بسم الله الرحمن الرحيم

 

 

Khutba Jummah

 

HADHRAT AMIR’UL MUMINEEN MUHYI-UD-DIN

 

Munir Ahmad Azim

21 Novembre 2014 ~

(27 Muharram 1436 Hijri)

 

 

(Résumé Khutba)

 

Après ki li fine souhaite « Assalamoualaikum Warahmatullah Wabarakaatouhou » à tous so bane disciples (et tous bane musulmans) entier le monde – en mentionnant bane z’Iles avoisinants, l’Inde, Kerala, Trinidad et Tobago etc. – Hazrat Muhyi-ud-Din (atba) fine commence so Khutba avec Tashahhud, Ta’uz, Surah Al Fatiha, et ensuite li fine dire:

 

 

 

 

 

Mo pas conné couma pou remercier mo Créateur, parski Li sans cesse augmente mo bane connaissances lors sa sujet là (Lé Cœur) et aujourd’hui, Alhamdulillah Summa Alhamdulillah mo contigné mo Khutba Jummah, lors bane remèdes pour bane maladies du cœur, et mo commence tout d’abord par façon pour préserve nous lé cœur contre l’attaque de Satan (Shaïtan).

 

Shaïtan crée bane doutes dans lé cœur ; donc bane croyants bizin éloigne sa bane doutes là avec Zikr (mazine) Allah Ta’ala. Faudé pas zot prête attention à sa bane doutes et distractions là. Bane doutes et bane distractions zot bane instruments de Satan ki li insufflé dans lé cœur de bane croyants.

 

Fine rapporté dans ene Hadith ki Shaïtan pou vine vers zot et pou dire: « Ki sanlà fine créé ou ? » Sa dimoune là pou réponde : « Allah fine créé moi ». Shaïtan pou alors demandé: « Ki sanlà fine créé Allah? » Si sa question là installe li dans lé cœur kikaine, alors li bizin dire: « Mo fine gagne la foi dans Allah et dans So Messager (saws). Alors sa pensée là pou aller. » (Mousnad Ahmad).

 

Le Messager d’Allah (saws) fine dire aussi: « Deux kitchoses prend l’effet lors lé cœur. Premièrement, l’effet par bane anges sous forme de la vérité et de la vertu ; sa li vine de Allah Ta’ala. Bizin remercier Allah Ta’ala pour ene tel l’effet. L’autre c’est de nous l’ennemi sous forme de rejette la vérité et évite bane actes vertueux. . Celui ki conne sa bane l’effets là bizin demande protection Allah contre Satan le maudit. » Le Messager d’Allah (saws) fine ensuite récite sa verset suivant là d’ene façon pou soutenir sa Hadith là: « Satan promette ou la misère et ordonne ou alle vers la honte. Allah promette ou So pardon et So faveur. Pouvoir Allah vaste et Li conne tout. » (Al-Baqara 2: 269). » (Musnad Ahmad).

 

Nous pou obtenir le salut Jour Qiyâmah seulement si nous lé cœur pur de tout bane mal, bane maladies et bane Ghairullah (kitchoses ou dimounes en dehors d’Allah).

 

Allah (swt) enseigne nous supplication (dua) ki Hazrat Ibrahim (as) fine faire avec Allah Ta’ala: « Pas mette la honte lors moi, jour résurrection, jour kot ni l’argent ni zenfant pou utile. (Pou profiter) seulement celui ki vine kot Allah avec ene lécoeur pur. (Ash-Shu’ara 26: 88-90). Allah Ta’ala fine dire après ki li fine fer éloges Hazrat Nuh (as) : « Parmi bane ki ti suive li (Nuh), ti ena Ibrahim. En effet, li ti approache so Maître avec ene lécoeur pur. » (As-Swaffat 37: 84-85).

 

Dans l’Islam, ene lé cœur pur c’est sa lé cœur ki pur de tout bane Shirk (associé bane les autres partenaires avec Allah), doute, distraction, la haine, jalousie, tromperie, et malhonnêteté. C’est ene lécœur ki sacrifié so propre bonheur pour bonheur de bane les autres, c’est ene lé cœur ki pas esclave de so bane passions (nafs).

 

Le Messager d’Allah (saws) fine dire: « Celui ki ena l’équivalence d’ene la grain la moutarde d’orgueil pas pou rentre dans paradis (Jannah). » Ene dimoune fine demandé: « L’homme content ki so l’habillement bon. » Le Messager de Allah (saws) fine réponde: « Allah Joli. Li content la beauté. L’orgueil c’est le rejet de la vérité et pou refuse pou ena mépris et pou maltraite les autres. » (Muslim).

 

Quatre organes zot bane organes principale de lé corps humain:

1. Lizié

2. La langue

3. Lé cœur

4. Désir

 

De ce fait, pour garde ene contrôle lors zot bane liyeux, guette seulement bane kitchoses ki licite (halal). Pas jette zot regards lors bane kitchoses illicites (Haraam). Garde ene contrôle lors zot la langue, pas bane tel kitchoses ki pas trouve dans zot lé cœur. Garde ene contrôle lors zot lé cœur, faudé pas ena là-dans la haine, jalousie et méchanceté contre bane les autres musulmans. Garde ene contrôle lors zot bane désirs. Pas laisse zot attiré par bane mauvais kitchoses. Si zot pas possède sa quatre qualités là, zot pou être privé de la vertu et zot pou le plus malheureux. Allah (swt) dire dans Quran: « Paradis pou rapproché avec bane ki ti suive chemin droite : li pas pou loin de zot. Voilà séki ti promette à tout parmi ou ki répenti et ki garde so engagement, ki crainde le Tout Miséricordieux, même si Li pas divant li, et ki vine avec ene lécoeur soumis.  » (Qaf 50: 32-34).

 

Ene lécoeur soumis c’est ene lé coeur rempli de sincérité et ki continuellement occupé avec l’obéissance à bane commandement d’Allah Ta’ala.

 

Dans Quran Allah fer éloge de bane dimounes vertueux et pieux et Li fine décrire zot sincérité et humilité, et Li cite duah ki zot fer à Allah, comme suite : « O nous Maître! Pardonne-nous, et pardonne nous bane frères ki fine vine avant nous dans la foi; et pas mette aucaine rancune dans nous lé cœurs contre bane ki ena la foi. O nous Maître, c’est Toi vraiment ki pardonner et gagne pitié. » (Al-Hashr 59: 11).

 

Parmi bane signes d’ene lé cœur soumis, pur et en sécurité ena sa signe kot li libère li de l’amour de sa le monde là et de so bane attractions. Kan parfois ou pas gagne plaisir dans ou bane actes d’Ibaadat, alors par sa moyen là, kan li éloigne sa plaisir dans ou Ibaadat, surtout ou Namaz du soir de zot, Allah envie faire zot réalise zot faiblesse et zot bane lacunes et ki zot arrive à réalise zot bane conditions spirituelles. Donc prosterne zot devant Allah et engage zot dans Ibaadat (adoration d’Allah) de sorte ki zot gagne bane faveurs de sa sentiment spécial de douceur (dans ou Namaz/Salat) ki vine de Allah. Allah dire au sujet de Qiyaamah, ki à cause la crainte ki zot pou ressenti, bane lé cœurs de bane serviteurs pieux pou renversé: « Zot redoute sa jour kot bane lé cœurs et li yeux pou renversé. » (An-Noor 24: 38).

 

A cause l’étendu de la terreur, l’horreur, confusion et perplexité ki le Jour de la Résurrection (Qiyaamah) pou dévoilé, alors lé cœur pou déchiré et li yeux pou éclater.

 

« Averti zot (O Prophète) de sa jour ki pé approché là, kan bane lé cœurs pou remonte ziska la gorge, rempli avec frayeur (ou l’angoisse). Bane injustes pas pou ena ni camarade, ni intercesseur ki pou écoute zot. » (Al-Momin 40: 19).

 

Qiyâmah aussi appelle « Yaum-e-Azifah » (Le Jour ki pé approché), parski li bien proche. Sa jour-là bane lé cœurs pou étouffé à cause confusion, la peur et l’inquiétude ki vine de l’existence (et prononciation) même de sa jour ki pé approché là.

 

Allah dire: « Sa jour là, bane lé cœurs pou tremblé, tandis ki li yeux pou baissé. » (An-Nazi’at 79: 9-10); ce qui signifie ki bane cœurs pou dans la peur, l’inquiétude et la confusion. Hazrat Umar (ra) fine dire: « Si j’avais de l’or de l’ampleur de ce monde, je l’aurais donné en charité afin d’être sauvé de l’atrocité du Jour du Jugement. » (Traduction : Si mo ti ena l’or de l’ampleur de sa le monde là, mo ti pou donne li en charité afin pou être sauvé de l’atrocité du Jour du Jugement).

 

Par la grâce immense d’Allah (swt), mo termine mo Khutba Jummah d’aujourd’hui lors sa sujet là. C’est ene sujet très vaste, et Insha-Allah, si mo Rab donne moi de nouveau l’occasion plus tard pou continuer lors sa sujet là, Insha-Allah mo pou contigné plonger dans sa l’océan de connaissance là pou fer zot mieux comprend nous lé cœur et so relation avec Allah. Insha-Allah. Mo termine avec sa bane supplications (duahs) à nous Rab (Allah):

 

Ô mo Rab, pas faire nous de parmi bane ki pas peur Toi. Ni parmi bane ki néglige To Zikr (ki néglige rappelle Toi).

 

Ô mo Rab, sauve nous lé cœurs de l’hypocrisie, nous bane actions de Riya (l’ostentation) et fierté, nous la langues de mensonges, et nous li yeux de l’abus de confiance, car To conne tout li yeux traitre et secrets de bane lé cœurs.

 

Ô Allah, Ô Contrôleur de bane lé cœurs, garde nous bane lé cœurs ferme lors To Deen.

 

Ô mo Rab gagne pitié de nous et de tous bane musulmans, mo Jamaat Ul Sahih Al Islam; éloigne-nous de bane l’ennemis, bane épreuves, bane malheurs et bane souffrances. To tousel capave sauve nous de tout sa. Personne d’autre sauf Toi pou capave éloigne sa de nous. Aide-nous contre bane non-croyants et zot bane plans.

 

Ô Allah, ramène-nous à To joli Deen (Islam) avec ene confort et plaisir absolu. Ameen.

Écoute le Khutba Jummah du Khalifatullah Munir A. Azim en intégralité (Audio)