Bismillah-ir-Rahman-ir-Rahim

 

Khutba Jummah Awwal Vendredi 06 Janvier 2006

 

Hazrat Amir’ul Momeneen Muhyi-ud-Din Munir Ahmad Azim

 

 

Après ki Hazrat Amirul Momeneen Muhyiuddin, Munir Ahmad Azim finne lire le Tashahhud , le taaouz li finne lire surah Al Fatiha du Quran Shareef et li fine lire:

 

Wa lillahi alannaasi Hijjul-Bayti manis tataa-a ilayhi sabiilaa. Wa man-kafara fa-innallaha Ganiyyun anil-aalamin.

 

Traduction :

 

Li obligatoire à tout dimoune qui éna les moyens, pour faire Hajj (pèlerinage) dans la caze (Haram Shareef), pour Allah. Mais celui qui rejette la foi (bizin rappler) qui Allah pas bizin narien are aucaine créature.

(Ch.3 V.98)

 

Nous bane Musulmans nous la foi bazé lors 5 pilliers de l’Islam. (1) Kalima, Namaz, Roza, Zakaat et Hajj. Hajj trouve à la 5ème pillier de l’Islam. Le mot hadj en arabe veut dire alle dans ene lieu défini et dans l’enseignement Islamique veut dire alle dans la maison sacrée Kaaba.

(2) Umrah, li dérive du mot itimaa ki veut dire visite, et dans l’enseignement Islamique veut dire alle visite la maison sacrée.

 

Hajj, li ene obligation pour bane Musulmans imposée dans le Quran Sheriff et confirmée par bane Hadiths. Dans Quran Sheriff Allah dire : Allah fine impose pour alle faire le Hajj à la maison sacrée à bane ki éna le moyen pour alle accomplir le Hajj. Donc Hadj li ene devoir pour chaque Musulmans d’après so moyen pour accomplir au moins ene fois dans so la vie.

 

D’après ene Hadith rapporté par Hazrat Abu Huraira (r.a) dire ki Hazrat Mohammad  (s.a.w) fine dire Hajj et l’Umrah li ene devoir de chaque Musulman.

Pour qui bane ki Hajj obligatoire ?

 

Hajj li obligatoire à tout Musulmans adulte ki en pleine possession de so bane faculté mentales. D’après bane verset Quran, kot Allah (swt) fine imposé pour bane ki alle Hajj, faudé ça Musulman là péna problème financière et faudé pas aussi li faire dette pour alle faire Hajj. Li bizin éna l’argent pour subvenir bane frais de so voyage et subsistance de so famille durant so voyage. En ce ki concerne bane madames, bizin tenir compte de certains conditions telle comme le (Maharim) c-à-dire, li accompagnée par ene parent bien proche, so frères ou so garçon ou so sœur.

 

L’époque d’Al-Hajj fine défini par bane verset Quran couma dans Surah Al-Baqarah V.197 Allah dire : « Complete Haj et Umra pour Allah, mais si ou éna ene empêchement (pour termine li) alors faire ene sacrifice ki ou éna les moyens pour faire. Pas rase ou la tête jusqu’à ce qui zanimeau là arrive dans l’endroit sacrifice. Bane ki parmi ou malade ou éna ene blessure dans so la tête (pas capave raser ou coupe cheveux) zot compensation c’est garde Roza, faire la charité ou ene sacrifice.

 

Concernant rase ou coupe cheveux, éna ene hadith dans Bukhari rapporté ki le Prophète d’Allah  (s.a.w) fine dire : « O Allah ! éna pitié pour bane ki rase zot la tête ! ». Bane dimounes fine dire : « O Messager d’Allah ! (Faire Do’a pour) bane ki coupe zot cheveux courte ». Le Prophète  (s.a.w) fine dire (à la troisième fois) : « pour bane ki coupe zot cheveux courte » et aussi li continié rapporté ki le Prophète  (s.a.w) fine dire ene fois ou deux : « O Allah ! éna pitié pour bane ki raze zot la tête » etn lors 4ème fois li fine ajouté : « pour bane ki coupe zot cheveux courte » (O Allah éna pitié pour bane là aussi). Et puis A llah continié dire dans ça verset 197 là : « Quand ou dans l’état normal, et ou fine jouir de tout entre Umra et Hajj, ou besoin offert ene sacrifice ki ou capave, mais bane ki pas éna les moyens besoin jeuner pendant trois jours pendant Hajj, et sept jours après ki zot retourne chez zot ; ça faire dix jours en tout.

 

Ça, c’est pour bane qui zot famille pas habite dans Haram Shareef, cherche protection Allah et rappelez qui Allah sévère ene punition. Li pas permettre ki avant le Hajj, ou rentré dans ene l’état de sacralisation (Ihram).

 

Quand à l’Umrah, péna aucaine l’époque determinée pour accomplir l’Umrah. C’est ça ene distinction entre Hajj et Umrah Dans ene hadice fine rapporté ki Hazrat Mohammad  (s.a.w) li même fine accompli ene fois dans le mois de shawwal et ene l’autre fois dans le mois de Dul Quada quoiqui li même fine declaré ki l’Umrah dans Ramadhan, li semblabe à Al-Hadj, mais en ce qui concerne le mérite des bénédiction d’Allah, li pas pareil.

 

Bane rites principaux pendant Hajj :

 

Pour commence ou Tawaf ou dirige ou vers Ka’abah et l’angle cotte éna Hajré Aswad, là ou pour trouve ene la ligne en marbre marron  (ou beige) et ou diboute  lors là et ou visage vers Ka’aba et ou lève ou la main et ou dire « Bismillah, Allaho Akbar » et ainsi ou commence ou Tawaf. Tawaf éna sept tours pour faire. Premier trois tours là bizin faire vite pour bane z’hommes seulement et zotte z’épaule droite bizin découvert (z’homme là). Ça coin avant arrive kot Hajré Aswad là nous appelle li Ruk Yamani. Quand arrive là-bas dans ça coin là ou touche li avec la main droite et ou dire « Bismillah, AllahoAkbar » et ou lire ça doah là : « Rabbana Aténa fiddunya hasanatanw wa fir Aakhiraté hasanatanw wa qina Adhaban-nar » :- O nous Maître (Rab), donne nous le bien dans ça le monde-là et dans l’Au-delà et protège nous contre du feu l’enfer » (Ch.2 V.202). Ou contigne ou la marche sans lève la main et dire « Allaho Akbar ». Et à chaque fois ki arrive kot Hajré Aswad, ou touche li et embrasse li et ou dire « Allaho Akbar ».

 

Lors ça sujet là rapporté dans Bukhari sheriff ki Abis bin Rabia pé raconté : Hazrat Umar (r.a) fine vine kot Hajri-Al-Aswad (Pierre Noire) et fine embrasse li et fine dire : « Certes, mo conné ki to ene roche, to pas capave faire du tort ni du bien. Et si mo pas ti trouve le Prophète d’Allah  (s.a.w) embrasse toi, mo pas ti pour embrasse toi ». Maintenant apart ça doah là (Ch.2 V.202), Hazrat Mohammad  (s.a.w) fine enseigne nous faire beaucoup doahs, éloges d’Allah et récite bane versets Quran quand pé faire le Tawaf entre le coin Yamani et Hajri-Al-Aswad. Quand fine fini faire sept les tours (Tawaf terminé) ou faire deux rakaat derrière Maqam-é-Ibrahim si possible, sinon dans n’importe qui partie de la mosquée. Dans premier Rakaat après Surah Al-Fatiha, ou lire Surah Al-Kaafiroun et dans deuxième Rakaat ou lire Al-Ikhlaas. Ensuite ou dirige vers la colline Safa, monte lors colline là et tourne ou visage vers Qibla et lire verset 159 du Surah Al-Baqarah : 

 

« Safa et Marwa, zot parmi les endroits kot nous pense à Allah. Alors celui ki faire Haj ou Umra côté la Maison (Sacrée), li pas faire ene pêcher si li aller vini entre Safa et Marwa. Celui qui faire du bien volontairement, Allah donne li quiquechose en retour et Allah conne tout ».

 

Et puis ça ou lève ou la main, lire Takbir « Allaho Akbar » (3 fois) et après lire ça doah là 3 fois :

« La Ilaaha Illallah, wahdahou la sharikalah. Lahul Mulk wa lahul hamd, wa huwa ala kulli shayin qadeer. La ilaha illallah, wahdahou, anjaza wa’dahu wanasara abdahu wa hazama al ahzab wahdahu »

 

Quand fine fini accomplir le trajet entre As-Safa et Al-Marwa, ene z’hommes rase so la tête ou coupe cheveux, ene fois ki l’opération rase la tête ou coupe cheveux terminé ene homme capave enlève so Ihram et ene madame aussi pareille et Umrah terminé.

 

8ème Zil Hajj la route vers Mina kot ou prend ene bain ou mette ou dans l’état Ihram et ou dirige vers Mina avant l’inclination du soleil. A Mina ou pour faire Zohr et Asr, Maghrib et Esha et après le matin Fajr. Faire ziss deux Rakaat mais Maghrib et Fajr reste pareil. Et Abdullah bin Umar (r.a) raconté ki Talbiya ti toujours lors la lèvres du Saint Prophète Mohammad  (s.a.w) :

 

« Labbaik, Allahoumma Labbaik, Labbaik La sharika Laka Labbaik, Innal Hamda wan-nimata laka wal Mulk, la sharika laka »

 

Mo répond To l’appel, O Allah, Mo répond To l’appel et mo soumis à To l’ordres, To péna aukaine associé, Mo répond à To l’appel. Tout louanges, bénédictions et souveraineté appartient à Toi, To péna aukaine associé.

 

Après levé du soleil à Mina, faire la route vers Arafat et ou accomplir ou deux Namaz ensemble Zohar et Asr toujours tourne vers Qibla, faire beaucoup doahs et Zikr-ul-Allah et demande pardon beaucoup. Après  le couché du soleil ou pour retourne vers Muzdalifa et li pas permettre pour quitte Arafat avant couché du soleil, ene fois arrive à Muzdalifa ou faire Namaz Maghrib et Esha ensemble.

 

Faudé pas néglige Namaz alle ramasse bane ti roches pour battre shaitan. Li pas specifié ki bizin ramasse bane cailloux-là seulement à Muzdalifa  mais capave ramasse à Mina ou ailleurs. A Muzdalifa kot passe la nuit et ou ramasse sept cailloux pour battre shaitan, et à Muzdalifa ou capave demande beaucoup do’as. Avant levé du soleil, après le Namaz Fajr, faire route vers Mina kot ou lire Talbiyya beaucoup, c-à-d,

 

« Labbaik Allahoumma Labbaik, Labbaik la sharika laka Labbaik, Innal Hamda wan-Nimata laka wal Mulk, La sharika laka »

 

Ene fois arrive à Mina kot Jamrat-Al-Aqaba ou arrête faire Talbiyya et ou commence battre shaitan avec ça sept cailloux qui fine ramassé là. Et chaque fois envoye ene ti roche là ou dire « Allaho Akbar ».

 

Après fine fini, ou retourne à Makkah pour accomplir le Tawaf-Al-Ifadah. Ou faire sept fois le tour Ka’abah et ensuite deux Rakaat derrière Maqamé Ibrahim.

 

Ene fois fine fini faire ou Tawaf-Al-Ifadah ou capave libère ou de ou Ihram. Ou pour népli dans l’état Ihram. Ensuite ou retourne à Mina pour passe trois jours et trois nuits  et lapide les trois « Jimar », chaque jour après l’inclination du soleil.

 

Ça trois jours ki ou pour reste dans Mina-là (le 11, 12, et 13 Zil Hijjah) et ça trois jours là ou pour battre shaitaan après l’inclination du soleil mais pas avant. Si ou fine battre avant ou bizin rebatté. Pour ça lapidation là li obligatoire pour le Hajj.

 

Après quelques jours bane Hajees pour quitte Macca pour alle à Madina. Avant zotte allé, zot accomplir le Tawaf-Al-Wida – faire Tawaf pareil couma habitué faire Tawaf et quand fini toujours accomplir deux Rakaat derrière Maqam-é-Ibraahim, et Hajj fini.

 

Faire sacrifice z’animeaux en Islam, c’est pour commémore le sacrifice Hazrat Ibrahim (a.s), ki ti reponde à l’ordre d’Allah pour sacrifier so garçon, Ismaël. Au moment pour sacrifié so garçon, Allah fine faire remplace ça sacrifice-là par ene animal. Dépi ça évènement-là, Musulman dans le monde commémore ça sunnat du Prophète Ibrahim (a.s). Faire sacrifice ene z’animeau à l’occasion Eid-ul-Adha li waajib, celui ki éna le moyen et li pas accomplir ça sacrifice là, li commette ene péché.

 

Abu Hurairah (r.a) pé rapporté ki le Prophète Mohammad  (s.a.w) fine dire ki celui ki éna moyen pour faire le sacrifice et li pas faire, li bizin pas approche avec Eid Gah (ou nous mousallah).

 

Dans ene hadice, Zaid bin Arqam (r.a) pé rapporté : “ Bane compagnons du Prophète  (s.a.w) fine demande li  (s.a.w) l’importance de ça sacrifice-là et li  (s.a.w) fine réponde : « C’est ene sunnat ki fine éna dépi zot ancêtre, Ibrahim (a.s) ». Zot fine demandé ki récompense pour gagné, li  (s.a.w) fine réponde : « Pour chaque poil, zot pour gagne ene récompense ».

 

Tous les temps Hazrat Mohammad  (s.a.w) ti pé encourage et conseille so bane compagnons pour faire le Qurbani, d’après zot moyens, ki li ene mouton, bouc ou ene cabri. Zamais li  (s.a.w) fine rate ene Qurbani (d’après séki mo pé comprend). C’est très important faire le Qurbani pour tous bane Musulmans à travers le monde pour commémore ça sacrifice de Hazrat Ibrahim (a.s).

 

Pour terminer, nous bizin comprend ça bien ki nous sacrifice, nous la vie, nous la mort c’est pour Allah. Si demain nous bizin sacrifié ça la vie là pour le plaisir d’Allah, nous bizin obligatoirement faire li. Ça sacrifice ene z’animeau dans le chemin d’Allah symbolise qui nous fine prêt pour verse nous du sang dans le chemin Allah, pour prêche l’unicité d’Allah (le Tawheed) à travers le monde en entier. C’est ça l’esprit de ça sacrifice là, ça Qurbani là. Mais saki parfois triste (en générale), nous oublié ça l’esprit de sacrifice, nous pé guetté combien livres la viande fine gagner avec l’argent ki nous fine acheter ou sois nous dire avec tiguitte l’argent nous fine gagne beaucoup la viande (ou beaucoup l’argent fine gagne tiguitte la viande). Si juste nous concentrer lors la viande bé côte ou l’esprit de Qurbani (sacrifice) ? Alors, Nous faire doah ki Allah (Tabaarak Wa Ta’ala) faire nous comprend So bane commandements ki éna dans Quran Sheriff couma bizin et guide nous dans le droit chemin et faire nous sacrifice, nous la vie et nous la mort juste pour nous Rab. Pas pour personne d’autre. Alors kan nous faire sacrifice aussi li important pour ene dimoune li conné, ene dimoune ki prend part dans le Qurbani (et zot pas gagne droit taille cheveux, taille z’ongles), li bizin conné ki éna bane doahs ki important pour faire. Avant faire le Qurbani, bizin récite nom d’Allah avant faire faire sacrifice le jour du Qurbani:

 

« Bismillahi Allahu-Akbar, Allahumma minka wa laka ». Insha-Allah » - Au nom d’Allah, Allah pli grand, O Allah ça de Toi et pour Toi ça.

 

« Allahu Akbar, La Ilaha illa Allahu Allahoumma minka wa laka » - c-à-d, Allah pli Grand. Péna d’autre bondieu excepté Allah. O Allah ça de Toi et pour Toi.

 

« Inni Wajjahtu wajhiya lillazi fataras samawaati wal arda, hanifan wa ana min-al mushrikeen. Inna salati wa nusuki wa mahyaya wa mamati lilahi Rab bill alamin. La sharika lahu wa bi zalika umirtu wa ana minal muslimin. Allahumma minka wa laka », c-à-d, Mo fine tourne mo visage sincèrement vers celui ki fine crée les ciels et la terre et mo pas parmi bane idolâtres. Certes, mo salaat, mo l’adoration et mo la vie et mo la mort, tous pour Allah, le Seigneur de l’univers, ki péna aukaine associé avec li. Et pour cela mo fine être ordonné pour être le premier à soumettre à Li. O Allah ça de Toi et pour Toi.

 

« Allahoumma Yaa Moujiibad Da-awatté »

O Allah! Celui ki accepté bane doahs.

 

Insha-Allah. Ameen, Allahoumma Ameen.