Text Box:  Discours de Khalifatullah Al-Massih Al-Maoud Hazrat Munir A. Azim Le 09 Novembre 2010 à Saint-Julien (Ene résumé du discours) Après ki le Khalifatullah fine saluer zot tous, li fine commence lire le Tashahhud, Taouz et ensuite li fine dire: Avant li entame so discours, le Messie de ce siècle fine remercier bane invités d’honneur et l’assistance pou zot présence. Ensuite avant ki li rentre dans le vif du sujet, li fine faire comprend ki nous tous, sans exception, ki li so religion, nous tous nous bizin vivre en harmonie, car c’est cela ki faire la beauté de l’île Maurice. Tous dimounes, ki li missiés ou madames, zot ena zot rôle à accomplir dans la société. Nous tous ena même disang ki couler dans nous la veine, et alors, demain si arrive nous kitchose, A pas pou guetter ki race, ki religion ki B ena. Kan pou bizin disang pou sauve la vie ene dimoune, pena aucaine barrière. En plus de sa li fine parle du fait ki tous la religions ti bizin ene seul. Mais dimounes fine oublié Dieu et fine tombe dans bane fléaux pas possible. Si faire ene comparaison de sa la vie d’aujourd’hui avec la vie lontan, ena ene bien grand différence. Longtemps dans tous religions ti ena bonne manière, bonne culture, salutations avec respect envers sakaine so prochain. Mais aujourd’hui tous sa fine disparaîte. Bane jeunes népli intéresser avec la religion. très peu pou alle mosquée, mandir, l’église etc. Aujourd’hui ene grand fléau ki pé faire ravage c’est la drogue, cigarettes, kot bane dimounes ki tombe dans bane telles cercles, zot arriver voler avec zot propres familles pou zot capave alle acheter la drogue. KI ÉTÉ LA DROGUE ? La drogue li capave être dans forme capsule, tablet, liquide (buvable), la poudre ou bien piqûre. Ene dimoune ki en bonne santé, et kan li arriver prend la drogue, so la vie nette changer, so la santé gâté. Ki kitchose pli précieux pour ene dimoune, c’est so la santé. Si la santé péna, ki valeur ena sa la vie là ? Dans ene de so bane paroles, le prophète Muhammad (saws) fine dire : « Nous tire profit de nous jeunesse avant vieillesse et aussi profite nous la santé avant la maladie. » La Santé li précieux. C’est ene de bane grand richesse ki Dieu fine donne nous. Azordi jour, dimounes kan dans problème zot préfère tape la porte de bane les autres dimounes et si zot bane problèmes pas résourdre, lerlà ki zot pou tape la porte de Dieu. Mais faudé sa pas coumsa. Faudé tape la porte de Dieu en premier. Si ene dimoune fine arriver commettre bane mauvais actions, et fine tombe dans la drogue etc. mais ensuite li répentir et réforme so conduite et so l’habitude, alors Dieu pardonne ene telle dimoune, surtout kan sa dimoune là alle réconnaite ki so Créateur Li unique, et ki c’est zis Li (Dieu) ki bizin prié. La santé li bien important. Ki sanlà dans sa le monde là ena garantie ki li pas pou mort à n’importe ki moment ? Seul Dieu ki tini so la vie dans So la main. Mais kan nous prend la drogue c’est nous pé détruire nous la santé. La vie ki nous ena li appartenir à bon Dieu (le Créateur); détruire ene kitchose ki Bondié fine prête nous, c’est désobéissance au Créateur. Ki manière dimoune tombe dans la drogue ? Ena beaucoup raisons kifaire capave tombe dans la drogue. Mais séki pli commun c’est ki nous trouve nous camarade pé drogué et nous envie ou bien li dire nous essaye prend ene tiguitte même et nous gagne embêté par sa et nous prend. Sa premier coup là-même, ki pli grand danger sa ! Jamais toucher kan même ene seul coup car en effet pas ene seule coup sinon c’est FINI POUR TOUJOURS. Pas tous saki camarade faire li bon. Guette bien ki camarade to pé frékanté. La drogue diforme figure ene dimoune ki drogué. Guette ene dimoune ki drogué so figure. Sa la lumière ki bizin ena lors so figure fine enlever. So la peau colle lors le z’os so figure et ou gagne peur ou guette so figure, ou trouve couma dire ene squelette vivant ki pé marché. Bondié fine créer nous dans meilleur forme et guette nous diforme nous par nous-mêmes. « ... Nous fine créer zot dans meilleur forme » (Coran Ch.40 V.65) La drogue enlève beauté ki Bondié fine donne sakaine parmi nous et ou alle prend la drogue, ou vine la peau les z’os. Si la santé péna, ki resté ! Eski ou conné ki cigarette aussi ene la drogue. Laisse nous guette ene la drogue ki vendé partout et jeunes, âgés, tous fumé lors chemin, dans la caze, dans travail et nous prend sa comme ene zaffaire ordinaire. Si ou fine commence avec cigarette, ou bien capave fini ene jour par la drogue dure. Bizin péna ene commencement même avec sa bane zistoires la drogue là (ki li cigarette parski cigarette c’est ene LA DROGUE). KI FAIRE DIMOUNE FUMÉ ? (1) Si li tipti, alors kan li fumé selon li, li senti ki li fine vine grand. (2) Si li tipti li guette bane grand fumé et li faire pareil. (3) Li fumé pour montrer ki li ene terrible. (4) Li fumé parski so camarade fumé. (5) Li fumé parski so papa fumé. Cigarette c’est ene poison, dans cigarette ena ene substance ki appelle NICOTINE et c’est ene poison et si ene dimoune prend 500 milligrammes nicotine et li injecter sa directe dans so disang, li pour mort tout de suite. Cigarette contenir ene substance ki gagner kan feuille cigarette brûlé ki appelle goudron. Et sa goudron là péna nul doute là-dans, ki li cancéreux, c’est-à-dire li faire gagne cancer. Couma cancer poumon, kan fume cigarette ena cancer poumon ki développé. Ene dimoune ki fumé so poumon fini nette et ene dimoune ki fumé li ena ene grand risque pour gagne malade lécoeur. Ena ene kantité malade ki développé avec cigarette. Cigarette pas amène ene ti malade mais bane malades grave couma cancer la bouche, la langue et la lèvres. Beaucoup dimounes penser fume cigarette ena relax (li pé relax avec ene cigarette). Non, jamais, au contraire cigarette affecté nous système nerveux. En détruisant nous système nerveux, li affecter nous capacité physique, nous mémoire. Nous guette ene coup commié l’argent et le temps nous depenser lors cigarette. Ene l’example, parski mo pas conne prix cigarette, nous prend prix pli bon marché (peut-être li pas sa prix là). Matinée : paquet 10 = Rs 16 ; paquet 20 = Rs 30. Ena Embassy, 555, Matelot etc. Mettons ki Embassy vende 1 paquet 10 = Rs 13, supposé ene dimoune fume 2 paquets 10 Embassy par jour. Et sak cigarette li prend 5 minutes pour fumer. 1 mois = 30 jours x 20 cigarettes = 600 cigarettes. 1 an = 365 jours x 20 cigarettes = 7,300 cigarettes. Mettons astaire là pendant 35 ans li pé fumé. Li fine commence fumé à l’âge 20 ans et astaire li ena 55 ans : 35 ans x 365 jours x 20 cigarettes = 255,500 cigarettes. En tout li fine fume 255,500 B 10 (paquets) = 25,550 paquets cigarettes. Maintenant nous guette côté l’argent : 25,550 (paquet de 10) x Rs.13 (1 paquet) = Rs.332,150. 35 banané ki li fine fumé sa fine coûte Rs.332,150. Astaire nous guette commié létemps li prend : 255,500 cigarettes x 5 minutes (par cigarette) = 1,277,500 minutes. Astaire converti 1,277,500 minutes en l’heure-temps : 1,277,500 B 60 (minutes) = 21,292 heures. 24 heures = 1 jour. 21,292 heures = 887 jours 1 l’année = 365 jours. 887 jours = 2 ½ l’années (à peu près). Si sa dimoune là fine vivre jusqu’à 55 ans, alors 2 ½ banané dans so la vie, li fine perdi dans brûle cigarettes. En d’autres mots li fine réduire dans so la vie 2 ½ banané ki amène; li fine vivre techniquement 52 banané seulement. Si vraiment nous bane dimounes responsable, eski nous ena droit brule sa kantité l’argent là ? (Rs.332,150). Eski nous ena droit brule sa kantité létemps là ? Réfléchi un peu : 1. Eski ene papa ena droit morale pour faire so propre zenfant alle acheter cigarette ou la drogue pour li ? 2. Eski nous ena droit morale pour droguer ou pou fumer divant nous zenfant ? 3. Eski nous ena droit morale pou mette cendrier dans nous la caze kan dans bane lieux publique péna droit fumé ? Kot valeur nous la caze ! 4. Eski nous ena droit morale brule sa kantité l’argent là et dans le monde commié zenfants pé mort sak minute sans manger, boire ? 5. Eski nous ena droit morale pour brule sa kantité létemps là pour satisfaire nous passion, car rôle ene croyant c’est CONSTRUIRE ene bon société non pas DÉTRUIRE société ? 6. Eski nous capave ena exclus kan million, million roupies pé bruler dan cigarettes ? 7. Eski ou ki ene croyant dans Dieu, ou capave avec connaissance vende la drogue ou cigarette ou même la boisson alcolic pour détruire la santé les autres ? Nous tous bizin prier Dieu pour ki Li garde nous et guide nous dans le droit chemin et donne nous ene connaissance ki pou profitable pour nous. Ene connaissance ki pour permette nous différencier entre le bien et le mal. Amîne.