Text Box: Bismillah-ir-Rahman-ir-Rahim KHUTBA JUMMAH HAZRAT AMIR’UL MOMENEEN MUHYI-UD-DIN AL KHALIFATULLAH MUNIR AHMAD AZIM 08 Août 2008 (Résumé du Khutba Jummah) Couma Hazrat Muhyi-ud-Din Al-Khalifatullah fine ouvert le Quran li fine trouve deux versets, mais ensuite ene la brise fort fine soufflé et bane pages du Quran fine virer avec ene vitesse et fine arrête zis lor Ruku 4 de Surah Al-Mominoon, et Allah faire le Khalifatullah comprends ki c’est lor ça bane versets là ki li bizin faire so Khutba Jummah: Ch. 23 Al-Mominoon V.52-64 (Ruku 4). Alors après ki le Khalifatullah fine saluer zot tous, li fine commence lire le Tashahhud, Taouz et Surah Al Fatiha et ensuite li fine lire ça bane versets suivants là : Ya ayyuhar rusulu kuluu minat tayyibati wa’maluu salihaa : innee bima ta’maloona Aleem O banes messagers, jouir des bonnes choses et faire du bien. Moi Mo conne bien séki ou faire. Dans ça versets là, Allah pé addresse tous So prophètes et Li dire zot jouir des bonnes choses ; c’est-à-dire, pas bane zaffaires mondaines ! Mais pluto jouir bane bonnes choses du côté de la spiritualité et aussi séki Allah fine placer de bons lor ça la terre là. Et Allah dire zot faire du bien. Ki faire ? C’est parski parmi tous bane milliers de dimounes lor la terre là. Et Allah dire zot faire du bien. Ki faire ? C’est parski parmi tous ça bane dimounes lor la terre, Li (Allah) fine choisir So bane messagers. Couma nous dire ; Allah Li élève séki li oulé. Li pas bizin demande Monsieur X, Y, Z, mais au contraire Li faire séki Li oulé. Et Allah bien content So messager. Aussi Allah coze are li et donne li bane messages. Allah guide li et mette li dans ene bon chemin, pour ki li amène dimounes dans ça chemin là. Et Allah faire li faire bane bons travails, c’est-à-dire, li guide bane dimounes vers ene seul Allah, Dieu l’Unique. Et ça messager là li prêche bane messages. Et si ça prophète là, li fine fauter, alors Allah corrige li. Et Allah pardonne li et révèle li beaucoup duah, afin ki ça bane ki fine accepter so message là, zot capave lire ça bane duahs là aussi. Et Allah enseigne li couma pou faire le Khidmat-é-Khalq (Service à l’Humanité), pou guide l’humanité pou faire bane bonnes actions, bane bonnes œuvres et pou servir l’humanité dans toutes les circonstances, et invite l’humanité à ene seul Allah (swt). Et ça bane dimounes là, zot bane plus chanceux devant lizié d’Allah, malgré ki dimounes guette zot avec ene lizié de dédain. Ça bane messagers là, zot bane choisis d’Allah. Malgré ki zot vine bane cibles de bane non-croyants. Parce ki ça bane kalité dimounes, zot pas fine être élever par l’homme. Par example : Ene election générale vini, bizin vote ene Premier Ministre. C’est dimounes ki pou éleve li. Oui, mais ça bane dimounes là, zordi zot capave are li, demain zot capave quitte li. Zordi li capave premier Ministre, demain non. Par contre Allah jamais li pas pou quitte so messagers. Li pas quitte So bane serviteurs choisis. Et Allah dire moi ; ‘Mo conne bien séki ou faire.’ Li conner commié du bien So messager faire et Li content avec So messager. Même si dimoune cause menti, mette bane fausses accusations lor ça bane prophètes là et blâme zot. Et ça pas faire ni Allah et ni So messagers nannié. C’est Allah ki conne les cœurs et actions de so bane prophètes pli bien ki tout et Allah vine zot protection et lave ça bane blâmes et accusations là et plans de bane malfaiteurs. Allah conné séki So prophètes faire et ene prophète vini seulement pour suivre Allah So l’instructions et So commandements.  Communauté à ki ou appartenir là forme ene seule groupe, et c’est Moi ou Maître. Alors suivre Mo chemin. Wa-inna haazihi ummatukum ummatanw waahidatanw wa ana Rabbukum fattaqoon Alors kan ene prophète vine lor la terre, tous dimounes ki autour de ça prophète là, seki fine accepter li sincèrement et fine amène Imaan, alors zot forme ene communauté de bane vrais et sincère croyants. Et Allah dire : « C’est zot ki forme ene seul et vrai groupe croyant, zot fine rallié zot et attache zot en ene seule groupe. Couma ene seul famille famille autour le prophète. » Et Allah dire : « C’est Moi ou Maître ; c’est Moi ou Créateur. Alors suive Mo chemin. Suivre le droit chemin et prêche Mo l’Unicité. Et faire la prière beaucoup et prier afin ki Mo pardonne ou tous ou péchés et donne ou ene récompense mériter et reste ferme dans le chemin d’Allah, arrive séki arrive, et suivre l’instructions et obéir seki Mo prophète dire zot, pour zot propre bien. »  Fataqatta’uuu amrahum baynahum zuburaa ; kullu hizbim bimaa ladayhim farihoon Mais dimoune fine divisé en sectes, et chaque groupe prend ene grand plaisir dans so propre (religion). Allah dire : « Mais malheureusement kan Mo prophète li vini et Mo élève li comme ene messager ; alors c’est toujours ene ti poigné ki accepter ça prophète là et la majorité rejette li. Parski zot pas accepter li et zot pas d’accord avec so message ki li pé transmette. Lerlà même ki zot traite li de menteur etc. ; et mette toute sorte kalité blâmes lor li et zot commence prend l’autorité dans zot la main et zot prend grand plaisir dans zot propre croyance. Zot prend zot-même ki conne tout et comme-ci dirai ene prophète d’Allah bizin marche lor zot l’instructions, ou sois zot rode dirige le prophète ou bien zot-même zot prend bane décisions finale mais ça pas passer devant les yeux d’Allah. Alors kan le messager d’Allah pas accepter séki zot dire et faire, alors zot dissocier zot complètement, zot quitte le prophète d’Allah et zot forme ene lotte groupe, et lerlà même zot dire, ki ça messager là li fausse, li cause menti, et zot dire toutes sortes kalité causer lor li pour ki bane les autres dimounes croire séki zot dire li vrai, mais seulement Allah ki conné ki sanlà ki vrai et ki sanlà pé menti. Mais Allah dire, pas faire nannié de séki zot pé dire et faire ; c’est zis pour ene certaine temps et laisse zot jouir pour certaines temps de séki zot pé fabriquer là. C’est devant Allah (swt) ki zot ena pou présenter et rendre compte pour tous séki zot fine faire. Allah réconforte So messagers par ça bane paroles là.  Fazarhum fee ghamratihim hattaa hiin Mais laisse zot (O Prophète) dans zot confusion pou ene certain temps. Allah dire : « O Mo bane Messagers, zot (càd, ça bane dimounes là) fine fatigue zot, mais laisse zot. Soi-disant zot pé montrer toi couma zot bane situations pli bon ki toi et zot dans bien ; zot pé montrer toi ki zot dans ene grand plaisir (seulement comme ene show), mais laisse zot. » Allah dire : « Parski au fonds de zot-mêmes, zot dans ene grand confusion, et en vrai dire, zot péna aucaine plaisir et ça bane kalité dimounes là, zot pas veille zot zaffaires. Zot cherche tous ti faiblesses de bane les autres et zot pas guette zot-mêmes, zot bane propre défauts. Allah détester ça bane kalité dimounes là.  Eski zot penser ki si Nous accorde zot ene grand kantité l’argent et zenfants, qui Nous accélère du bien pou zot ? Non, zot pas comprend. Ayahsaboona annamaa numidduhum bihii mim maa linw wa baneen ; Nusaari’u lahum fil khayrat ? Bal laa yash’uroon Alors ça bane kalité dimounes là, pé guette zis ça bane ti jouissances temporaires là, ki Allah fine tester zot avec ça. Allah dire : « Eski ça bane là zot penser ki kan zot fine diviser et zot fine forme ene groupe, alors si Nous accorde zot ene grand kantité l’argent et zenfants, et kot ça bane zenfants travail dans bane bon bon places, alors eski zot penser ki Allah et So bane anges oulé accélère du bien pour zot ? Non ! Assurément zot na pas comprend, zot croire ki zot pli supérieur ki les autres, mais en fait zot pas comprend nannié. Tout ça là c’est éphémère et zot trouve zot dans ene condition pli bien ki bane messagers ki Allah fine envoyer. Bé eski ça pas ti pareil couma dans l’époque de nous Bien-Aimé prophète Hazrat Muhammad (s.a.w) kot l’histoire pé répété, kot bane Arabes ti prend zot pli supérieur ki Hazrat Muhammad (s.a.w). zot ti dire Hazrat Muhammad (s.a.w) ki li ene Ummi (illettré) et fou. Le Saint Prophète (s.a.w) pas ti pé mange quelques fois dipains rassi et boire de l’eau ou sois mange ene tame ? Et kan pas ti ena manger, li ti pé attache ene roche lor so ventre pour appaise so la faim (c’est ene coutume Arabe). Eski (Nawzobillah min Zaalik) le Saint Prophète (s.a.w) ti fausse ? Non ! Mais ça bane dimounes là zamais zot pas pou comprend même ! Pou zot zot croire ki faveurs d’Allah c’est dans zaffaires mondaines seulement, mais vrai faveurs d’Allah kan Allah envoye So messagers avec le Ruh-il-Qoudouss et celui ki reconnaite ça et reste attacher avec séki Allah fine envoyer à travers So prophète, c’est ça les faveurs d’Allah, kan ou fine reconnaite ça bane signes divines là. Et ou reste sincère dans ça croyances ki Allah fine montrer ou là. Et so récompense dans l’au-delà li beaucoup pli grand ki ça bane faveurs mondaines ki ou montrer ou l’arrogance là.  (Par contre) bane ki vivre avec ene sentiment de frayeur pou zot Maître, ki accepter bane signes zot Maître, ki pas donne des associés à zot maître, Innal lazeena hum min khashyati rabbihim mushfiqoon; Wal lazeena hum bi-ayati rabbihim yu’minoon ; Wal lazeena hum bi rabbihim laa yushrikoon Allah pé explique pour ça bane dimounes ki ena ene sentiment de frayeur, c’est-à-dire la crainte d’Allah. Tout kitchoses ki zot faire, zot faire seulement par crainte, plaisir et l’amour pour zis Allah (TWA), et non pas pour lizié dimounes. Et tous bane signes ki zot trouver, zot accepter, zot reconnaite ki ça c’est bane signes ki vine de côté nous Maître et zot bien reconnaissant envers zot Maître de l’Univers. Zot pas prend tout ça là comme coïncidence ça ! Non ! Zot prend tout comme signes et faveurs d’Allah. Et zot pas donne aucaine associés à Allah. Et zot conné ça pas bon du tout. Alors ça ki nous appelle bane vrais croyants. Et arrive séki arrive zot ena seulement la crainte Allah, mais pas de l’homme couma zot.  Qui, tout en pratiquant toute la charité ki zot capave, garde toujours ene frayeur dans zot lecoeur ki zot pou retourne devant zot Maître (ene jour), Wal laziina yu’toona maaa ataw waquloobuhum wajilatun annahum ilaa rabbihim raajioune Alors ça bane là pas seulement zot reconnaite signes Allah, zot faire la charité ou bien pas donne des associés à Allah. Mais aussi zot pratique zot mieux tous bane l enseignements et commandements ki Allah fine enseigner. Couma nous conné, tous bane bons actions, bons travails ki ou faire, li comme si ene Ibaadat (acte d’adoration) et couma ene charité ki aussi ene acte d’adoration. Pareil couma ine dire ki kan ou faire ene sourire li couma ene Sadqua. Kan ou tire ene piquant lor chemin, ou aide dimoune aveugle ou bien ou décharge ene zaffaire lourd d’ene vieux dimounes, alors tous ça là, c’est bane actes de charité. Et ça bane dimounes là zot garde toujours ene frayeur dans zot les cœurs, parski zot conné ene jour zot pou bizin rétourne devant Allah et rende ene compte de séki zot fine faire.  Ulaa-ika yusaari uu’na fil khayrati wahum laha sabiqoon C’est ça bane là ki pé faire du bien plus vite, et zot pou premiers dans but. Et ça bane dimounes là zot faire compétition dans bane bons travails (Fastabékoul Khairaat). Et c’est ça bane kalité dimounes là ki pou premiers dans but ; c’est-à-dire, c’est zot même ki bane premiers pou rentre dans Paradis et Allah pou récompense zot pour zot bane zefforts et bane bonnes actions ki zot fine faire seulement pour le plaisir d’Allah.  Wa laa nukallifu nafsan illaa wus’ahaa waladayna kitabuyy yantiqu bil haqqi wahum la yuzlamoon Nous pas mette plus difficulté lor personne, excepté séki li capave supporter. Avec Nous ena ene livre ki raconte toute la vérité. Et aucaine injustice pas pou faire zot. Allah pas mette aucaine fardeau, aucaine difficulté lor personne, excepté séki li capave supporter. Par example, ene camion, si ou mette trop beaucoup macadam lor li, et li pas capave supporter. Alors so bane roulements la roues pour crazé, sois ou trouve la roue vine plate, beaucoup kitchose capave arrivé, li verser. Fini ! Et capave arrive ene totale loss. Et Allah dire nous ena ene livre ki raconte la vérité, c’est-à-dire, le Quran Shareef. Et aucaine injustice pas pou faire zot ; c’est-à-dire, bane croyants. Et ki zot pou gagne zot récompenses ki zot mériter.  Bal quloobuhum fee ghamratin min haaza walahum a’maalum min dooni zaalika hum lahaa Aamiloon Mais zot lecoeur pas tranquille lor ça point là, et ena des mauvaises actions ki zot pou continuer faire, à part ça. Dans ça verset là, Allah pé raconte lor ça bane dimounes ki fine divisé en groupes là, et kip é prend grand plaisir dans zot la vie mondaine. Mais en vrai dire zot dans ene grand confusion. Ça bane dimounes là zot fine aller, zot faire zot groupes et zot pé prend grands plaisirs là-dans. Mais Allah dire ça c’est zis pou ene certain temps, parski astère là, zot les cœurs pou népli tranquille. Et zot persister dans zot l’erreur, zot continuer faire zot mauvais actions. Kan zot pé trouver ki pas pé prend zot compte, alors zot pas ena tranquillité (chainde), zot les cœurs pas tranquille lor ça point là. Alors lerlà même zot continuer faire zot bane erreurs, et zot bane mauvais actions pou zot provoquer. Et lerlà si ça dimoune là provoquer alors zot pou dire : « Ein, guetter ! trouver, li coumsa même li ! ». Mais Allah dire : « C’est Moi ki pou protège Mo prophète. Mo pas pou faire li tombe dans zot bane complots ridicule là. » Allah pou faire li gagne l’honneur car même zot pé abaisse li. Et Allah pou toujours avec So messager malgré le fait ki bane malfaiteurs d’ene côté pé comploter et zot penser ki le prophète d’Allah seul. Mais Allah dire : « Mo pou toujours soutenir Mo prophète dans n’importe ki kitchose arrive li. Alors après deux heures temps, mo arrête le Khutba là-même, à cause faute de temps. Mais seulement ena encore et encore explications à donner lor ça bane versets là. Alors ki Allah illumine nous l’esprit et mette nous lors le droit chemin. Ameen ! Soumma Ameen !