Lettre circulaire de Ganee Jhangeerkhan à so banne Famille en date de 2 janvier 2001

Allah , par So Grace finne montré moi contenu de ca lettre la par revelation le 16 Decembre 2005.

Munir Ahmad Azim
2 janvier 2006

Message pou tou banne famille qui dans JAMAAT AHMADIYYA

Assalamo Alaikum Wa Rahmatoullah Wa Barakaatouhu,

Suivant Huzur so décision pou mette bye Zafrullah Domun et bye Munir Auzim en dehors jama'at, li fine ressortir ki certains membres de nous famille éna doute lors validité Huzur so décision. Li mo devoir pour attire zotte l'attention vers trois points importants :

(1) Allah Ta'ala fine choisir ene seul représentant lor la terre, qui représente so l'unicité : c'est so khalifa, c'est li qui Allah guidé et inspiré pour dirige Jama'at vers l'objectif ki Allah oulé. Li absolument impossible ki Allah envoye message spirituel en grande quantité à ene lotte dimoune en-dehors le khalifa. Péna aukène dualité dans Allah so système.

(2) Quand Huzur prend décision, c'est toujours sous l'inspiration divine. Si ene Ahmadi pensé ki Huzur fine mal-informé et ki alors li fine prend ene décision injuste, en réalité ça Ahmadi là pé pensé qui so propre compréhension dépasse compréhension Huzur. Mo capave assure zotte tous ki Huzur fine bien comprend la situation quand li fine décide pour mette ça deux dimounes là dehors.

(3) Rappelle bien ki dans le passé, ti déjà éna rébellion envers le deuxième Calife so représentant à Maurice. Le Hazrat Mousleh Ma'oud (r.a) ti maudit et excommunié bane Ahmadi ki ti prend part dans ça rébellion là. Bien que certains ti démande pardon par la suite, le fait reste que jusqu'à ce jour, éna certains parmi zotte, et parmi zotte banne descendants, ki encore pé affirmé ki le Mousleh Ma'oud (r.a) ti fine mal-informé et ki décision ki li ti prend contre zotte ti injuste.

Ziska zordi zot encore pé critique Huzur so banne représentants, so banne Amirs, et zot toujours pé rode faiblesse dans Amir so travail, ça qualité dimoune là zotte souffert d'une maladie ki appelle « Ana khairum minhu », c'est-à-dire, « Moi, mo pli bon qui li ». C'est ene fierté et ene arrogance totale ki faire zotte croire ki Huzur so l'administration na pas bon, mais ki zotte, zotte banne l'idées meillère.

(4) Moi personnellement, mo pas ti conne nanié lors sa sujet soi-disant « révélations » de mons. Munir Auzim là, avant dimanche 24 Décembre 2000, lé temps bye Mushtaq Sooltangos ti informe moi de ça pour la première fois. Mais trois jours avant ça, dans mois Ramzane mo ti trouvé dans rêve qui mo ti dans Maurice, et mo fine trouve bye M. Amine Jowahir, Amir de l'Ile Maurice, pé diboute côte ene bâtiment énorme ki lézotte dimoune fine construire et ki pé ménace pour tombe lors li. Mo fine demande li : « Qui été ça ? » Li fine dire : « Ça c'est ene grand zaffaire ki fine faire dans Maurice ». Lerlà, mo fine trouve bye Zafrullah Domun passé entre moi et Amir Saheb. Nous fine faire li salaam, mais li pas fine réponde et li fine passe droite, sans même guette nous. Mo fine trouve ça bien bizarre, et mo fine dire Amir saheb : « Li éna ene grand la main dans ça travail là ». Ce n'est que dimanche, c'est-à-dire trois jours après, ki mo fine comprend ça rêve là. Allah fine montré moi ki Zafrullah Domun fine participe dans ene zaffaire énorme ki pé ménace le système de Amaarat ki représente khilafat dans Maurice. Et qui li n'a pas souhaite nous aukène la paix. Allah fine montré moi qui li ene dimoune dangereux ki éna banne l'intention méchante. Ça rêve-là suffisant pour moi pour mo conné ki quand même Zafrullah Domun so plan parraître bien grand et bien joli, so l'intention certainement maléfique, et dangereux pour Jama'at.

(5) Quand Huzur fine prend ene décision, nous tous bizin éna confiance ki Huzur so décision c'est Allah So décision, même si ça décision-là amère pour nous. Banne dimounes ki pour persisté croire ki Huzur éna tort et qui zotte, zotte éna raison, zotte né pli éna nanié à voir avec Nizam-é-Jamaat, et c'est pour ça qui Huzur fine invite Messrs Zafrullah Domun et Munir Auzim à créer zotte propre jamaat et tous Ahmadi ki envie suive ça deux là capave alle ensemble are zotte.

Mais Huzur fine affirmé ki ça pas pour affecté Hazrat Massih-é-Mau'oud (a.s) so jamaat ditout. Huzur fine déjà dire maintes et maintes fois qui n'a perna aukène puissance lors la terre ki capave arrête travail Jama'at Ahmadiyya. Ni l'Europe, ni l'Amérique, ni banne pays musulmans avec tout zot puissance n'a pas pou capave arrête ça Jamaat là.

Donc quand Huzur fine apprendre ki certain Ahmadi pé croire banne soi-disant révélation divine ki pé averti Jama'at contre ene groupe insignifiant couma H……. dans ene ti pays couma Maurice, li pas étonnant ki Huzur fine traite zotte ringleader, Zafrullah Domun de « STUPID ». Ce n'est qu'un imbécile ki capave croire ki ene ti nanié ditout couma H…… pour arrête Allah So Jama'at.

(6) Li clair ki monsieur Zafrullah Domun fine continié dénigré le travail de Amir saheb dans Maurice; li fine prêché partout ki bye Amine Jowahir et so l'administration pas pé travaille coumma bizin, alors ki li bien conné ki ça qualité causé là crée rébellion et dissension dans jama'at. Li fine essaye remplace le système approuvé par Allah par ene série de rêves et de visions ki li fine noté dépi lors téléphone. Et li fine émerveillé par la qualité de banne révélations ki ene dimoune ki pé assize lotte côté l'Océan Indien pé dicté lors téléphone. Bondié conné ki livre Munir Auzim ti pé lire lé temps li ti a pé dicté.

Quoiqu'il en soit, nous Huzur bien-aimé fine totalement rejette Zafrullah Domun et Munir Auzim et fine jette zotte en-dehors Allah So Jamaat. C'est nous devoir pour rejette zotte totalement nous aussi, et qui nous maintenir confiance dans Allah So khalifa. Allah fine continié montré banne signes de so soutien ki li donne le khalifa et ki li donne tous banne Amirs ki représent li. Insha-Allah, ça travail ki le présent Amir de Maurice pé réussi accompli là, pou démontré à tous banne Ahmadis arrogants ki réfusent pour soumettre à so l'autorité, ki vraiment Allah avec Amir saheb.

Si éna Ahmadi ki pas accepté ce ki Huzur accepté, et qui pas rejette ce ki Huzur rejetté, zotte népli dans Jamaat Ahmadiyya. Zotte capave alle crée zotte propre Jama'at couma Huzur fine suggéré.

O Allah ! pas laisse nous lé cœur vine pervers après ki To fine guide nous. Et montré nous To miséricorde. Vraiment, c'est To même qui plis Grand Pourvoyeur.

Mo banne famille ! largue Zafrullah Domun totalement avant ki li trop tard, et accepté Amir ki Huzur content. Na pas laisse zotte lécoeur vine coumma banne rébelle du passé ki fine maudit par le Hazrat Mousleh Mau'oud (r.a).

Allah guide nous tous, et garde nous lors chemin droite ki basé lors Allah So tradition, Allah So sunnat et mazine bien ki Allah dire : « Jamais zotte na pas pour trouve ene changement dans Allah So sunnat ». Banne dimoune qui pour prend ene chemin ki en dehors de Huzur so chemin, ça banne là zotte tous pou conne destruction et malédiction Allah. Allah préserve nous tous contre ça.

A.G. Jahangeerkhan

2.1.2001

Mo faire toi conné Ganee fax ki to fine envoye Amine Jowahir aussi Allah fine montré moi. Là dans to fine adresse Amine Jowahir.

Très cher Amir Saheb,

Assalamo Alaikum ……..

Mo pé envoye ou le message ki mo fine addresse mo banne famille dans Maurice. Là dans ou pou trouve le rêve ki mo ti faire dans mois Ramzane lors M. Zafrullah Domun. Allah renforce ou la main, et préserve jamaat contre dissension et arrogance.

Ou frère en Islam,

A.G. Jahangeerkhan.

Ça fax là fine daté le 2.1.2001.