بسم الله الرحمن الرحيم

 

Khutba Jummah

 

HADHRAT AMIR’UL MUMINEEN MUHYI-UD-DIN

 

Munir Ahmad Azim


13 Juin 2014 ~

(14 Shabaan 1435 Hijri)

 

 

(Résumé Khutba)

 

Après ki li fine souhaite « Assalamoualaikum Warahmatullah Wabarakaatouhou » à tous so bane disciples (et tous bane musulmans) entier le monde – en mentionnant bane l’Iles avoisinants, l’Inde, Kerala, Trinidad et Tobago etc. – Hazrat Muhyi-ud-Din (atba) fine commence so Khutba avec Tashahhud, Ta’uz, Surah Al Fatiha, et ensuite li fine dire:

 

 

 

 

 

اِنَّ السَّاعَۃَ  لَاٰتِیَۃٌ  لَّا رَیۡبَ فِیۡہَا وَ لٰکِنَّ  اَکۡثَرَ النَّاسِ لَا یُؤۡمِنُوۡنَ ۝

‘Innas-Saa-’ata la-’aatiyatul laa rayba fiihaa wa laakinna ‘aksaran-naasi laa yu’-minuun.

« Certainement L’Heure (Qiyamat – le Jour du Jugement) sans aucun doute pour vini mais beaucoup dimounes pas ena croyance là-dans. » (Ghafir 40 : 60).

 

De nos jours nous remarquer ki le temps pé passe très vite et toutes sortes de problèmes pé surgir. Nous pé subir changement de la nature et changement dans l’attitude et comportement humain.

 

Consékaman, nous pé vine inquiet lors séki pou capave arriver demain. Quand nous analyse la situation, nous trouver comment le monde pé dégrader et alle à la dérive : ena l’hypocrisie, soif du pouvoir, la guerre, persécution contre bane faibles, l’infidélité et la bestialité, atrocités, la complicité et la tolérance masquée pour bane crimes contre l’humanité, etc. De l’autre coté, dans bane proportions alarmantes et incontrôlables, ena bane calamités de la nature : chaleur, sécheresse, incendies, inondations, famine, maladies étranges, tremblements de terre, cyclones, et bane lézot catastrophes.  Sa tendance-là amène nous à penser sipa pas ena kit nouveaux cataclysmes en vue ? Kan la nature pé inflige lors nous bane tels sanctions, alors sa veut dire ki li pé rode donne nous ene message. Mais malheureusement, nous pas pé comprend parski couma la situation pé aller et pé présenter dans le monde, la spiritualité pas ena so place dans ene lé monde en décadence.

 

Dans Quran Shariff, Allah (swt) fine dire ki l’univers pas pou exister éternellement et ki de temps en temps bane évènements et bane signes pou annonce l’approche vers la fin de l’univers. Li donc nécessaire pour nous vine impé conscient de sa bane signes là afin ki nous capave médite lors zot et par la suite consolide nous Iman (la foi). À travers sa bane séries Khutba Jummah ki mo pou faire lors sa sujet là, ou pou capave réaliser ki tous bane messagers d’Allah et même sa humble serviteur d’Allah ki devant ou, ena ene connaissance profonde de l’invisible (Ilm-e-Ghayb), et ou pou remarquer ki plusieurs de bane prédictions ki fine faire, ena ene bon partie fine déjà réaliser Alhamdolillah, Soumma Alhamdolillah et ene croyant bizin ena Iman ki bane les autres signes ki fine annoncer, coûte que coûte, pou arriver, par la grâce infini d’Allah.

 

En passant mo raconte zot ene ti anecdote ki concerne nous ti l’ile Maurice ki ti passer quelques mois de cela. Zot tous conner ici (à Maurice) ki Partie Mouvement Militant Mauricien ti alliée li avec le Mouvement Socialiste Mauricien dépi l’année de 2011 si mo pas trompé, et pou faire le remake 2000 et zot fine travaille ensemble et fine dénonce sa Gouvernement PTR et PMSD de tous bane scandales, fraudes, corruptions, vole, violes etc. et le Gouvernement PTR et PMSD fine perdi tous zot crédibilité. Le peuple entier fine dégoûte zot complètement et avec élection générale ki bizin ena lieu en l’année 2015, kot tous conner (à sa l’époque là) ki le remake MMM/MSM ti pou capave balyé caro, remporte élection. Pas mal de meeting fine faire à travers le pays pour dénonce sa Gouvernement actuelle là. A sa l’époque là (quelques mois de cela) kan tous ti pé marche extra bien entre les deux parties, Allah (swt) montré moi dans ene rêve le 7 Janvier 2014 ene pavillon MMM/PTR ensemble pé flotter et le matin mo raconte sa mo la famille et aussi mo bane disciples ici à Maurice. Ena pé dire moi non, li impossible ki le leader MMM alle faire ene alliance avec PTR de Navin Ramgoolam, et alors mo fine reste tranquille.

 

Après ki nous fine trouvé ? Au commencement, les 2 leaders MMM/MSM ti célébré zot l’anniversaire ensam, photos lors journal. Sakaine pé faire zot camarade mange gâteau et sakaine fine faire éloge sakaine so camarade. Le lendemain 15 Avril 2014 ki ou alle trouve problème entre MMM/MSM. Mercredi le 16 Avril 2014 Manifestation de bane Militants contre zot leader MMM, fine traite li toute sortes de nom pou montré zot colère ki fine annule Meeting 1er Mai ki la fiche, banderole partout à travers le pays fine coller, mobilisation dans tous l’endroits pour vine dans Meeting le 1er Mai, et voilà ki le leader MMM annonce so séparation avec le MSM. Tous les Mauricien fine chocké par sa et plusieurs fine causer lors Radios privées pé montrer zot colère et ki zot pas d’accord avec sa façon ki le leader MMM fine faire là et Jeudi le 17 Avril 2014 voilà ki le Leader de l’opposition et MMM alle rencontre le Premier Ministre Dr. Navin Ramgoolam, supposément lors la reforme électorale; hier sakaine ti pé critique zot camarade et environ plisse ki 80% le peuple de l’ile Maurice ti content ki prochaine élection faire sa Gouvernement dominère et plein de scandales là aller, et li-même le leader de l’opposition et de MMM fine lutter et fine dénonce tous sa bane magouilles, scandales là etc.

 

Jeudi le 17 Avril 2014 devant camera, et devant tout la presse ou trouve le leader de l’opposition et MMM et le premier ministre serre la main ensemble, fine discuter et causer avec bane zoli sourire pendant 3hrs de temps. La plupart mauriciens fine bien encolère contre le leader de l’opposition et MMM et l’année dernière 2013 dans sa mois de Janvier-Décembre tous ti pé faire so éloge et prier pour li et sa l’année là ou tende sa qualité insulte là.

 

Si sa bane insultes là ti capave faire mort, bé li ti pou bizin trouve so la mort avec sa bane qualité insulte là. Et tous la presse fine fini publié ki ene l’alliance fine fini signé entre PTR et MMM.

 

Séki mo pé rode faire ou comprend séki Allah (swt) montrer So serviteur choisi li ena connaissance profonde de l’invisible (Ilm-e-Ghayb). Allah fine montré So serviteur séki pou arriver dans le future, surtout kot dimounes pou impossible croire là-dans et kot tous pé déroule normale. Alors bane kitchoses ki Allah (swt) montré So serviteur choisi et quand li annoncer, définitivement bizin réaliser, bizin arrivé même ou pas trouve li toute de suite, li capave prend so le temps, mais li pou arriver. C’est promesse Allah ki Li faire avec So Serviteur Choisi sa.

 

Donc, bien souvent bane croyants, kan Allah (swt) tester zot par sa et zot pas pé trouve nannié de séki fine prédire, zot découragé kot zot perdi la foi complètement, l’heure là même zot quitter zot aller et zot dire « Allah et So prophète fine promette nous seulement déception », couma Allah (swt) fine mentionné dans Quran.

 

Et aussi si ena fine accepter la vérité ki vine de côté d’Allah et zot pas pé trouve, ni gagne récompense de la part d’Allah, kot zot trouver ki zot plutôt pé passe par beaucoup plisse difficultés, zot la vie vine pli dure kot zot trouve zot bane proche et camarade boycotte zot, persécute zot et kan zot guette bane les zot ki fine refuse accepter la vérité dans bien, sans aucaine tracas, kot zot la vie pé paraitre heureux, rice-cooker dans la caze, machine laver, 2 ou 3 l’auto dans la cour, zot (sa bane croyants ki dans chemin pou perdi la foi) dire « Plutôt sa bane là même ! » ; zot décourager et senti zot pé touffé dans la vérité, zot aller et kan zotte aller, zot pas reste tranquille aussi, zot faire désordre, rode dévire bateau Allah. Bane ki fer sa croire ki kan zot rode dévire bateau Allah, alors ki zot pou sain et sauf. Au contraire, zot même zot pou alle noyer, et en plisse de sa zot empêche lézot pou vine écoute la vérité ki vine de Allah (swt) à travers So bane serviteurs choisi.

 

Donc, li très important ki nous bizin ena croyance lors existence ene l’autre la vie après la mort, pas ene la vie temporaire, mais ene la vie permanent kot tous dimounes gagne le vrai résultat de zot bane actions. Bane juges ici lors la terre faire zot jugement d’après zot connaissance ki bien limité. Alors penser commié important li important ki Allah (swt), le Juge Suprême ki ena connaissance de l’invisible et du visible donne le vrai jugement d’après actions sak dimoune.

 

Duniya li ene Dar-ul-aamal, c’est-à-dire, ene place kot dimounes faire Aamal (action) et Aakhirat li ene place kot gagne Jaza (récompense ou punitions), c’est-à-dire, Dar-ul-Jaza. Excepté bane ki ena Iman et ki faire bane bonnes actions, pou zot ena récompense sans fin. Pou ou comprend sa pli bien, le plus grand juge des juges dire dans Quran Shareef:

 

« Excepté bane ki gagne la foi et faire le bien, parski sa bane là pou gagne ene récompense sans arrêt. Pou ki raison, après sa, to refuse accepter ki pou ena jugement ? Eski c’est pas Allah le plus sage des juges ? » (At-Tin 95: 7-9)

 

Dans bane les autres versets Allah dire :

 

« Sa jour là, dimoune pou sorti séparément, afin ki pou montrer zot séki zot ti faire. Celui ki fine faire le plus petit kantité de bien, pou trouve li là, et celui ki fine faire le plus petit kantité de mauvais, pou trouve li là. » (Al-Zalzala 99: 7-9)

 

« Eski bane ki commette de mauvaises actions penser ki Nous pou traite zot pareil couma bane ki ena la foi et faire de bonnes actions, ki zot la vie et zot la mort pou pareil ? Couma zot juge mal ! » (Al-Jathiya 45: 22)

 

« Eski Nous pou traite bane ki ena la foi et faire de bonnes actions pareil couma bane ki faire dézordre lor la terre, et eski Nous va traite bane ki suive chemin droite couma bane ki faire péché. » (Sad 38: 29) 

 

Donc, sa jour là pas pou ena l’injustice et tous dimounes pou gagne ene jugement équitable. Sa jour là c’est Qiyamat. La cause sa même, l’autre nom pou Qiyamat, comme mentionner dans Quran Shariff, c’est Yaum-ud-Deen (Jour du Jugement).

 

Pou azordi mo pé arrête là-même lors sa sujet là. C’est ene sujet bien, bien vaste. Insha-Allah, ki Allah (swt) donne moi le Tawfeeq pou mo continué mo Khutba Jummah lors sa sujet là même, la semaine prochaine. Insha-Allah.

 

Avant mo terminer, mo ouler cause quelques mots lors le Shaabé Baraat ki ene la nuit du milieu de Shabaan, et donc ce soir le 15 Shabaan 1435 Hijri, kot Nabi Kareem Hazrat Muhammad (saws) ti pé passe so la nuite fer beaucoup Ibaadat. Raison pour sa, c’est ki li fine être informé de la part de Hazrat Jibreel (as) ki kan arrive mi-Shabaan, bane actions de l’homme monte vers Allah, et Allah par So Rahimiyyat ki Li ena, Li pardonne beaucoup So bane serviteurs ki répenti beaucoup et fer beaucoup duah pendant sa l’intervalle là. D’après ene Hadith, Nabi Kareem Hazrat Muhammad (saws) fine dire ki au moment ki so bane actions pé présenté devant Allah, alors li préféré ki li dans ene l’état de Roza (jeûne).

 

Dans l’Islam, sak moment de nous la vie li ene moment béni surtout avec l’arrivée d’ene messager d’Allah. Et Allah en plisse de sa, dans sa bane jours de la vie de l’homme là, Li fine fer certains jours encore pli meilleur, couma 15ème la nuite de  Shabaan, le mois de Ramadan kot ena 10 derniers jours couma nous pou rentrer bientôt, kot ena là-dans Laila-tul-Qadr, et aussi bane jours béni de Hajj.

 

Mais selment malheureusement azordi jour bane musulmans pas pé pratique sa bane Farz et aussi Sunnah (couma Shaabé Baraat) couma bizin. Zot fine détourne vrai l’esprit de Shaabé Baraat et fine fer ene tas innovations rentre là-dans. Au contraire, le but de Nabi Kareem Hazrat Muhammad (saws) c’est pou cherche proximité, pardon et miséricorde d’Allah pendant sa la nuite là, et non pas fer ene festin et invente ene tas bane lézot pratiques non-islamiques avec sa. Bane musulmans de nos jours fine gâte sa bon pratique de Nabi Kareem (saws), parski dans bon pratique, ena toujours de bon, surtout kan ene quelqu’un, surtout nous Aka Hazrat Muhammad (saws) ti pé fer li. Alors mo conseille nous bane frères et sœurs musulmans, malgré ki sa li pas Farz, mais si zot envie garde Roza et passe la nuit pendant la nuite de 15ème Shabaan, alors fer li avec beaucoup de sincérité et de la crainte d’Allah (Taqwa) dans zot lécoeur. Insha-Allah, Allah pou écoute zot bane duahs, et fer zot réussi dans zot bane bons Niyyat.

 

Ki Allah béni zot et éloigne de zot tout bane malpropreté de Shaytan, ki vraiment ene l’ennemi pour dimounes. Ki Allah renforcie zot Iman et aide zot pou reste ferme lors le droit chemin ziska zot dernier souffle lors sa la terre là, Insha-Allah. Ameen.

Écoute le Khutba Jummah du Khalifatullah Munir A. Azim en intégralité (Audio)