Text Box: Discours de Hazrat Mouhiuddin a loccazion Jalsa Salana, le 3 Dec 2005 a Guibies, Ile Moris Jalsa Salana li ène convention spéciale ki nous bane croyants de Hazrat Massih Ma'oud (a.s) célébré, selon le décret d'Allah et seulement pour Allah. Chaque participant dans ça Jalsa là, li ène signe d'Allah et ène signe de la manifestation d'Allah So banne attributs. Mais avant tout nous bizin montré nous crainte ki nous éna pour nous Créateur (taqwa), parski dans lizié d'Allah, le taqwa li primordial. Donc à l'occasion de ça convention là (Jalsa), Allah examine le taqwa de chaque membre. Priyé ki nous réussi dans ça l'examen là. Allah fine mette nous en garde dans chaque action ki nous faire nous bizin éna le taqwa, que ce sois dans les relations humaines, sociales, familiales, professionnelles, Allah fine mette nous en garde pour pratique le taqwa. Dans célébration mariage nous lire ça verset là ki trouve dans première verset de Surah An-Nisah Ch.4 V.1 kot Allah dire : « O dimoune, suivre chemin ou Maître, qui fine créer ou à partir ène seul personne, et qui ti créer ène compagne pour ça personne là, et qui fine répand (lors la terre) à partir de ces deux personnes là beaucoup d'hommes et de femmes. Suive chemin Allah, par la grâce de qui, ou faire des demandes l'un à l'autre. Respectez les liens de sang. Allah surveille ou toujours » . Dans ça verset là nous capave noter ki « ittaqou » qui finne traduire par ‘suive chemin Allah' ou bien ‘gagne crainte d'Allah' fine répéter deux fois pour souligne l'importance ki fine accorde la crainte d'Allah dans relation entre l'homme et la femme. Dans Surah Al Baqara V.224 kot Allah dire : «Wattaqullaaha wa lamuu annakum mulaaquuh» Cherche protection d'Allah, rapplez ki ou pou joindre Li. Ça quelque l'exemples là montré nous ki taqwa recouvre tous bane aspects la vie humaine, et c'est la raison pour laquelle les mots : taqwa, taqao, taqou, ittaquou, ittaqa, mouttqueen, et li paraître dans le Quran dans ène forme ou ène l'autre à plusieurs reprises.Ouvert le Quran kot ou content, ou pour trouver dans chaque page au moins ène fois et éna place capave deux ou trois fois dans même page le mot «  TAQWA   » ou ene de son banne derivés. Taqwa pas signifie seulement ki ou pas mange bane manger haram , ou sois pour distingue ki pur et ki impur, mais li concerne tous bane aspects de la vie. Nous bizin guetter et analyser comment nous pé gagne nous l'argent ; Attention nous fine embête bane dimounes lors qualité marchandises ; Si nous pas fine rendre zot, zot l'argent exacte. Nous bizin surveiller bien, attention kikaine fine vende bane marchandises ki fine volées ou fine faire fraude ! Nous bizin guetter si pas nous pas pé faire Israaf (dépenses au-delà de nous capacité, ou sois faire gaspillage), ou sois nous pé amène ène la vie luxe, inutiles kot pé jette l'argent par la fenêtre et nous bizin pas oublier ça aussi, bane l'argent ki nous dépensé dans bane actions illicites couma jeux de hasards, jouer dans casino, jouer carte, couma ‘ Romie' pour l'argent etc. Pour faire preuve de Taqwa (piété), nous bizin respecter et aussi donne chaque dimoune so droits, et en particulier droits bane héritiers et quand faire ène promesse, ou tenir ou promesse, seulement faire promesse li pas suffit, mais ou bizin tenir ou promesse. Ou bizin pas oublier quand ou fine prend l'argent prêter, pas oublier ki ou bizin render. Évite donne ça dimoune là la peine. Quand ou ti dans problème li fine aide ou avec ène bon cœur. Astère quand pour rendre li so l'argent, pas faire li souffère dans n'importe ki façon. Parfois li bien regrettable pour constater ki dans domaine Akhlaaq (caractères) et Moamlaates (relations sociales, commerciales et familiales) ou trouve bane dimounes ki sois – disant pieux, zot agir exactement comme bane ghair–Mouttaqi (bane pécheurs). Zot prétendre ki zot Mouttaqi , mais dans bane situation comme ça ki ou alle prend conscience de zot bane défauts et ça bane prétendus Mouttaqi ki faire zot Namaz, paye Zakaat, alle faire Hajj et garde Roza, zot pas prend conscience de erreurs. C'est bane Mouttaqi par nom seulement. La Hakeeki Taqwa , la taqwa authentique et réelle li touche chaque domaine, chaque aspect de nous la vie, sinon, li ène tromperie, illusion, ène comédie vis-à-vis bane les autres. Ou faire ou ène devoir pour pas mange la viande halal et ou trouve ça haraam ça et ou passe ou létemps pour faire les autres comprend ki pas mange la viande ki pas halal, li haraam ça ; mais ou pé mange la chair cadavre de ou frère, couma dans Quran Allah fine faire nous comprend, eski ça aussi pas haraam ça ? Vraie taqwa manifesté dans chaque action de nous la vie. L'Islam agir selon la taqwa et non pas la fatwa. L'homme définit par deux choses. Ène c'est le corps comparable à ène la caze et l'autre l'âme comparable au résident. C'est le vrai homme. L'homme essentiel, li ène représentant d'Allah. L'essence de ça qualité l'homme là, pas mort jamais. Li reste éternellement vivant. En fait ena bane divers changement de résidences ; kot ène létemps li ti dans Alamé Arwah (monde des âmes), et après li fine vine résider dans ventre so maman. Comment l'homme essentiel fine rentre dans ène demeure provisoire ; c-à-d, ventre so maman ? Personne pas conner. Quand ça même l'homme essentiel ti dans le monde des hommes essentiels ti dans le monde des âmes, li répondre présent ( Labbaik ) pour chaque appel d'Allah. Mais maintenant, ça l'âme là fine oublier tous ça là. To pas maziné ? Quand Allah fine demande toi (l'âme) : «Alastou bérabbékoum ?» Eski Mo pas zotte Seigneur? Et immédiatement l'âme fine répondre: «Oui, c'est vrai To tout Seul nous Seigneur». Quand to fine arrive dans ça le monde ici-bas là, to fine vine en pleurant. Maintenant to fine oublier tous, dans tous to bane zaffaires, to répètes «moi, moi, moi». La vérité c'est ki ça être extérieur et corporel ki li couma ène la cage ki fine prend le pas sur l'être essentiel, c-à-d, spirituel ki ti dans nous, li fine domine ça l'être essentiel là. Allah envie trouve so serviteur éna ène lé cœur sain, purifié, ki ça lé cœur péna aucaine maladie intérieure, ki li fine nettoye li, li fine retire tous idolâtre, tous bidat (innovation), ène lé cœur ki péna aucaine l'ènemité, et de la jalousie etc. Vraie adoration c'est ki ène lé cœur du serviteur d'Allah, li fine libéré avec tous ça là et li éna zis Allah là dans. Bane besoins de nous lé corps et so bane nécessité li ène l'autre chose et pour l'âme aussi. Li ène l'autre kitchose. Pour la conservation et la beauté de nous lé corps, manger, boire, et linge (vêtements) li nécessaire. Allah Ta'ala fine envoye So nourriture dépi là-haut et ça nourriture là c'est le Quran et vêtement de l'âme c'est taqwa (la piété). Alors chakaine parmi nous, nous faire z'éffort pour nous vine pieux. Pour nous vine ène représentant d'Allah dans ça le monde ici-bas là, nous bizin suivre l'exemple de nous bien-aimé Prophète Mohammad (s.a.w) . Travail seulement pour le contentement d'Allah et l'heure là ou pour trouvé couma So l'aide (Allah) pour vini. Nous (bane musulmans) nous bane dimounes faibles et paresseux (causer boucoup, action zéro). Nous pas pé faire aukaine z'éffort, nous plutôt pé déshonore nous bien-aimé Prophète (s.a.w) . Nous bien-aimé Prophète Mohammad (s.a.w) ti le maître dans le domaine de la connaissance ( Ilm ) ; De so action ( Amal ), li le Imaam de la Taqwa. Lire so la vie et essaye comprend et penser eski nous pour capave faire couma li, si nous trouver ki li difficile pour faire tous ça bane sacrifices là. Alors nous bizin faire preuve de taqwa (piété) et de Taharat (pureté). Faire le Morakabah (exercice de zikr – méditation) et le Mojahédah (faire zéffort) et li pour possible quand nous pour servir le nom d'Allah (éloges) et zéffort, Allah pour accepter ça de nous (c-à-d, nous bane sacrifices). Ça le monde ici-bas, fine destinée à la destruction. Allah Ta'ala pas fine envoye nous ici pour le plaisir et pour divertissement, mais pour prépare nous pour l'au-delà. Li devoir de chaque humain pour prend en considération ki bane kitchoses ki li fine faire Allah plaisir et ça fine enregistré lors so compte pour la vie future (après ki nous quitte ça le monde là). L'homme ki fine réussi gagne totalement le contentement d'Allah, est celui ki fine quitte ça le monde là et li fine préserve so Imaan (la foi) et quand li pé quitte ça le monde ici-bas et quand li pé rentre dans so tombe, ène la voix pour dire li :  « vine dans le royaume d'Allah et pour dire li félicitation ! To fine accompli to devoirs envers to Créateur » ! Si éna kikaine ki éna ène conception différent de nous, nous bizin faire zot comprend et explique zot, zot bane erreurs et nous pas traite zot avec mépris ou dédain. Quand ou pour faire ça, c'est ça ki appelle le Islah (correction morale), kot péna ni dispute ni la guerre. Ça le monde là, li pas ène lieu, ni de repos, ni de promenade, ni pour amuser, ou sois spectacle. Li ène lieu d'épreuves, chaque dimoune éna so épreuves dans so façon et nous, nous fine faire tous le contraire, kot nous fine faire ça le monde là vine ène lieu de plaisirs. Alors Allah (swt) fine donne nous le Quran Sharif et le Quran pour l'humanité en entier, kot éna là dans règles de la vie, principes de la vie et même source de la vie. L'homme, li le représentant d'Allah lors la terre et so remplacement et le réceptacle de so illumination (Grâce Divine). Nous éna le Quran dans nous la main et nous pé reste soucieux lors ça la terre ? Nous pé amène ène la vie sans succès. Le Quran fine annonce la victoire ; O bane Musulmans ki pé écoute moi, lire le Quran, comprend c'est ki Allah oulé de nous, obéir so bane commandements, vive nous la vie d'après bane l'enseignements ki éna dans le Quran, de sorte ki Allah (swt) honore nous. O bane frères et sœurs, ça le monde là ène la caze ki destinée à l'anéantissement. Pas attache nous lé cœur avec ça le monde là, nous prépare ène bon place dans Akhérat. Nous fine vini pour l'adoration d'Allah, et nous fine plongé dans bane jouissances terrestres. Nous l'esprit fine vine aveugle, bé ki jeunesse nous pé penser ? Pas détruire bane l'année de nous la vie dans bane péchés et nous faire ène z'éffort pour tourne vers Allah et demande li so pardon. Pense bien, kot nous parents, et nous grands-parents, quand nous même nous descendants de nous parents. Qui sanlà fine vine plus beaux, plus forts et plus intelligents parmi bane z'hommes ? Si après tous ça là nous reste aveugle dans nous l'orgueil, c'est ça même ène pli grand l'arrogance de nous part. Nous faire bane bonne actions, nous faire nous salaat régulièrement, nous pense Allah dans chaque souffle de nous la vie. C'est seulement ça bane bonne action là ki pour servi nous à la fin de nous la vie. Pas laisse nous tombe dans piège de Satan, et faudé pas nous désobéir nous Rab (Créateur). Nous vine le serviteur de nous Bien-Aimé Prophète Mohammad (s.a.w) si nous envie atteindre le but suprême, soumette nous à la Shariah (la loi) et préserve nous de tous bane péchés. O mo bane frères et sœurs : « Duniya mein sab kaam assaan, Insaan ban'na aur insaan banana sab sé Mushkeel kam hein » C'est-à-dire, ki tout travail li aisé lors ça la terre là, séki pli difficile pour ène dimoune vini, ène être humain ou sois pour faire ène l'autre dimoune vine ène vrai être humain. Ou présence dans le Jalsa Salana, li ène moyen pour augmente ou la foi. Chanceux et bénis pour bane ki fine accepté assister ça Jalsa Salana là, alors ki chacaine parmi nous au courant de nous bane sacrifices ki nous fine faire pour vine le Jalsa Salana et c'est ça le preuve de zot la foi et de zot sincérité. Qui Allah donne nous le Ikhlaas (sincérité), le Ikraam (respecter bane les autres), le Istékamate (regularité et constance), le Tawazoh (la modestie), le Inkessari (l'humilité) dans l'espoir pour gagne le plaisir, miséricorde d'Allah. Comprend bien ki Allah fine donne nu ène livre, et ça livre là c'est le Quran et li pour l'humanité en entier ; pas seulement pour bane Musulmans. Et ça (livre) là fine vini comme ène guide pour tout dimoune lors la terre pareil couma Hazrat Mohamad (s.a.w) fine dire dans Hadith : « Meilleur parmi ou (bane Musulmans), ki lire le Quran et ki enseigne li au autre ». Nék mo pou faire zot réfléchi lors ène sél zaffaire : Le premier verset du Quran Li commencer avec ki ? Le Surah Fatiha. Ki été ça ? La maman (mère). Le St. Prophète (s.a.w) fine dire : Le cœur du Quran, c'est Surah Yasin. Et dans Surah Fatiha, ki nu pé dire ? C'est ène grand doah ça ! Si nous fine rate dans ène rakaat le Surah Fatiha, nu Namaz pas compté ! Et dernier verset Surah Fatiha, ki pé dire ? « Sa chemin ki bane ki fine gagne To faveurs, pas chemin bane dimoune ki mérite To colère ou bien bane ki égaré ». Ki ça bane là ça ? C'est bane «  Ghair-il Magzuubi  » et bane «  Zwaaline  ». Et nu, nu pé demande Allah donne nu So Faveurs. Ki ça bane faveurs ki nu pé demandé là ? Eski c'est du bien matériél et richesses (de côté lémonde) ? Eski c'est ça ki bane ‘ Ghair-Magzuubi ' et bane ‘ Zwaaline ' ti gagner ? Ou bien zot ti gagne bane prophètes (messagers) ki ti vini parmi zot et ki zot fine rejété (tourne lé dos) ? C'est ki nous demand é, c'est ki Allah coze avec nu et mette nu dans le droit chemin. Et dans Surah Yasin (Ruku 2) kot Allah pé dire : « Eh bien bane envoyés ti vine parmi zot. Nu ti envoye zot deux messagers, mais zot ti démenti tous les deux. Alors Nu fine envoye ène troisième comme renfort et zot ti dire ‘Nu fine vine parmi ou comme Messagers'». « Dépi finfonds la ville ène dimoune fine vini en courant et fine dire : ‘O mo peuple suivre bane envoyés là. Suivre bane ki pas demande ou aukaine salaire et ki lors chemin droite' ». Maintenant alle lire La maman, Surah Fatiha et lire So lékaire, Surah Yasin. Ène maman so lékaire li bien sensible. Ki manière so enfant été, mais li, li pas pou rejette so enfant. Et kan ène dimoune aussi so la vie pé allé nu lire Surah Yasin. Azordi kot le monde fine mort spirituellement et de ce fait, Surah Yasin, bizin manifesté kot ça deux messagers là fine vini et kot le Surah Yasin li manifesté dans ça l'époque là encore ène fois. Le Quran li seulement pour bane Muttaki et Allah pour continié envoye so bane messagers, commié Li envie envoyé, Allah pour envoye, et l'homme pas pou éna aukaine mots pour dire lors ça sujet là. Et Allah pour continié envoye la révélation lors bane madames, et z'enfants et Insha-Allah Li pour envoye So révélations aussi lors bane missiés aussi. Alhamdolillah. L'humanité en danger. Toutes sortes de calamités pour continié vini. Alors mo conseils à tous bane dimounes ki pé entendre et pé lire ça message là, pour nous unir nous ensam comme ène sel famille, nu arrête ridiculise nu bane camarades et pour propage l'amour pour nu prochain, nu attache nu fermement avec l'unicité de Dieu et nu pas faire Dieu en colère avec nu. Allah récompense toujours nous bane z'éfforts et qui Allah donne nous tous la paix intérieure et la paix extérieure. Ameen.