|
ADHYATMA RAMAYANA
Selon l'étymologie sanskrite, le mot Râmâyana signifie, le parcours, le chemin, la mission où l'exemple (Ayana) de Râma. Satyam, li ene attribut de Dieu ki représente la vérité (satyam) et dans le Saint Coran, Bon Dieu fine faire nous conne So l'Existence, Allah Li ene seul et So Nom Personnel c'est Allah. Mais aussi Li ena beaucoup noms ki Quran Shareef mentionne 99 noms et dans banne les autres livres sacrés, tels que Towreit (livre Juifs), ena 300 noms, dans Injeel (livres chrétiens) ena 300, dans Zaboor ena 300 ; Alors ene parmi so banne noms ki mentionné dans Saint Coran Al-Haq la vérité et aussi fine enseigne nous celui ki ena la frayeur ki quiqu'ene fine faire li méchanceté alors li lire 'YA HAQQO' 21 fois tous les jours.
Pou ene musulman, so la foi ki appelle sa Imaane Mofassal (croyance détaillée) ki li bizin croire dans la (1) Divinité de Dieu, (2) l'existence des anges, (3) Banne livres d'ALLAH (ki Li fine révèle à so bannes Messagers) et (4) Tous bannes prophètes ki fine vini (et nous comprend ki plisse ki 124,000 Prophètes fine vini et tous fine apporte le Message Divine pour transmettre à l'homme, ki à chaque fois, ki l'homme fine dévié), (5) Bizin croire au dernier jour, (6) Destin, et (7) La vie après la mort. Ou pou trouver ki seulement ene musulman ki croire dans tous bannes prophètes, ki Bondié fine envoyé dans différents peuples tel que : Noé, Houd, Salih, David, Job, Jonas, Moïse, Krishna, Bouddha, Jésus, Mohammad (ki la paix lors zotte tous).
Et voilà ce qui le Ramayana et aussi Bagavat Gita pé enseigner c'est bannes versets ki Dieu même le Tout-Puissant ti révèlé à l'homme, mais azordi l'homme fine oublié sa bannes l'enseignements là. Voilà ki Allah par so Sagesse et So Grandeur Li envoye le plus grand Prophète à l'humanité ki ene bénédiction et ene miséricorde pour l'univers en entier, c'est le Saint Prophète Mohammad (s.a.w) et li révèle li le Saint Coran et le Saint Coran ena l'éclat de la Bible et ena aussi la splendeur du Gîtâ. C'est ene Livre revelé par Dieu Lui-Même à So prophète et li ene guide pour tous dimounes lors sa la terre sans distinguer ki so religion, ki so couleur et ki so race. Dans le Saint Coran, Allah fine faire nous comprend ki sa bannes versets là ti déjà mentionné avant avec l'arrivée de sa bannes Messagers là, mais dimoune pas fine prend compte. Allah dire dans le Saint Coran : " Qad kaanat aayati tut-laa alaykum Fakuntum alaa aqaabikum taukisunn "
" Mo verset ti fine déjà récité avec ou, mais ou ti toujours tourne lors ou talon. "
Alors ou pou gagne ene l'idée ki Râma est ene nom ou ene aspect de Dieu ki représente Satyam (la vérité), Shivam (la bonté), c'est ene l'autre attribut de Dieu. Pareil couma Saint Coran fine montrer nous ki Al-Latiff (le Bon dans l'épreuve) et fine faire nous comprend ki si ou lire YA LATWIFFO 133 fois dans namaz Esha avant namaz WITR, Insha Allah tous ou difficultés pou disparaître.
Sundaram (la beauté), ene l'autre attribut de Dieu, et ici aussi dans le Quran fine enseigne nous sa attribut AL-MUSAVVERO (Celui Ki ena la beauté et Li ce qui donne bon Physionomie) et ici fine faire nous comprend ki ene madame ki pas gagne zenfant, li garde 7 carêmes et chaque jour après Namaz Asr li assize lors so natte li lire beaucoup fois YA MUSAVVERO et avant li casse so carême, li demande la prière pou li gagne zenfant. Insha Allah li pou gagne zenfant.
Mais Râma li ti considéré comme ene Avatar de Dieu (AUM). Vishnu ti manifesté ene concept pur de Dieu, li ti représente le sattva Gura (la nature pure, équilibrée, et éclairée).
Mo banne frères et sœurs Hindous pou comprend sa bien ki dans les Pourânas, ena 3 types d'adoration de Dieu : (1) Ene adoration pure et éclairée (Sattvique de Vishnu) (2) Ene adoration passionnelle et intéressée (Rajassique de Brahmâ) (3) Adoration contre l'impureté (Tâmassique de Shiva)
Dans les Vedas fine proclamé ki ena ene Seul Dieu, qui appelle AUM ou OM : " Ekam Sat Viprâ bahudâ Vadanti " " Ena ene Seul Dieu, mais bannes prophètes fine donne li plusieurs noms. "
Dieu veut dire AUM, ena trois lettres, si mo décrire li couma Bon Dieu Li-Même fine faire moi comprend : A Allah U Univers M Mohammad
Ce qui veut dire ki Dieu existé avant l'univers crée et quand Li crée univers (Bon Dieu dire dans Quran ch 7, v 24) " Descende depuis là, lors la terre ou va gagne ene place pou rester et tout ou nécessaire, mais seulement pou ene temps. "
Et M Mohammad (ce qui veut dire Bon Dié même dire dans le Saint Coran : " Wa mà arsalnàka illa rahmatal-lil-àlamin " " Nous fine avoye toi seulement comme ene miséricorde pou tous bannes peuples. "
(1) Et si ou dire OM, OM c'est le Créateur Omniprésent, Omnipuissant et Omniscient.
Le Saint Coran aussi mentionne OM comme ene Attribut de Dieu ASH SHAHIDO (l'Omniprésent et Témoin), sa attribut-là, si ou lire sa 21 fois tous les jours et ou passe ou la main lors ou zenfant (ki pas écouter) zotte pou vine bon zenfants.
(2) Omnipuissant AL-QAWIYYO (le Tout-Puissant). Quand quelqu'un affaibli par bannes maladie et ou lire 111 fois YA QAWIYYO, Bondié pou aide li.
(3) Omniscience, sa attribut de Dieu là si ou lire li 11 fois YA MUSHI tous les jours avec la Grâce de Dieu ou pou trouve ou banne erreurs par ou même, si ou fine commettre qique erreur. Bon Dieu, la source Mystérieuse adorable et incomparable. Dieu accomplit plusieurs fonctions dans la création et par rapport à So bannes fonctions multiples, differents noms fine attribué avec Li. Le Dieu Unique fine invoqué par plusieurs noms tels que : Indram Varuna, Agni, Ishvara, Brahmâ, Vishnu, Shiva, Ganesha, Skanda, Bhagavân etc.
En vérité, ena ene Seul Bondié (Al Ahad), le Dieu Unique, Li partout et pour tous sans distinction. Dans le Saint Coran, quand Hazrat Adam (a.s) fine pose Allah question couma sa groupe là fine gagne Paradis et l'autre fine gagne l'enfer. Alors Allah fine réponne ki sane la là fine ena la Foi en Moi et l'autre là, là fine associer ene l'autre avec Moi, zotte fine dénigrer Mo bannes envoyés et désobéir Mo bannes commandements.
Allah dire dans le Saint Coran, Surah Al-Ikhlas : " Dire : c'est Li Allah, l'Unique. Allah Li Indépendant et nous depanne lors Li pou tous nous nécessaire. Li pas ena zenfants et personne pas fine donne Li naissance et pas ena personne semblable à Li. "
Les Védas proclame AUM comme étant le plus important qui englobe tous bannes attributs. Dieu l'Unique de toute la création et la grandeur de AUM brièvement fine expliqué dans le Gâyatri Mantra qui est l'essence même des védas.
Pareil couma le Saint Coran fine faire nous conne Allah et faire nous comprend nous paradis li dans nous Allah, nous pli grand contentement li dans nous Allah et si nous appartenir à Allah, nous bizin reste assuré ki Allah pour certainement appartenir à nous.
Quand ene musulman faire so la prière, li pas capave faire chaque posture de so la prière par appelle Li par ene nom de So bannes lé zotte noms apart nous bizin dire Allah-o-Akbar. Quand dans nous la prière nous adresse YA ALLAH (O mo Allah), Allah réponne YA ABDI (Oh mo banda), " qui faire to appelle Moi " ; l'heure-là banda dire : " O Allah ! Mo ene grand pécheur ", Allah réponne : " Eh banda, pas prend tracas, c'est Moi Qui accorde pardon. "
Si banda dire : " O Allah, mo misère. " Allah reponne : " Eh banda, pas chagrin Mo Razzak (Celui qui donne nourriture). " Si banda dire : " Oh Allah, mo malade, mo dans difficulté.. " L'heure-là Allah reponne : " Oh banda, Mo-même SHAAFI (donne guérison). "
Nom Bon Dieu (ALLAH, AUM), c'est Li, Ki Vivant, azordi pareil couma Li ti vivant tout le temps. Coumsa-même Li causer azordi couma Li ti causé dans le passé. Li sa même sa Etre Unique là Qui pena aukène associé, pena personne ki pareil are li dans banne attribut. Li réuni dans Li tout bannes attributs ki pli parfait et Li manifesté banne vertu ki mérite tout éloge. Li Unique dans So droit pou être adoré par tout banne ki reste lors la terre ou ki appartenir à le ciel. Banne frères et sœurs ki présent ici zordi, analysé ou pou trouver ki seulement l'Islam ki ena ene l'enseignement Universelle et li pas rejette aucaine l'enseignement de bannes les autres religions avant et ni rejette aukène prophètes ki fine vini dans différent peuple. A nous pense lors nous bannes la prières ki nous faire avec Dieu tous les jours, mo pas pou capave cite tous banne la prière, mais ene-deux. Ene musulman faire sa la prière là, li dire : " Rabbanaa innanaa aamannaa fagfir lanaa zunuu banaa- wa qinaa azaaban naar. " (O nous Maître, nous ena la foi. Pardonne nous péchés et protége nous contre punition difé)
Nous banne frères et sœurs Hindous pou faire sa la prière-là : " OM Vishwani déva savitarre dourritani para souva. Yadde bhadramme tanne assouva. " (O Dieu, O Père de tous les êtres, balier complètement tous nous bannes péchés. Donne nous ce ki est bon)
Nous banne frères et sœurs Chrétiens, le Saint Sacrement est exposé durant les 40 hrs dans toutes l'église pendant le carême. Ou pou faire sa la prière là, trouve dans Psaume 50 : " Pitié pou moi, mon Dieu, dans ton amour, selon Ta grande Miséricorde, efface mon péché, lave-moi tout entier de ma faute, purifie-moi de mon offense. "
Maintenant, parmi nous ki sanne-là pas content ena bon zenfants, alors musulman-là li pou faire sa la prière-là : " Rabbi hablii milladunka zurriyyatan tayyibah, innaka samii-ud-duraa. " (O mo Maître, donne moi, comme ene faveur de Toi de bons zenfants. C'est Toi qui écoute bannes la prières)
Ene Hindou pou faire sa la prière-là : " AUM shanno dévir abhishtaya Apo Bhawannetou pitayé, shanyor abhi sravan netou nah. " (Veuille la Mère Divine et Omniprésent de To grâce, exauce nous désir intime et faire To bénédiction autour de nous (faire nous ena zenfant pieux).
Dans LA BIBLE : " Nous vivons de Ta vie, fais-nous vivre pour Toi, Tu es pour nous, Seigneur, et nous sommes à Toi, donne nous des enfants pieux. "
Quran, la Bible, Bhagavat Gita fine montré nous la Grandeur de Dieu.
Dans Quran : " Fata-aalallaahul - Maalikul Haqq, Laa ilaaha illaa hun, Rabbul arshil-kariim. " (Couma Grand Allah été, Li le Vrai Chef ! Pas ena ene l'autre Bon Dieu qui Li. Li-Même Maître de sa trône honorable là.)
Dans Bhagavat Gita : " Yah Pranneto nimishato mahit wéika iddraja jaguato babhouva ya ishé, abya dvipadabh tchatoush padah. Kasméi… " (Nous adore ene Dieu, ki So Grandeur, Li tous seul le Roi de tout. Li le Maître de tous bannes créatures.
Dans LA BIBLE : "Seigneur et Père, aucun homme n'est juste devant Toi, si Tu ne commences par nous pardonner. Maître, me voici, je viens à Toi ; regarde comme je suis maintenant, mes péchés m'ont détruit, pardonne-moi, releve-moi. Gloire à Toi, notre Dieu. "
O banne frères et sœurs ki pe écoute moi azordi, si ou comprend sa bannes messages ki mo pé donne ou là, bé communaliste disparaître, tous bannes obstacles enlever et ou pou trouve ki tous bannes Messagers ki la terre fine conner, zotte tou ti apporte ene seule message, c'est l'unicité de Dieu, faire l'homme reconnaître ene Seul Dieu, le Dieu Unique, et nous tous nous bannes créatures de Dieu, sans distinction de race, de couleur et de religion. Alors ena ene moyen facile pou amene la paix dans la société et dans le monde, c'est par la connaissance et la pratique de la spiritualité. Chakène parmi nous analyse nous but de nous présence lor sa la terre-là, nous pou alle comprend, ki Dieu le Tout-Puissant fine faire ene grand faveur lor nous, kan Li fine faire tous banne l'Ames (et l'esprit), quitte sa océan de la Miséricorde là, pou vine dans ene le monde de l'eau et de l'argile, rempli de souffrances, afin ki capave révèle la valeur de chakène parmi nous ; et capave distingué entre ene sincère et ene hypocrite. Bon Dieu fine faire nous comprend sa dans le Saint Coran kotte li dire Chapitre 45, verset 22 : " Allah fine créer banne le ciel et la terre avec ene but. Pour récompense chaque âme d'après ce qui li mériter et aucaine injustice pas pou faire zotte. "
En Sanskrit, dans ou la prière Ishwara Pratno Pasana : " Hiranyagarbhah samavarttatagré bhoutassia djatah patiréka assite. Sa dadhara prithivimme diamoutemamme kasméi dévaï havisha vidhéma. " (Nous pé offert nous humble adoration avec Dieu ki Li la lumière en Li-Même, ki Li le maître du Monde. Li soutient le ciel et la terre. C'est grâce à Li ki nous ena sa bonheur pour lors sa la terre-là.)
Allah, Al-Jalil (Celui ki ena ene Grandeur Enorme), fine faire sa le monde là cotte capave distinguer entre vrai et faux et à la fin nous capave comprend tous sa là, Li fine rendre lors la terre, manifeste chaque kitchoz ena so contraire : " doux et amer ; bon et méchant ; pureté et l'impureté ; de l'eau doux et de l'eau salée ; grand et petit ; gros et maigre ; l'original et copie ; la vérité et le mensonge ; la santé et la maladie ; droite et gauche ; la vie et la mort ; la sincérité et l'hypocrisie ; le riche et le pauvre ; bonheur et malheur ; le monde visible et le monde invisible ; le vrai et le faux (ki faire ena bannes fausses billets ?), parcequi ena banne vrais. Si pas ti ena vrai pas ti pou ena fausse. C'est Dieu l'Unique même ki le Premier (Al-Awwal) et aussi le dernier (Al-Akhir) etc. C'est a travers sa ki nous fine vine dans sa le monde-là et ki Dieu le Tout-Puissant fine donne nous ene connaissance pou nous capave distingué et rejette ce qui mauvais et adopté tous ce qui bon.
Donc, chaque croyant de chaque religion bizin faire zeffort nécessaire pou mieux conner et pratique so religion. Alors, nous tous ensemble, nous oublié nous banne divergence d'opinion, nous établi nous lors ene seul et unique but, ki nous tous nous d'accord lors la, c'est ki nous établi nous lors l'unicité de Dieu, quand chakène parmi nous pou établi lors l'unicité de Dieu alors, définitivement nous pou rejette ce ki ne pas Dieu, ce qui na pas ena aukène pouvoir et étant donner nous dans ene pays multiracial, nous bizin oublier ki nous appartenir à telle religion, telle religion, nous mettre sa dans nous la tête ki nous appartenir à ene Seul Dieu, pareil couma Li Seul, Li fine envoye nous seul ici et nous pou retourne vers Li Seul et nous tous seul pou rendre nous comptes avec Li ce qui nous fine faire ici.
Ensuite nous bizin réaliser ki ena : Ene seule religion, religion l'Amour Ene seule famille, l'Humanité Ene seule langage, langage lé Cœur Ene seul Bondié, Qui Présent partout.
Quand mo pe dire, " Ene seule religion, religion l'Amour ", ce qui mo pé envie dire ki le plus haut niveau du but spirituel c'est la réalisation de la réalité divine chez l'homme. Banne qualités de sa nature divine là c'est qui nous conscient d'ene grand la joie, nous expérience l'amour divine couma la vérité. Au sommet de la réalisation, sa bannes qualités là, zottes rencontrer à ene point commun, ki pas capave décrire. Alors pou atteindre le sommet de l'amour, nous bizin aussi atteindre le sommet de la sagesse, le sens du devoir et la paix. Sa bannes qualités là, zotte présente endans nous, chacaine d'entre nous, mais zotte cachiette derrière banne nuages sombres (bannes nuages noirs) de l'égoïsme. Sa banne qualités divines là, zottes couma le soleil : Zotte brillé tout les temps en nous, mais zotte souvent cachiette derrière banne nuage de l'égoïsme. Quand nous cultive l'amour divine en nous, bannes nuages noirs là zotte disperser. A travers l'amour nous atteindre nous propre réalisation. Quand nous content Bondié, nous pas pou faire narien pou retire nous-même de sa la source d'amour-là. Bon Dieu comment l'instrument d'amour, pou transforme et reforme nous en l'image de Dieu-même.
Dans tous bannes religions du monde, nous pas trouve aucaine prophète ki ti atteindre Dieu par so propre caractéristique personnel. Nous pas trouve aucaine prophète ki ti realise Bon Dieu zisse are banne bonnes actions seulement. L'amour li le prix pou nous gagne nous admission dans présence Bon Dieu. Si nous ena l'amour en abondance, nous pas bizin aukaine lezotte exigence. L'amour, li uni l'individu avec divinité. A travers l'amour, nous gagne proximité avec Bon Dieu. Sagesse ek austérité touts seuls pas capave faire nous atteindre réalisation de nous but.
Donc l'amour li ene lumière ki éclair nous figure. Si nous envi conne Dieu, si nous envie expérience Dieu, alors nous bizin apprend pou gagne l'amour Bon Dieu, nous bizin ena l'amour pou banne créatures Bon Dieu. Quand nous expérience la source d'amour en nous, nous guette le monde à travers les lunettes de l'amour. Nous pou capave trouve Bon Dieu zisse à travers les rayons de l'amour.
Alors commence ou la journée avec l'amour. Passe ou la journée avec l'amour Rempli ou la journée avec l'amour Termine ou la journée avec l'amour C'est sa le chemin ki amene vers bon Dieu.
Couma nous capave cultive l'amour dans nous le cœur, si nous pe considère le zotte, zotte problèmes, zotte difficultés ene narien du tout et nous considère nous banne problèmes, nous banne difficulté plus important, alors couma l'enseignement l'amour-là, pou capave aide nous pour cultive l'amour pou le zotte ?
Alors chacaine parmi nous, cultive l'amour envers nous prochains, casse sa barrière de race, couleur et religion là et sa même le seul but pou faire nous atteindre la proximité de Dieu.
Alors puisque le but de tous bannes religions li produire ene bon être humain dans ene bon société, donc li impensable ki ene bon et vrai musulman capave la guerre contre so frère Hindou ou Chrétien (et vice versa). Li ene véritable illusion pou penser ki chaque religion ena so propre Bon Dieu ki proteze et occupe zisse banne ki adore Li dans ene façon particulière. En vérité, ena ene Seul Bon Dieu (Al Ahad), le Dieu Unique, Li partout et pour tous sans distinction. L'ignorance et l'esprit renfermé, sa même deux facteurs ki cause beaucoup du tort dans la société. Quran, Bhagavad Gita, la Bible, zotte ene l'océan de la sagesse spirituelle à cotte tous bannes le zottes la rivière de la connaissance vine zoène. Dans le Saint Coran ena l'éclat de la Bible et ena aussi la splendeur du Gita. Dans Bhagavad Gita ena la sagesse du Bouddha, la force morale de Mohammad (s.a.w), la compassion du Christ et la finesse du parti Zoroastre. Tous sa banne prophètes-là (NARAKARA - Gourous), le Adhiyagnya ti manifesté à des degrés differents, dans bannes cultures différentes et à bannes l'époques différentes. Li essentiel nous comprend ki tous banne religions ena ene seul la source : Adhiyagnya. Bhagavad Gita mettre l'emphase lors l'adoration Ene Seul et Unique Dieu pareil couma le Quran et La Bible. De plus, Bhagavad Gita pas faire aucaine mention d'idolâtrie, de l'organisation spirituel, de temple ou de bannes rituels compliqués. Adhiyagnya (la conscience active de l'âme), li habite ene seul place, li habite dans bannes créatures ki ena ene le cœur spirituel, ce sa banne le cœurs spirituel là ki bannes vrais temples, mosquées, l'église vivants du Dieu Eternel.
Ena 7 vertus fine donné dans Vedas :
1. Sathya (la vérité) 2. Prema (l'amour) 3. Dharma (la droiture) 4. Shanthi (la paix) 5. Sahana (la tolérance) 6. Ananda (félicité - bonheur extrême) 7. Svanubhuti (spiritualité)
Quand nous pou réussi inculquer sa bannes bon qualités là dans nous, l'heure-là nous pou capave ena ene grand l'espoir lors l'intérêt national collectif et aussi l'intérêt individuel. Ce dans l'état d'esprit ki capave change le destin d'une nation, pou gagne ene l'état d'esprit coumme sa, li pas vine coumsa même, bizin ena ene grand l'entraînement et bizin ena ene la force morale et spirituelle, bonne conduite et l'honnêteté, lers là aucaine épreuve au monde pas pou affecter ou. Chacaine parmi nous, bizin faire ene zeffort pou établir l'unicité de Dieu lors la terre, bizin être bon et miséricordieux envers banne créatures de Dieu, ni avec ou la langue pas dire banne kitchose de mal, et ni avec ou la main pas faire di tort personne. Mais essaye faire ou mieux pou faire du bien. Pas cause banne causer d'orgueil et pas blesse personne, même si li ou serviteur, pas embete personne, marche lors la terre avec humilité, douceur, et, sympathise avec banne dimounes ki dans problèmes, afin ki Bon Dieu content avec ou. Ena beaucoup, ki à l'extérieure zotte paraître gentil, mais en-dans, zotte rempli de rancune, jalousie, ena la haine dans zotte le cœur, rempli de méchanceté pou faire le zotte du tort. Ena aussi ene majorité dimoune, ki quand ou guette zotte a l'extérieurement zotte doux, mais zotte ena ene nature de serpent avec zotte. Bon Dieu pas pou accepter nous bannes la prières, tant qui nous pas nettoye nous le cœur propre, et ki nous le cœur bizin poli couma ene miroir kotte reflecter seulement Dieu.
Pense bien, quand ene dimoune faire péché, Bon Dieu prive li de connaissance religion (spiritualité) parce qui connaissance spiritualité c'est ene lumière ki pas capave reste brillé dans présence péché. Commettre péché, li développe ene mépris et ene dégoût pou banne ki pratique la religion et le péché pas capave reste dans compagnie, banne bon dimoune.
Pena aucaine réussite pou ene dimoune ki reste engager dans péché et péché li noirci le cœur et sa paraître lor visage sa dimoune là. A travers banne bonnes actions ene dimoune gagne ene lumière lors so visage et dans so le cœur, li gagne bénédiction dans so manger, boire, la force dans so le corps et banne dimounes content li. Et quand ene dimoune commettre péché, ena noireté lor so figure et dans so le cœur. Et dans so tombe aussi pou ena noireté et banne dimounes pas pou ena l'amour pou li.
Bizin comprend sa bien, narien pas accompli sans sacrifice parce qui l'esprit de sacrifice li trouve dans l'homme même sa (c'est so caractère) et sa caractère la, li former par ene formation de base.
Azordi jour, l'homme pe passe par banne moment difficile et bien dur, ene le monde remplie de pécheur, rempli de corruption, rempli de la haine, rempli de souffrance, le pécheur fine arrive dans tous sorte degré, respé entre petit et grand, grand et petit pena. Dans tous la religion ena des divisions, décadences et de la haine et tous religions pe attanne ki Bon Dieu bizin envoye ene Avatar, ene quelqu'un pou sauve l'homme avec le péché. Ou faire sa la prière la (bannes frère et sœurs Hindous) :
" Tiradji rakshita pitaro Ishawah-Tébhyo… " (O Dieu, To envoyes bannes hommes sages pou enseigne nous)
Dans la Bible, Jean ch 16 :12-13 : " J'ai beaucoup de choses à vous dire, mais vous ne pouvez pas les porter maintenant. Quand le consolateur sera venu, l'esprit de vérité, il vous conduira dans toute la vérité ; car il ne parlera pas de lui-même et il vous annoncera les choses à venir. "
Dans le Saint Coran ou lire : " Rabbana lau laa arsalta ilaynaa rasuulan fanattabi-a Aayaatika wa nakkuuna minal muminiin. " (O nous Maître, qui faire To pas fine envoye nous ene messager, pou qui nous suivre To Signes et vine des croyants.)
Quand le Messager vini, (huwa Naba-un Aziim - li vine donne ou sa grand nouvelle là) ki li simplement ene avertisseur. Pas ena ene l'autre Bon Dieu ki Allah, Li Unique et Li domine tout. Quand li donne ou sa message-là, ki ou faire (Antum ahu murizuun - mais ou tourne ou le dos avec li)
Alors pense bien, banne frères et sœurs ki présent ici azordi : " Si jamais l'humanité li, dans le besoin d'ene Avatar (prophète), c'est bien plus azordi ki li trouve li dans ene tel besoin, car la religion fine vine ene mot vide de sens, et la vérité, comme si diré, chacaine lor ene nom différent ek ene titre différent. Banne Hindous pe attane Krishna, banne Chrétiens pe attane le Messie, banne Bouddhistes pe attanne Boudha et banne Musulmans pe attanne le Mahdi et le Messie. Pou ena ene seul réformateur ki pou vini dans place tous sa bannes réformateurs promis là, et so mission pou amene tous dimounes finalement dans ene seul religion universel, et sa quelqu'un ki pou vini la, li pou faire revivre la Foi, li pas pou vine dans ene capacité indépendant, mais li pou ene subordonné pour le Saint Prophète de l'Islam. So l'avènement, annoncé, pour amene finalement l'âge d'or, pou ene religion universel ki dimoune fine désiré tous le temps.
Sri Krishna fine donne ene assurance formel dans Bhagavad Gita : " Quand Dharma (righteousness) déchiré et partout pou ena shaitaan (satan et vices partout), mo pou revini, parce qui sa formes parti de la Résolution (sankalpa - The Prime Resolution) pou protege banne structures spirituels dans l'univers. Mo pou vini couma ena Avataar kotte beaucoup bannes sages et bannes pieux pé attanne. "
Avatar, li dérive en mot sanskrit ki signifie " a descent ". Le mot Avatar décrire comme la Manifestation de Dieu en forme humain. (ou conner en passant mo dire, sa Rama Avatar ti manifesté ene parti so pouvoir à travers so frères ; tandis qui Sri Krishna ti ena poorna (full) Avatar, li ti manifesté le pouvoir Divine complète).
Ene Avatar li ene zenfant parmi nous bannes zenfants, ene garçon parmi tous bannes garçons, ene zhommes parmi tous bannes zhommes, ene madame parmi banne madames, coume-ça so mission capave arrive dans chacaine et dans chaque le cœur, ou gagne Ananada (bliss), ou recevoir ene response enthousiaste. Pou banne aspirant fine l'heure pou réveiller, c'est l'heure de grand opportunité, le Poorna Avatar de Kali-Yuga fine re-apparaître pou donne ene avertissement, pour guider, pou réveille banne ki pé dormi spirituellement, pou montrer le chemin droit et pou mettre la lumière de l'amour la-dans. Mais l'homme ena pou écouté, lire et obéir avec l'espoir pou gagne la foi dans le Créateur (Dieu Unique).
Pour terminé, mo termine avec sa banne jolie paroles là :
Si ena droiture dans le cœur, pour ena beauté dans caractère Si ena beauté dans caractère, pour ena l'harmonie dans la caze Si ena l'harmonie dans la caze, pour ena l'ordre dans le pays Si ena l'ordre dans le pays, pour ena la paix dans le monde INSHA ALLAH |
