d’Allah, pou ki ou prend la barre ! » Allah dire pour ça bane kalité dimounes là ki zot fine rode teigne la lumière d’Allah à travers constitution (la loi) mondaine, kot zot fine retire Allah So humble serviteur et fine mette li comme ene simple membre. Dans le mois de Ramadhan, Allah révèle ça : « Maa alal Mohyuddin Khalifatullah illah balaag » - Le Mohyuddin Khalifatullah ena juste pour répandre le Message. Allah dire : « C’est Moi ki fine élève li, et c’est à travers li-même ki Mo fine donne le nom du Jamaat Ahmadiyya Al Mouslemeen »  C’est à travers l’instruction d’Allah ki Allah fine donne à So humble Serviteur pour réforme sa Jamaat du Messie Promis (a.s). Allah continuer dire : « C’est à travers li ki Mo fine donne l’instruction ki travail bizin faire. Quand ou trouve tous sa ki li fine faire li et fine établi bien, fine tire bane journal et même le website kot le message du Tauhid (l’Unicité d’Allah) fine alle dans quatre coins du monde ; mission commence fonder dans bane lézotte pays, dans bane l’îles et à Maurice aussi. Alors ki ou faire ? Allah même faire ou faire sa, ou même ou faire déclaration ou même ou cause tous, ou même ou faire serment, ou dire tous sa là c’est la vérité, à la lumière de Duah ki ou fine faire avec Allah et Allah fine révèle ou ki tous sa révélations ki sa humble serviteur là gagner li vrai. Lerlà même ou fine commence faire ou Dawa avec bane lézotte concernant Manifestation Divine dans sa ti l’île Maurice là et ou aussi ou fine être expulsé de Nizam-é-Jamaat Ahmadiyya, et fine traîte ou de stupide à cause de la révélation ki Mo humble serviteur fine recevoir. Ou fine reste bien ferme à sa moment là dans ou la foi, et Mo fine mette ou à côté de Mo humble serviteur, kot zot tous les deux fine être persécuter ensam. Après ou même ou renier tous ! Ki faire ? Parceki ena ene égoiste ki manifester dans ou le cœur, c’est ki appelle ‘le Moi’ – ‘Moi ça, Moi ki malin, moi ki ena connaissance ; ou bizin écoute moi !’ – Kot le Créateur été ? Kot la Manifestation Divine été ? Kot ou déclaration, dawa, Baiat dans Mo humble Serviteur été ? Et ou dire ki Allah fine envoye ene dimoune et ou dire ki ou fine témoigne la révélation et bane manifestations, et aussi bane lézotte aussi fine attrape micro ki zot fine dire ki zot aussi fine témoigne de la véracité de Mo humble serviteur. Et aussi zot dire ki zot fine témoigne bane signes et bane manifestations, et Moi ti fine donne zot bane joli rêves et visions et kot zot aussi fine gagne la révélation, ki li so madame, zenfants et bane missiés. Tout fine gagner sans exception, pou ki zot la foi renforci, couma Hazrat Massih Maoud (a.s) ti fine prophétiser ki pou arrive ene l’époque kot bane madames, bane zenfants et bane dimounes ordinaires pour gagne révélations et tout ti témoigne sa dans Jamaat Ahmadiyya Al Mouslemeen. » Azordi ki ça bane dimounes ki soi-disant zot fine trouve bane signes et gagne bane révélations dire ? Allah So humble serviteur pas gagne droit servi sa nom du Jamaat là ! Zotte conner ki zotte fine faire lors la constitution du Jamaat ; alors ki zotte dire ? Zotte dire zotte pou amène sa en cour, zotte pou faire tous sa la, et c’est Allah so Humble Serviteur ki bizin alle présenter en cour, si Mo pas arrête servi le nom du Jamaat. Si zotte ti recevoir sa nom là de côté d’Allah, ok, mo ti pou accepter. Quand ou fine faire tous sa la, Allah pas fine tarder. Sa même l’année là, kot Allah fine manifester li, aujourd’hui le 14 Novembre 2008, sa faire un an ki l’article célébration Jalsa Salana ti apraître dans le Journal « l’Express ». Et zot fine bouilli de rage, kot zot fine manifester zot vrai visage et zot bassesses, le 19 Novembre 2007 kot lor même journal ki sa l’article là ti paraître, zot fine humilier ene Humble Serviteur d’Allah, kot pé faire le travail de Deen, mais sa pas fine digère zot ! Zot fine manifester zot vrai la haine et family feeling ki zot ti ena dans zot lécoeur, et kot Allah Li-même auparavant dans plusieurs révélations ki ti recevoir devant zot-même, ti mette zot en garde contre ça ! Dans sa même journal ki zot fine dire pena aucaine centre dans le Nord de Maurice pour Jamaat Ahmadiyya Al Mouslemeen, ala kot ça verset Quran, kot Allah dire, ki zot rode teigne la lumière d’Allah, mais Allah pou perfectionne So la lumière ! Guette couma Allah fine perfectionne So la lumière :- Dans le Journal de « l’Express » du 19 Novembre 2007, zot fine mette trois points : 1. Ki dans tel place péna aucaine centre du Jamaat là-bas. Allah fine faire sa place là vine ene centre ! 2. Zotte dire ki li (c’est-à-dire Allah So humble Serviteur) pas président. Cette fois-ci Allah élève li pli là-haut ki sa ! 3. Zotte dire ki li pas gagne droit servi sa nom du Jamaat là. Allah honore So Humble Serviteur et donne moi par So Grâce la révélation du nom de Jamaat Ul Sahih Al Islam, kot pareil couma Allah ti rèvele à Hazrat Muhammad (s.a.w) ki « Azordi Mo parfaire To religion et Mo donne So nom l’Islam ». Guette couma Allah insister pou perfectionne So la lumière. Sa même le pli grand preuve pou ene Messager d’Allah. Si ene dimoune li pas reconnaître sa signe la, li encore peur dimoune, au lieu ki li peur Allah, c’est ki li perdi tout So confiance dans Allah. Li oublier ki so manger, boire, so l’honneur, so la vie, tous sa là trouve dans la main d’Allah, pas trouve dans la main de l’homme. sa bane dimounes là zotte rentre dans le même catégorie de bane incroyants, bane hypocrites ki mette blâmes, accusations, pou essaye teigne la lumière d’Allah, zotte dire bane causer lors le prophète d’Allah.  C’est Li (Allah) ki fine envoye So Messager avec ene guide et la religion de la vérité, pou faire li briller lors tous les autres religions, même si ça pas faire plaisir bane idolatres. C’est Allah ki fine envoye So Messager, avec ene guide ; c’est pas ou ki fine vote comme Messager, kot zot bizin donne li tous bane l’instructions. Ene Messager d’Allah so l’instructions li vine de côté Celui ki fine choisir li pou propage So message, pour donne la bonne nouvelle et donne bane avertissements. Dimounes capave vote ene kikaine comme président, et pou sa dimoune là vine président, li faire beaucoup campagne pour li gagne l’autorité dans so la main, pou li faire séki li envie. Oui, ene président li durer un ans, deux ans ou cinq ans. Parfois ene président li pas durée même ni un ans ni cinq ans. Comparer avec ene président voté par l’homme, et ene Messager ki vine de côté d’Allah, ena léciel et la terre différences ! Président voté par l’homme li lévé en l’air en l’air par l’homme couma dire zot bondié, kan tandique ki ene Messager ki vine de côté d’Allah, li rejeter par l’homme, mais li élever par Allah, malgré toutes sortes kalité persécutions, blâmes, accusations, traite li de menteur, sorcier, malade, droguer etc… Malgré tous sa là, li continuer marche lor piquants sans jette z’armes, pour propage le message de so Créateur sans ki li demande aucaine paiement, aucaine salaire ni ex-gratia. C’est Allah ki envoye so prophète ! Ou penser quand ou teigne la lumière la bas, Allah pas capave allume sa par ici. Définitivement Allah li allume sa plis ki sa encore. Parceki li envoye so Messager par ene guide. Ki sa guide la ? Dans Surah At-Taubah quand Allah pé révèle sa à so Nabi Muhammad (s.a.w.) Li ti pé faire bane juifs et bane chrétiens comprend, pareil couma bane juifs ti prend Uzair garçon Bon Dieu et bane chrétiens dire ki Jésus garçon Bon Dieu et Allah fine récite sa dans le Quran Sharif. Avec la venue de Hazrat Muhammad (s.a.w) li fine envoye li avec ene guide. Ki sa guide là ? Le Quran Sharif ; c’est sa ki pou amène nous dans le droit chemin. C’est sa ki pou casse sa bane fausseté ki zotte pé dire lors Allah. Sa livre là pas fine vini coumsa même, ni li fine tomber dépi lors le ciel et après fine ramasse li. Non ! Sa livre la fine vine par révélation et li fine prend 23 ans. Le premier guide c’est le Quran, et So Messager c’est Hazrat Mohammad (s.a.w) et bane Messager pou continuer vine dans so Ummat et sa bane la aussi zotte pou vine avec ene guide, zotte pas pou vine avec ene nouveau livre, pareil couma Allah fine révèle le Quran dans le passé. Li pé causer maintenant couma Li ti pé causer dans le passé, et Li pou continuer dans l’avenir. Sa aussi ene guide quand Allah envoye so Messager, Li envoye li avec bane messages, bane révélations pou guide bane dimounes ki fine dévier lor So chemin. Allah mention trois zaffaire et sa trois zaffaire la, et Li pou refitte zotte saki zotte ti mette lors journal le 19 Novembre 2007. Allah premier zaffaire ki Li dire, c’est ki Allah ki envoye Messager. Deuxième zotte dire là-bas péna centre. Allah dire : « Moi, Mo guide li, Mo faire li ouvert ene centre là-bas. Couma Allah guide li ? C’est par révélation. Quand zotte dire péna aucaine centre là-bas, c’est-à-dire, en d’autres mots, zotte pé traite li ene menteur, ki so bane parole fausse, et en d’autres mots, so révélation aussi fausse. » Allah dire coumsa : « Voila avec ene guide, sa même place Mo faire li vine ene centre et sa centre là même ki pou prouve ki Mo cause avec li, et ki li suive Mo guide. » Et troisième, zotte dire ki li pas gagne droit servi le nom du Jamaat. Allah dire : « C’est Moi, ki donne li sa la religion de vérité là. Toi to dire, Jamaat ; Moi mo donne li, le nom de vérité : Islam ; Sahih Al Islam (l’Islam Authentique) - l’intégrité dans la religion, soumission totale envers Allah. » Et Allah fine refitte sa troisième point là dans sa verset 34 là. Si ou assizé ou réfléchi, Allah Li bien Grand. Allah O Akbar ! Péna personne pou être adorer apparte Allah ! Allah pou faire la religion Islam briller. Voila zotte fine manigance la religion de l’Islam ; zotte fine diviser entre zotte même, zotte fine soif pouvoir, au lieu zotte guette travail de Deen avant, l’enseignement ki Allah fine envoyer lors so Nabi Muhammad (s.a.w) pou donne l’humanité. Bane là fine bafoué l’enseignement de Islam. Dimounes quand guette bane musulmans azordi, zotte guetter avec ene dégoût, et même zotte traite bane musulmans de terroristes, mais Allah eski Li pou laisse l’Islam, laisse bane dimounes dire ki musulmans, ki l’Islam ene religion terroriste ? A cause sa bane qualité dimoune, ki pé soif pouvoir, et rode l’autorité dans zotte la main, zotte pé faire bane kitchose d’après zotte nafs (ego), d’après zotte désire ki pé manifester. Zotte faire kitchose pou ki dimoune obéir zotte, et peur zotte. Allah dire sa qualité pouvoir là, prophète même ena humilité. Encore quand le prophète ti pé trouve dimoune, li ti pé faire zot Salaam en premier que soi ene grand dimoune. Le Saint prophète (s.a.w) ti ene l’example parfait, et verset 34 pé dire : Eski Allah pou laisse Islam alle à la dérive, alle dans l’obscurité ? Allah pou bizin faire Islam briller, lors les autres religions ! C’est pas l’homme ki pé dire sa, c’est Allah ki fine promette sa. Et Li fine parfaire sa religion là quand Li fine donne sa nom Islam là. Allah pou uni zotte tous, et Allah pou mette bane pieux ensemble même si sa pas faire bane idolâtres plaisir. Pas penser idoles c’est juste statues. Quand ou envie gagne l’autorité dans ou la main, ou envie gagne pouvoir, ou envie gagne la masse dimounes avec ou, sa aussi li appelle idolâtres. Ki Allah préserve nous Iman. Ameen.