بسم الله الرحمن الرحيم

 

 

Khutba Jummah

 

HADHRAT AMIR’UL MUMINEEN MUHYI-UD-DIN

 

Munir Ahmad Azim


30 Mai 2014 ~

(30 Rajab 1435 Hijri)

 

 

(Résumé Khutba)

 

Après ki li fine souhaite « Assalamoualaikum Warahmatullah Wabarakaatouhou » à tous so bane disciples (et tous bane musulmans) entier le monde – en mentionnant bane l’Iles avoisinants, l’Inde, Kerala, Trinidad et Tobago etc. – Hazrat Muhyi-ud-Din (atba) fine commence so Khutba avec Tashahhud, Ta’uz, Surah Al Fatiha, et ensuite li fine dire:

 

 

 

 

 

Réplique à bane Ahmadis foutère désordre dans Kerala. Comme le Khalifatullah de sa l’époque là, mo pé dire ou plusieurs fois et mo pé ré-dire ou ki Allah pas fine néglige sa le monde là de nos jours. Li fine établi le Jamaat Ul Sahih Al Islam. Oui, c’est Li-même ki fine envoye ene homme de parmi ou même, sa humble serviteur ki parmi ou-même, ki assize ensemble avec ou, ki converse avec ou et ou sanssé (ena beaucoup la chance) ki ou pé vivre dans ene l’époque kot la grâce divine pé descendre du ciel couma la pluie pé tombé dans ene situation de la sècheresse.

 

Mo demande tous bane ki fine croire dans moi, zot bane dimounes heureux ki pé vivre dans l’époque ene prophète d’Allah, alors prier beaucoup, établie la fraternité et récite beaucoup le Darood Shareef ki ene excellent moyen pour acquérir la fraternité. Pas faire tous sa là par routine ; prend en considération bane grands bienfaits ki nous bien-aimé prophète Hazrat Muhammad (saws) fine enseigne nous et ou pour recevoir bane fruits délicieux de l’exaucement de ou bane duahs.

 

Prend l’exemple de la bataille de Uhud, après ki bane musulmans fine subir ene défaite partielle parceki certains bane musulmans fine désobéir ene l’ordre du Saint Prophète Hazrat Muhammad (saws). Hazrat Muhammad (saws) ti place zot dans ene l’endroit lors ene colline et fine dire zot faudré pas zot bouger dépi là sans aucaine prétexte, mais kan zotte fine trouver ki l’ennemie pas pé vine dans zot direction pour attaquer, zot fine penser ki l’ordre ki le Saint Prophète (saws) fine donné pour pas bouger là, li pas applique ici sa. Alors, zotte abandonne place ki le Saint Prophète (saws) ti place zot. Si bane musulmans ki ti place zot dans sa place là (colline là), zot ti montré l’obéissance strictement au prophète Hazrat Muhammad (saws), pas ti pou ena aucaine défaite. Nous bizin trouve sa l’importance discipline kan montré l’obéissance envers ene prophète d’Allah. Pou trouve bane succès, bizin montré ene l’exemple de dévouement et de soumission et de l’obéissance totale avec le Choisi d’Allah.

 

La vérité pou triomphé et encore ene fois le soleil de l’Islam fine lever tout comme la première fois avec l’arrivée de Nabi Kareem (saw). Sa soleil là pou monte au Zénith dans tout so splendeur comme auparavant. Le ciel pou capave faire ene retard dans la victoire mais nous bizin, Sahih-al-Islam bizin faire boucou zéffort dans domaine de la spiritualité et faire bane grands sacrifices lors nous bane di biens et sacrifices, nous bane loisirs. Pense bien et pas décourager di tout ; avant la victoire de l’Islam nous bizin souffert boucou de bane humiliations et de disgrâces. La renaissance de l’Islam exige ene grand sacrifice de nous. Ki sacrifice sa ? Mort dans la voie d’Allah et so l’enseignement divine et la vie de l’Islam pou dépende de sa la mort là.

 

Jusqu’à azordi boucou insultes, caricatures malpropres et mensonges encore pé dire lors nous bien-aimé prophète (saws). Est-ce-ki le temps pas fine vini kot Allah (swt) fine envoye So humble serviteur et bane grand disciples sincère dans sa l’époque pou lever maintenant, pou riposter et ferme la bouche bane menteurs? Est-ce-ki nous pou laisse bane mécréants continuer diffame nous bien-aimé prophète (saws) et induire le monde entier en erreur? Si nous laisse sa comme sa, alors c’est nous ki pou responsable devant Allah (swt).

 

Avec full connaissance ou pé tolère tous bane l’attaque ki pé faire contre l’Islam, le Saint Prophète (saws) et le monde pé prend sa bane là comme véridiques. Mo désir le plus ardent, kot ena ene quitchose ki obsède moi, ene pensée ki pé faire vibration dans mo le corps entier, ki Allah (swt) donne moi sa courage et la force là, kot mo envie élever bane musulmans en général, bane Ahmadis en particulier dans zot l’état dégradants pou mette zot dans la voie d’honneur et mo envie ki le nom du Saint Prophète (saws) répande dans quatre coins de l’univers et chaque dimoune prononce so nom avec respect et faire so éloge et mo envie rétablir le règne, vraie l’enseignement du Quran Shareef lors la terre. Mo dire ou sincèrement ki chaque fibre de mo le corps, chaque souffle de mo l’âme consacré à sa tâche là, Insha-Allah. Péna aucaine puissance au monde pou capave barre moi dans sa chemin là.

 

De nos jours boucou bane peuples fine plonger dans bane ténèbres de l’infidélité et de l’idolâtrie. Nous bizin faire boucou duah pou ki l’amour de sa plus grand bienfaiteur de l’humanité, Hazrat Muhammad (saws) pénétré dans zot le cœur avant ki la grande malédiction tombe lors tous bane l’idolâtrie. Mo faire boucou duah, ki Allah (swt) accomplie mo plus grand désir ki l’Islam, Jamaat Ul Sahih Al Islam vite répande dans tous les coins du monde et rallié zot tous bientôt sous la bannière d’ene seul Dieu Unique. Nous tous bizin prier pour le Takbir « Allahu Akbar » rézonner dans tous bane coins du monde. Kan nous dire nous croire dans Allah So envoyé, sa pas bizin être bane paroles insincère mais bizin vine au fond de nous lé cœur.

 

Ene vrai croyant bizin subir bane épreuves bien dure avant ki li gagne pleinement bane grâces de so Créateur. Pli bane épreuves là dure, pli so bane récompenses pou bien grands. Bane fidèles ki fine établi zot lors le Taqwa (la piété) bizin pas hésiter pou faire bane sacrifices financier pour répandre le Sahih al Islam dans quatre coins du monde et même li bizin prêt pour sacrifier so l’honneur, so le temps, so la vie pou la cause de Sahih al Islam.

 

Azordi jour, dans tous bane continents du monde bane missionnaires de différents religions pé amène ene bataille kot zot capave fini Islam. Bane musulmans fine considère le Quran Shareef comme ene livre fermé, mais grâce à bane faveurs et bénédictions de nous bien-aimé prophète (saws), le Messie Promis du siècle passé Hazrat Mirza Ghulam Ahmad (as) – ki la paix et bane bénédictions d’Allah lors zot – et dans sa siècle là, avec la venue de sa humble serviteur d’Allah, le Khalifatullah, le Quran Shareef fine maintenant ré-ouvert pour tous le monde et surtout bane musulmans et en particulier bane Ahmadis kot pé gagne bane grands connaissance dans sa livre sacré ki ti reste fermé pendant longtemps. Personne au monde pas capave soulève ene objection quelconque ki l’Islam ki péna bane arguments valables pour réfute zot dans le Quran Shareef même. Le monde capave employe tous zotte la force contre l’Islam mais laisse mo rédire zot encore ki sa religion l’Islam là pour sorti vainqueur. Le soleil et bane zétoiles capave change zot parcours, la terre capave arrête tourner mais personne au monde pas pou capave arrête la marche victorieuse de l’Islam. Bane l’heures de joie et réjouissance pé faire nous comprend ki ena aussi bane grandes responsabilité ki pé présent lors nous zépaules.

 

Couma mo fine dire au commencement pour la victoire de l’Islam sakaine bizin prêt pour sacrifier tous, et surtout ou liens avec le Khalifatullah bizin bien fort et solide ki aucaine l’attaque, combien puissante li capave puissante contre le Khalifatullah, bizin ki sa lien avec le Khalifatullah là pas casser ditout. Ou bizin bien ferme et reste ferme dans ou bai’at ki ou fine faire avec le Khalifatullah. Pense bien ki ou fine faire le serment d’allégeance. Cela veut dire ki tout ou bane propres désirs pas compter pour rien maintenant. C’est lors la main d’Allah ki fine faire sa serment là – le bai’at couma Allah (swt) dire Li-même: « La main d’Allah ti trouve lors zot la main. » Maintenant qui cène là envie retire zotte de la main d’Allah et mette zot la main dans autre ki Allah ?

 

Mo pou dire ou trois kitchoses. Kan ou dépense ou l’argent pour la cause ou dans chemin d’Allah :

 

(1) Au moment ou pé dépenser et faire Khairat (bon action) ou bizin faire sa avec lé cœur content, avec l’amour pour Allah ki ou pé dépenser pour le plaisir d’Allah et non pas ou dépenser avec ene lé cœur serrer, lourd, un peu hésiter ou sois thic-thické pour dépenser, attention nous vine misère.

 

(2) Pas penser kan ou dépenser dans le chemin d’Allah, ki en retour ou bizin gagne quelque chose ou sois ou attende ene quitchose en échange. Au contraire, penser ki Allah (swt) fine donne ou sa l’occasion là pour faire du bien dans So chemin et zot bizin bien ena reconnaissance envers Allah kot Li fine choisir ou parmi tants de créatures ki vive dans sa le monde là. Ki qualité ou chancé ki Allah fine choisir ou tousél pour faire sa.

 

(3) Céki ou donner dans le chemin d’Allah bizin Halal pas Haram, avec ou propre la sueur. Comment nous pou capave rendre grâce et reconnaissance envers nous créateur ?

 

Ene Masjeed li la maison d’Allah et nous bien-aimé prophète (saws) fine dire : Celui ki érige ou construire ene  maison d’Allah lors la terre, Allah pour construire ene la case pour li dans paradis. La construction d’ene mosquée li ene premier pas vers l’exaltation et la glorification et la propagande Islamique dans tout bane coins du monde. Sans sa péna aucaine unité parmi nous Jamaat Ul Sahih Al Islam. Nous bizin prier avec ferveur la victoire de l’Islam dans tous le pays du monde et kot le Jamaat Ul Sahih Al Islam fine établi officiellement kot li très très important pour nous ena nous Masjeed dans sa bane pays là. Tous pays kot le Jamaat Ul Sahih Islam fine établi bizin coopéré et contribuer pour construire nous Masjeed dans sa bane pays là. Par la grâce d’Allah dans Kerala le Amir Jamaluddin Sahib de Juridiction Sud fine donne ene portion terrain et bâtiment, kot fine reconstruire le bâtiment en ene centre, Masjeed, Librarie kot faire le travail et bane fonctions Jamaat. Alhamdulillah et mo fine demande le Amir Jamaat de Juridiction Nord Dr. Tahir Sahib pour cherche ene terrain pour construction ene mosquée/centre, et Insha-Allah, à Delhi aussi kot Mukarram Fazil Jamal et dans Tamil Nadu kot nous frère Sadiq Ali Sahib (et mo bane les autres disciples bien dévoué de Tamil Nadu). Même si pour le moment zot la caze fine transformer en Masjid, mais Insha-Allah, dans sa bane l’endroit là, nous Jamaat pou ena so bane centres et Masjids. Bane travails et sacrifices ki zot pé faire, Insha-Allah, Allah pou mette so souffle là-dans et pou fer sa bane grand succès dans l’avenir.

 

Dans Comores grand portions terrain Jamaat Ul Sahih Al Islam fine gagné par la grâce d’Allah et dans ene village kot ene village so bane habitants et le Maire fine prend le bai’at avec moi en Juin 2013 et en mo présence moi et ene membre bien dévoué du Jamaat Ul Sahih Al Islam fine construire ene ti Masjid et Madrassa et Insha-Allah dans Moroni aussi, mo pou bizin aller et pose premier pierre et construire ene Masjid.

 

Par la grâce d’Allah, le Jamaat Ul Sahih Al Islam ena ene terrain dans Petite-Terre, Mayotte. Mo visite à Mayotte, mo fine pose premier pierre lors terrain pour construction Masjid et fine barre la cour là – ½ arpent et faute d’argent, le travail pas pé alle vite pour capave fini pou ki nous bane frères et sœurs faire zot Namaz, Jummah, Madrassa et d’autres programme là-dans – et toujours dans Mayotte à Grande-Terre, Jamaat Ul Sahih Al Islam fine gagne ene grand terrain et plan construction Masjid, Madrassa, Librarie, Mission House et Hall fine approuvé et tous documents fine fini envoye moi, mais jusqu’à maintenant pas capave faire nannié, ni même ene ti Ibaadat Khana en bois.

 

Dans la Réunion aussi Jamaat enregistré officiellement et bane membres éparpiller partout, pas encore trouve ene place, ene terrain pour acheter pour construction ene ti Ibaadat Khana, ni bane membres pas encore trouve ene maison à louer pour faire Ibaadat et kot ene membre du Jamaat pé capave faire Jummah malgré so la caze petit, mais so lékaire grand, mais problème bane membres bien loin.

 

Dans Madagascar aussi par la grâce d’Allah Jamaat fine enregistré officiellement, pé capave faire zis Jummah dans ene tipti la caze en bois kot ene membre du Jamaat ki bien pauvre et là-bas aussi bizin trouve ene terrain acheter et construire nous Masjid.

 

Dans Rodrigues par la grâce d’Allah, mo fine réussi acheter ene ti portion terrain, mais pas encore faire aucaine construction, et nous ena dans bane les autres pays kot ena bane chercheurs de vérité fine prend le Bai’at et en contacte avec moi, mais Jamaat pas encore enregistré officiellement – bizin enregistré avant et après pour sa bane pays là aussi bizin ena construction et achat terrain.

 

Sans oublier, apart achat terrain et construction, nous ena publication bane livres, Al-Azim-Tafsir-ul-Quran etc. Et aussi pour bizin forme nous bane missionnaire kot bizin ene l’école missionnaire, ene Dar-ul-Uloom, ene Dawa Academy et puis pour envoye bane missionnaires dans sa bane différent pays là. Donc, la vérité c’est ki nous pas capave prend bane repos tanque ki ene Masjid pas construire au moins dans sak pays kot le Jamaat Ul Sahih Al Islam officiellement enregistré et kot bane membres pé gagne beaucoup problèmes pour Jummah, Namaz, activité Jamaat, Madrassa etc. Nous bizin ena sa grand tracas là aussi pou capave faire beaucoup duah, zéffore kot Insha-Allah, Azaan donner 5 fois par jour dans tous sa bane pays là pour la grande victoire de l’Islam.

 

Mo espérer ki tous bane membres de Jamaat Ul Sahih Al Islam dans 4 coins du monde faire zot ene devoir pour suivre bane directives de sa humble serviteur d’Allah, là-dans même pour ena bel récompense et pour ena la grande victoire de l’Islam, Insha-Allah. Ameen.

Écoute le Khutba Jummah du Khalifatullah Munir A. Azim en intégralité (Audio)