|
Bismillah-ir-Rahman-ir-Rahim
Khutba Jummah Vendredi 03 Février 2006
Hazrat Amir’ul Momeneen Muhyi-ud-Din Munir Ahmad Azim
Après ki Hazrat Amirul Momeneen Muhyiuddin, Munir Ahmad Azim finne lire le Tashahhud , le taaouz li finne lire surah Al Fatiha du Quran Shareef et li fine lire:
« Inna iddatash-shu-huuri indallaahis-naa’a-shara shahran-fii kitaabillaahi yawma khalaqas samaa-waati wal-arza minhaaa arba-atun hurum : zaalikad Diinul Qaayyiim » (Ch.9 At Tauba V.37)
C’est douze mois, parmi lesquels quatre mois sacrés (bane arabes pas ti éna droit faire la guerre pendant quatre mois Zilqad, Zilhaj, Muharram et Rajab). C’est ça la religion droite.
Calendrier Islamique aussi éna so l’histoire et so l’origine et li bon pou nous conne li. C’est dans l’époque du Caliph de Hazrat Omar (r.a) ki l’année islamique ti établi définitivement. Mois Muharram li premier mois calendrier islamique et li ene parmi quatre mois sacrés ki Allah Ta’ala fine mentionner dans Quran. Pendant ça mois là Allah Ta’ala montrer So bonté et descendre So bane bénédictions en abondances. Nous commence ene nouveau l’année mais puisque saison pas compter en Islam, nous pas fête nouvel an. Et éna zis deux fêtes dans l’Islam, Eid-ul-Fitr et Eid-ul-Adha. Dans le mois de Muharram, nous fête l’année pas couma bane lézot nation fêter, nous remercier Allah ki pé accorde ene l’occasion par So Grâce, pour méditer, lors So l’existence passée et pour réfléchi sur l’Avenir. Chaque l’année de Muharram bane Musulmans raconte la vie de bane personnages importants dans L’Islam (Imaam Hassan R.A et Imaam Hussein R.A)
Ene ti résumé de so la vie. Imaam Hassan (r.a) ti gagne bane titres couma : Taqi, Zakki, Sayyid, Wali, Sabtir Rasul, Kareem et d’autres encore et li fine faire Haj à pied 25 fois dans so la vie. Hazrat Imaam Hassan (r.a) ti éna plusieurs épouses et mo mentionne quelques :
(a) Ummé Basher bint Abu Mas’oud (b) Khawlah binté Mansoor (c) Faatimah binté Abou Mas’oud (d) Ummé Ishaaq binté Talha (e) Rumila (f) Ummé Hassan
Et li ti éna plusieurs garçons et filles.
Après la mort de Hazrat Ali (r.a) bane Musulmans fine accepter Imaam Hassan (r.a) comme zot Caliph. Li fine vine le chef et le commandant des forces Musulman à Koufa. Mais dans ça même l’époque, Hazrat Amir Mouaviya, fine prend ene l’armée Musulmans sous so commandement et li fine vine à Koufa. Là bas li fine envoye ene message à Imam Hassan pour dire li accepter li Hazrat Mouviya comme Calife jusqu’à ki li reste en vie. Et après li, Imam Hassan (r.a) pour vine Calife. Imam Hassan ti ene personnage bien intelligent. Li fine trouver ki li préférable signe ene accord avec Ameer Mouaviya pour empêche ene confrontation entre deux groupes Musulmans. Par ça décision ki Imam Hassan fine prend, certain dans so groupe fine encolère et Imam Hassan (r.a) fine explique zot ki li pas oulé ene la guerre entre bane Musulmans. Imam Hassan (r.a) so khilafat fine duré pendant 6 mois seulement. Dans ça ti période là, li fine faire bane travail ki fine empêche la guerre entre deux groupes Musulmans. Tous kitchose ti en so disposition, li ti pé contrôle tous bane l’argent. Li ti ene grand et brave guerriers et même so bane soldats ti bien brave et zot tous les temps prêt pour sacrifier zot la vie.
Le Martyre de Imam Hassan (R.A)
C’est bane l’ennemi même ki fine faire complot pour mette poison dans gargoulette Imam Hassan (r.a). Ça poison là ti tellement violent ki quand Imam Hassan fine boire ça, li senti li so partie intérieur pé déchirer en morceaux. C’est à moment ki li faire appel à so frère Imam Hussein (r.a). Kan Imam Hussein (r.a) fine trouve so grand frère dans ça situation là, li fine tout de suite comprend ki li pas pour survivre. Alors li console li en lui disant : « Félicitations, bientôt ou pour alle rejoindre Rasulullah (s.a.w), Hazrat Ali (r.a), Hazrat Bibi Fatima (r.a), Hazrat Hamza (r.a), etc. Imam Hassen (r.a) réponne li : « O mo frère, mo pé trouve bane créatures ki jamais mo fine trouver » ; Après quand so tour pour arriver kot bane habitants de Koufa pour martyrize li à Karbala. Imam Hassen (r.a) fine souffert beaucoup jours. Li fine décéder le 5 Rabbi-ul-Awwal 49ème Hijri à l’âge de 45 ans, 6 mois et quelques jours.
Kan Hazrat Imaam Hassan (r.a) fine empoisonné par ça de l’eau là, li fine appelle Hazrat Imam Hussein (r.a) pour li cause avec li. Kan Imam Hussein (r.a) fine trouver ki kantité so grand frère Hassan pé souffert, li fine demande li : « O mo frère ki sanlà fine empoisonne ou ? » Hazrat Imam Hassan (r.a) fine demande Imam Hussein « Ki to pou faire ? » Imam Hussein (r.a) fine dire : « Si mo conné ki sanlà ça, mo pour prend sanction contre li. Mais Imam Hassan (r.a) fine dire : « O mo frère, puisque mo pas conner exactement ki sanlà, mo pas pour capave cite aucaine dimoune so nom et mo peur attention saki mo pou dire toi là, c’est pas li et ene innocent pour être puni ». Cela montrer ki même Imam Hassan (r.a) fine préfère garde silence concernant celui ki fine empoisonne li, donc c’est ene grand erreur et ene grand gunnah pour nous certifier ki sanlà fine faire ça. Beaucoup dimounes fine faire croire ki c’était l’épouse de Imam Hassan (r.a) ki fine faire ça, et nous pas capave porte aucaine jugement avec ça et mettre ene blame, c’est ene grand péché ; qui faire ? Parski Imam Hassan fine personnellement garde silence lors ça, donc li préfère pas prononce aucaine jugement à ça question là.
Maintenant concernant Hazrat Ameer Muaviya (r.a) li même, de côté so maman, Hazrat Hazrat Muaviya (r.a) joindre avec la famille de Rasullullah (s.a.w) lors 5ème génération. Hazrat Muaviya (r.a) so propre sœur Hazrat Ummé Habiba bint Abu Sufyaan (r.a) ti faire nikha avec Rasullullah (s.a.w), c’est-à-dire Hazrat Muaviya (r.a) ti beau-frère pour le prophète (s.a.w). Hazrat Muaviya (r.a) ti amène Imaan lors Islam en 6ème Hijri, à l’occasion Traité Hudaibiya mais li pas ti déclare so Imaan. C’est en 8ème Hijri, à l’occasion Fath-é-Makkah ki li embrasse l’Islam et prend le baiat avec le prophète (s.a.w).
Hazrat Muaviya (r.a) sans doute, li ene parmi bane grand sahaabi et concernant bane sahaabas-é-Kareem, Quran Shareef fine explique beaucoup lors zot vertus. Parmi bane hadiths dans faazilat sahabas-kareem, Nabi-é-Kareem (s.a.w) fine dire : « Mo sahabas zot couma étoile, séki pour suivre zot pour gagne le droit chemin et zot pour amène bane dimounes vers le droit chemin.
Concernant Hazrat Ameer Muaviya (r.a), li ti ene parmi bane sahaabis ki ti être chargé par Rasulullah (s.a.w) pour écrire bane révélation (wahi) et li fine rapporte environ 163 hadiths de Rasulullah (s.a.w) et Hazrat Mohammad (s.a.w) ti pé faire bane do’a special pour Hazrat Ameer Muaviya (r.a). Li ti pé dire : « O Allah, donne Ilm (l’éducation) de To Livre à Muaviya (r.a) et donne li la justice et protège li avec bane punition » et dans ene l’autre Hadith, Rasulullah (s.a.w) ti faire ça doah là aussi pour li : « O Allah donne (Muaviya r.a) la guidance et faire li guide les autres dimounes et dans ene hadith rapporté ki Hazrat Mohammad (r.a) fine dire : « O Muaviya (r.a) Allah pour faire toi vine chef, et mo conseille toi pour être bon envers les créatures d’Allah kan to vine chef, et dure envers bane hypocrites, bane malfaiteurs et avec bane ki pé calomnier Allah So bane commandements et Allah So Rassool et ça deux ti hadiths ki mo fine mentionner là, li suffit pour faire nous comprend la grandeur de Hazrat Ameer Muaviya (r.a)
Hazrat Ameer Muaviya (r.a) ti gouverneur de la Syrie dans khilaafat Hazrat Abu Bakr Siddiq (r.a) et li reste toujours à la Syrie pendant Hazrat Umar (r.a) jusqu’à Khilaafat Hazrat Ali (r.a). Bane Khulafaa-é-Rashidine ti conne so grandeur et c’est pourquoi zot fine laisse li diriger dans la Syrie. Kan fine arrive le tour de Hazrat Imam Hassan (r.a) pour prend khilaafat, c’est à ce moment là ki fine éna certaines problèmes fine lever et bane hypocrites fine saisir ça même l’occasion pour mettre beaucoup désordre parmi bane Musulmans. Mais Hazrat Imam Hassan (r.a) ti très intelligent, li fine donne khilaafat dans la main Hazrat Ameer Muaviya (r.a) afin pour calmer les situations ki ti pour amène vers ene grand bataille entre Musulmans. Hazrat Ameer Muaviya (r.a) fine prend Khilaafat en 42ème Hijri et li fine régné juska so la mort en 60ème Hijri, ceki fait ki li fine reste couma khalifa pendant dix-huit ans.
Pendant so règne, beaucoup travaux fine être accompli. Étant donné ki li ene sahabis du Saint Prophète (s.a.w), li fine faire tout so mieux possible ki so khilaafat passe dans la façon pour seulement le plaisir d’Allah et So Rassool (s.a.w).
Hazrat Muaviya (r.a) ti ene bien-aimé du Prophète (s.a.w). Li ti éna en so possession quelques boutes ongles du Saint Prophète (s.a.w), quelques brin cheveux du Prophète (s.a.w) ki li fine garder avec Mohabbat et avec respect avec l’intention pour servi ça kan li pour mort. Avant so la mort li ti faire ene testament (wassiyat) avec so bane proches familles pour donne li kafn dans ene la toile ki ti appartenir à Rassulullah (s.a.w) et aussi pour servi ça bane boute z’ongles et cheveux de Rasullullah (s.a.w) dans so qabr. Voilà aqeeda bane sahabas-é-kareem zot ti conne la valeur inestimable de Rassulullah (s.a.w) et zot conner et zot ti éna l’amour pour bane kitchose ki le Saint Prophète (s.a.w) ti éna. Hazrat Ameer Muaviya (r.a) fine décéder dans le mois Rajab, 60ème Hijri à Damas (Syrie) à l’âge de 78 ans.
Insha-Allah si Allah donne moi le Tawfeeq la semaine prochaine mo pour continuer mo khutba lors Hazrat Imam Hussein (r.a).
* * * « Was-bir wa maa sabruka illaa billaahi wa laa tahzan alayhim wa laa taku fii zayqim-mimmaa yamkurun »
(Toi, montrer patience, et to patience pour vine de Allah seul. Pas chagrin pour zot, et pas serre to lé cœur à cause complot qui zot pé faire)
Zot pas pou faire ou beaucoup du tort, zot pour simplement agace ou. Si zot faire la guerre contre ou, zot pour tourne zot le dos avec ou (zot pour sauver), et zot pas pour gagne aide. Déshonneur tombe lors zot partout kot zot été. Zot fine appelle colère Allah lors zot même, et la misère aussi fine frappe zot. Tout ça là parcequi zot rejette signes Allah et dépasse tous limites.
* * *
|