|
Khutba Jummah vendredi 11 Février 2005
Hazrat Muhyi-ud-Din Munir Ahmad Azim
Surat Al-Hujurat Premier Partie
Après ki Hazrat Amirul Momeneen Muhyiuddin, Munir Ahmad Azim finne lire le Tashahhud , le taaouz li finne lire sourate Al Fatiha du Saint Coran suivi du verset suivant et li finne donne so traduction comme suit : “Innallaziina yunaaduunaka minw-waraaa-il HUJURAATI aksaruhum laa ya-qiluun”
A la lumière de ça verset ki mo fine lire devant où la, pour donne ene explication de Hujurat dans surah 49. Hujurat, li la forme plurielle du mot “Hujrah” ki littéralement veut dire “La Chambre”. Ene seul place dans Quran kot fine mentionne le mot “Hujrat” c’est dans cinquième verset de la même chapitre là kot fine servi pour désigne banne la chambres de banne épouses du Prophète Muhammad (saw). La raison, pour laquelle fine servi le mot “Hujurat” comme titre pour ça surah là, c’est parcequi li mentionné ene seul fois même dans sa surah là.
Couma nou capave remarquer, dans banne Quran différents, banne même chapitres éna banne différent nom, par exemple dans banne nouveau copies de Quran publié par banne les autre musulmans, le 9eme (neuvième) surah ki éna pour titre “Al Tawbah” fine appelle li “Al-Basrâah”. Tous ça là c’est pour montrer ki pas tous titres de banne surah ki le Saint Prophète (saw) fine choisir li-même. En fait au début de l’Islam, ça surah là fine éna beaucoup d’autre noms couma: “Al-Fadihah”, “Al-Bahuth”, “Al-Mukhziyah”, “Al-Muthirah”, “Al-Hafirah” et “Al-Munakkilah”, etc, ça banne titres là pas éna aukaine contradictions ou changement dans Quran parceki c’est banne compagnons du Prophète (saw) ek banne savants de banne générations ki fine gagner après, ki fine choisir ça banne titre là pour simplement capave identifié tel ou tel surah. Mais éna aussi certains banne surahs spécifique ki le Prophète Muhammad (saw) ti pé souvent faire référence et li ti pé donne zotte certain banne titres, par exemple le premier surah ki bien connu sous le titre de surah “Al-Fatiha” et qui le Prophète(saw) ti pé souvent appelle li comme “Fatihah-al-Kitaab”, “Umm-ul-Kitab”, “Surah Al-Hamd” et aussi banne lé zotte titres, ki ti pé servi ça banne noms ou titres là pour identifier ça banne surah là ou bien pou faire ressorti zotte banne aspé importants. Zotte pas fine révelé ensemble avec le Quran et de ce fait, pas capave considère zotte couma forme partie avec le Quran. Donc, ça banne différences noms là (titres de banne surahs) zotte pas affecté dans aukaine façon la pureté ek l’authenticité de banne textes Coranique. L’époque ki surah 49 “Al Hujurat” fine révélé et so l’emplacement dans Quran. D’aprés, seki banne compagnons du Prophète (saw), Ibné Abbass, Ibné Az-Zubayr fine rapporté, ça surah là (Al Hujurat) fine révélé à Madina pendant neuvième l’année après Hijra.
Couma tous banne lézot surahs ki fine révélé à Madina, surah “Hujurat” concentré lors banne la lois ki démontré banne rapports socials. Malgré le fait ki li ti révélé après surah “Al-Mujadalah” (La Discussion, chapitre 58, révélé à Madina), le Saint Prophète (saw) fine ordonné pour place surah “Al Hujurat” ziss après surah “Al Fath”, chapitre 48, dans Quran. Hazrat Muhammad (saw) ti pé classe le Quran d’après banne guides ki Hazrat Jibreel (as) ti pé montré li, afin pour ki éna ene conformité avec banne ordonnances Quran original ki Allah conserve avec li. Ça banne classements là li permettre aussi l’homme pour li capave mieux faire la lecture du Quran et pour mémorize li bien. Par conséquent, nous capave trouve certains banne versets ki fine révélé dans Makka, ki trouve actuellement dans banne surah ki fine révélé dans Madina et so le contraire aussi possible (c.à.d: ki nous capave trouve banne versets qui fine révélé dans Madina dans banne Surahs qui fine révélé dans Makka).
En général, banne versets fine révélé en accord avec banne situations particulier ki le Saint Prophète (saw) ek so banne compagnons fine faire face dans zotte la vie, alors, banne versets dans chaque périodes zotte ressemblé à cause fine gagne banne situations ki fine passer et ki presque pareille.
Quand conserve Quran dans l’ordre exactes de l’année de banne révélations, éna ene tendance pou ki li vine monotone; par contre, ene mélange de banne versets de banne différents l’époque zotte établir ène z’image complete de banne Messages qui Allah envie projeté dans le Quran.
1. Quran et Sunnat zotte bizin vine banne référence fondamentales dans bannes zaffaires de l’homme, par respect envers Allah (swt) ek so Prophète (saw), parcequi zotte banne critères de base ki distingue entre le vrai et le faux.
2. L’homme éna ene obéissance totale avec le Quran et Sunnat du Saint Prophète (saw), ça vine ene signe ki démontré Taqwa (crainte d’Allah) et ki constitué ene facteur primordial et ki la source de bons comportements dans l’Islam.
3. Dans premier verset même Allah pé dire: “O banne croyants, pas essaye devance Allah et so Prophète. Suivre chemin Allah. Vraiment Allah tende tous et conne tous.” Allah pé faire comprend ki qualité respect ene croyant bizin montré envers Allah et so Prophète et bizin mette zotte decisions en pratique et banne decisions ki pas alle à l’encontre le Quran et le Sunnat.
4. Allah pé faire comprend ki banne croyant bizin pas lève zotte la voix plus haut ki la voix du Prophète quand zotte pé discuter ou quand zotte en colère et pas lève zotte ton, quand zotte pé cause avec le Prophète d’Allah, couma où habitué faire entre où et Allah faire comprend ki où banne actions pour sans valeur, sans ki où realizé. Ene croyant bizin montrer beaucoup de respect pendant ki le Prophète d’Allah présent et quand zotte cauzer aussi, zotte baisse zotte la voix divant Méssager d’Allah ek Allah dire ki: “sa banne là Mo fine tester zotte le coeur ek Mo fine accepter zotte piété ek comme ene grand récompense zotte pour gagne le pardon.”
5. Surah Hujurat pé faire banne croyants comprend ki bizin respecter banne règles, banne convenances, quand invite où, où pas alle embarrasse banne dimoune ki fine invite où là. Ene visiteur pas bizin tape plis ki trois fois kotte ene kikène ek li bizin aller si li pas gagne aukaine réponse.
6. La patience li ene de banne plis grand qualité ki ene croyant capave possédé parski la vie contenir beaucoup banne épreuves ki capave surmonté zis par la patience.
7. Banne information ki fine obtenir par ene dimoune corrompue, bizin vérifié ça banne information là avant ki prend n’importe qui action, pour capave évite banne fausse accusations. Dans ça surah Al Hujurat là même, verset 7, Allah fine faire banne croyant comprend bien, si ene mauvais dimoune amène ene nouvelle, bizin chercher si pas li vrai, pour pas faire ça dimoune là du mal sans où conner sinon où pour regretter seki où fine faire. Parseki si ça nouvelle là pas vrai ek où fine propage ça nouvelle là kotte ça fine faire ça dimoune là beaucoup du mal et l’heure ki où alle conner ki li pas vrai, où pour regretter toute longue où la vie.
8. Couma Allah fine faire nous comprend qui Hazrat Muhammad (saw) fine apporte la totalité de banne messages de l’Islam, Le Prophète (saw) ti conné ki ti meilleur pour so banne compagnons (ra) ek pour banne le zotte musulmans; alors l’homme bizin évite tous banne innovations dans la religion, parski, si éna innovations, ça pour signifié ki éna dimoune prend zotte plis savant ki le Saint Prophète (saw).
9. Banne bien-guidés zotte banne dimoune qui Allah (swt) fine accorde so banne faveurs et Li faire zotte ressentie ene l’amour profond pour la foi et ene la haine pour tout désobéissance envers Allah (swt); ça deux sentiments là zotte bizin présent, parski zotte complète zotte mutuellement.
10. Banne musulmans ki la guerre entre zotte même, bizin trouve ene façon pour amène ene l’entente et la paix entre zotte, et si ene partie refuse pour arrête la guerre, refuse faire la paix, l’autre partie là, bizin gagne banne aide ziska ki premier groupe là accepter pour arrête la guerre et faire la paix lors banne bases de justice ki complet.
11. Tous banne croyants zotte banne frères et zotte bizin agir par rapport à sa principe là dans zotte relation ene envers l’autre. Par conséquent, tous banne mauvais comportements, couma doute, espionné, l’orgueil, la haine, banne mauvais remarques et “Ribat” (cause mal pour les autres derrière zotte le dos. Si jamais éna ça banne kitchose là dans ene dimoune, zotte pas forme partie dans la religion d’Allah (l’islam) parski Allah détester ça banne kitchose là et Li fine empêche où pour faire ça et où continuer dans ça banne kitchose là et où pas amène la fraternité entre banne dimounes et où pas ene croyant d’Allah. Si ene dimoune dire li croire dans Allah, bé li bizin obéir séki Allah pé dire li faire.
12. La Fraternité universelle ki existé entre banne humains fine gagne so l’origine dépi banne décendants Adam (as) et Hawa. Donc, banne différence ki éna entre banne différents races, nations et banne tribus pas démontré ni ene supériorité ou infériorité entre banne dimounes, mais li seulement indique ene expression d’ene mélange de banne types dimounes et zotte cultures ki Allah fine oulé crée et ça bizin incite banne dimounes pour rode conne so camarade pli bien.
13. Ene seul critère ki capave détermine banne dimoune ki proche d’Allah, c’est par la piété, kotte Allah capave juge zotte avec certitude.
14. Vrai la foi (Imaan) li consisté dans ene dimoune ki éna ene croyance ferme dans le Tawhid (l’Unicité d’Allah), suivre le Sunnah de nous Bien-Aimé Prophète (saw) avec sincérité, et dans le fait pour faire le “Jihad” avec nous banne dibiens ek nous la vie, dans le seul but pour gagne satisfaction d’Allah.
15. Nous pas pour capave gagne banne hautes degrés de la foi en Allah (swt) ziss en récitant “La illahaillallah ô, Mohammadur Rassoullullah”, mais nous pour obtenir li seulement avec ene le coeur pure ek ki maîtrise banne épreuves de la vie.
16. Si ene dimoune fine faire “Dawa” ou fine aide ene lotte dimoune pour rentre dans l’Islam, li pas bizin prend ça couma ene faveur ki li fine faire lors ça lotte dimoune ki fine faire “Dawa” avec li là. Au contraire, ça dimoune ki fine accepter l’Islam là, ki pé bénéficier ça faveur là et ça c’est ene grâce ki Allah pé faire lors ça dimoune ki fine converti là. Allah pé faire nous comprend ça bien dans même surah et verset 18, kot Allah dire: “Zotte considère ki c’est ene faveur lors toi ki zotte fine vine musulmans.” Dire zotte: “Pas considère où Islam couma ene faveur pour moi. Mais considère plutôt ki c’est Allah ki fine faire où ene faveur quand li fine guide où dans la foi, si toutefois où sincère.”
17. Ziss Allah (swt) ki donne guide à banne dimoune par conséquent, mission de banne musulmans c’est seulement pour transmettre à banne lé zotte le Message de l’Islam.
18. Couma Allah Li même dire dans verset 19: “Allah conner séki dimoune pas capave percevoir dans le ciel et la terre, et Allah observe séki où faire”. Ziss Allah (swt) ki conne l’Invisible et le Destin de banne dimoune. Donc tous banne formes de prédiction (ki fabriqué par l’esprit de l’homme) ek l’astrologie zot interdit en Islam.
Ameen |
