بسم الله الرحمن الرحيم
Khutba Jummah
HADHRAT AMIR’UL MUMINEEN MUHYI-UD-DIN
Munir Ahmad Azim
10 Janvier 2014 ~
(7 Rabi’ul Awwal 1435 Hijri)
(Résumé Khutba)
Après ki li fine souhaite « Assalamoualaikum Warahmatullah Wabarakaatouhou » à tous so bane disciples (et tous bane musulmans) entier le monde – en mentionnant bane l’Iles avoisinants, l’Inde, Kerala, Trinidad et Tobago etc. – Hazrat Muhyi-ud-Din (atba) fine commence so Khutba avec Tashahhud, Ta’uz, Surah Al Fatiha, et ensuite li fine dire:
Sans la foi dans Allah (twa), l’homme aveugle. L’essence de tous bane réligions c’est pour réunir l’humanité couma ene seule famille sous la bannière de l’unicité du Créateur de bane les ciels et la terre.
Pareil couma dans le passé et azordi jour, la réligion li pou toujours saki l’homme faire de li ou comprend li, et c’est pourquoi l’homme bizin prend bane grands précautions quant à la façon ki li définir la réligion et la façon ki li pou implémente li, réligion saki vraie là, dans so la vie de tous les jours. La réligion capave vine ene simple pensée si li mal défini et si dimounes pas mette li en pratique. C’est pourquoi Allah (twa) Li-même fine présente l’Islam couma la réligion vivant de l’homme. C’est pas seulement ene réligion, mais li la manière de vivre concréte de l’humanité, et en particulier bane serviteurs dévoués d’Allah. Prend dépi le Prophète Hazrat Adam (as) ziska le dernier de tous bane prophètes porteurs de loi, le Saint Prophète Hazrat Muhammad (saw), la réligion fine recevoir so vrai sens et but : pou accéder à Allah (twa) ; Allah ki Li ene telle nom suprême et absolu de nous Créateur, de nous Bondié, ki aucaine humain fine capave et pas pou capave porter.
L’ISLAM, li le vrai but de la vie, la soumission absolue à ene Bondié ki tous les temps vivant et unique, et l’Islam li la réligion de paix et de l’harmonie ki rassembler l’humanité couma ene seule lécorps dans l’adoration d’Allah, le Tout-Puissant.
Depuis l’aube des temps, depuis le tout commencement, sak fois ki bane démons, bane Shaytanes fine essaye dévier l’homme du droit chemin et pou garde li loin de l’adoration d’Allah, alors Allah, nous Créateur et le Dieu le Tout-Puissant fine à sak fois envoye So bane Élus, So bane prophètes, messagers et réformateurs de la réligion/de la foi afin pou guide l’homme vers le droit chemin, pou enseigne zot bane paroles d’Allah et pou montrer zot bane signes d’Allah (twa), que ce soit en zot-mêmes et dans bane les ciels et la terre afin ki zot capave reconnaite le pouvoir absolu et l’existence d’Allah et pou reste attacher avec So chemin et à la vérité.
De sa façon là, Allah (twa) fine envoye So bane prophètes et messagers avec la guidance en formes de bane révélations divines, et certains de sa bane révélations divines là ti bane la lois ou Écritures ou Livres Divines claires pour guide l’homme vers Allah. Sak fois ki le chemin ki amène dimounes vers Allah fine casser, alors sak fois Allah (twa) élève So Messenger élu pour répare sa chemin ki sans quoi l’homme pas pou capave gagne accès à Allah (twa).
L’Islam li la réligion de tous bane prophètes, la réligion établie et nommée par Dieu Li-même dans le dernier Livre porteur de loi - le Quran, et c’est sa même vraie la réligion de l’homme et c’est l’Islam ki éveille dans l’homme vraie la foi, sa la foi ki pou faire li accéde à la paix et à la tranquillité absolue dans Allah (twa) Li-même.
A cause ki bane l’enseignements ki Allah ti envoyé avant fine changer par la mains de l’homme pour reflécter zot propres pensées lors la réligion et saki bizin mette en pratique ou pas (d’après zot propre décision), donc Allah (twa) fine élève le Saint Prophète Hazrat Muhammad (saw), non pas comme ene destructeur de la foi, mais comme le Messie de la foi, le roi ki fine choisir par Allah Li-même pour ramène l’homme vers Allah, avec le soutien de bane révélations et de bane lois claires ki bane trésors pour l’état physique, moral et spirituel de l’homme.
Le Quran li ene tel livre ki envahir la vie de l’homme si li (l’homme) accepter pou laisse la lumière de so bane paroles et so l’impacte pénétrer li. Bane tels changements bizin produire dans so la vie si il consacré so la vie pou recherche la vérité et pou accepter li. Recherche de la vérité d’Allah li ene kitchose, mais pou accepter li et mette li en pratique li tout à fait ene l’autre zaffaire.
Si l’homme capave établir la réligion, l’homme capave détruire li aussi. C’est pourquoi l’intervention divine ti nécessaire pour montrer à l’humanité vraie réligion d’Allah, afin ki li (l’homme) capave marche lors sa chemin là avec ene certitude et confiance ki aidé par Allah. Ki meilleur nom pour vraie sa la réligion là ki l’Islam – ki veut dire : Soumission à Allah l’Unique dans la paix et la foi?
Bane prophètes et messagers d’Allah, ki li dans le passé, dans le présent et dans le future pou toujours faire la soumission à Allah reste règlement de la vie. Sak fois ki l’homme perdi so chemin, Allah envoye li ene guide pour indique li le bon chemin et même pou enseigne li couma pou rester lors sa chemin droite là ziska ki li réussi atteindre so but, c’est-à-dire, Allah (twa).
Quand l’homme perdi so chemin et fabrique bane les autres significations à la réligion, alors nous Rab ki ena le pouvoir absolu Li envoye So guide avec So guidance, So directives pour faire zot comprend zot erreur et pou reste dans le droit chemin, afin ki zot capave gagne bénédiction pou trouve d’Allah (twa), l’Unique, le but réelle et ki caché, ki zot désirer vraiment accomplir.
Quand bane dimounes fine ajoute bane innovations à la réligion et change bane l’Écritures, bane révélations d’Allah à zot goûts, alors Allah vine anéantir sa bane fausses écrits et sa bane dimounes ki pé fabrique sa aussi, de façon à établir ene fois de plus So royaume et So bane la lois.
Si maintenant l’Islam li vine “sale” à cause de bane dimounes, alors c’est pas l’Islam ki à blâmer ou ki faible, mais c’est bane dimounes là ki à blâmer. Allah trouve donc la nécessité pou envoye encore et encore de fois – et sa ziska le Jour du Jugement – bane tels réformateurs de l’Islam et de l’humanité dans so l’ensemble ki pou incarne véritable l’esprit de la perfection du dernier prophète porteur de loi, Hazrat Muhammad (saw) et de tous bane prophètes d’Allah afin pou montrer au monde la véracité et la pureté de l’Islam.
Ki nous été nous donc, si nous pas bane soumis à la volonté d’Allah ? Si nous pas soumette, nous pou alle vers nous la perte et alors nous pou vine bane proies facile pour bane Shaytanes, ki trouve partout dans sa le monde là et même dans nous-mêmes, kot nous pou laisse nous tenter par zot, kot zot bane tels créatures ki attane moindre ti l’occasion pour nous enlève et prive nous du corps de la vie, c’est-à-dire, nous Créateur, nous soutien à la vie.
Si ene bébé li relié à so maman dans l’utérus grâce à so cordon ombilical, alors nous bizin rappeler ki nous tous, nous connectés à la source de nous la vie, c’est-à-dire, Allah (twa), et sans le lien ki attache nous à Li, alors nous ti pou avorté de la vie. Si nous lé corps li vivant, c’est aussi à cause de l’âme ki reste dans sakaine de nous, ene l’âme ki relié avec Allah et ki attane avec impatience le jour kot li bizin retourne vers Li. Si nous ena de tels âmes (ki connectées à Allah) dans nous, alors nous bane amoureux d’Allah ki ena le désire pou vine près de nous Allah seul. Sinon, si nous laisse nous l’âmes plonger dans bane zaffaires négatifs du monde et si nous laisse bane Shaytanes trompe nous, alors nous perdi l’essence de la divinité ki dans nous, et nous perdi nous l’objectif et même nous l’âme. Nous l’Islam disparaîte et nous vine indignes de titre dimoune ou humain kot nous manque bane qualités humaines ki Allah fine donne nous en premier lieu.
La défaite de bane musulmans dans la mains de bane non-musulmans li attribué à ene seul facteur, kot sa facteur là c’est ki bane musulmans fine arrête vine bane bons musulmans. Ti ena ene l’époque kot tous bane pouvoirs non-musulmans ti pé saisi avec la crainte, la peur et zot ti pé trembler à la simple mention d’ene pouvoir musulman. Aujourd’hui, tous bane pouvoirs musulmans ensemble pas capave faire face à même ene ti l’ennemi non-musulman! Ti ena ene l’époque kot tous bane pouvoirs non-musulmans pas ti pou ozé touche ene pouvoir musulman en raison de la conviction ki bane les autres pays musulmans pas pou indifférents à sa attaque là et pas pou reste les bras croisés sans alle à l’aide de zot frères musulmans.
Aujourd’hui bane musulmans pé batte entre zot-mêmes. Deux nations musulmans enfermé dans ene la guerre féroce, sakaine étant déterminé pou anéantir l’autre et pou détruire séki l’autre là possédé et détenir de plus précieux.
Ti ena ene l’époque kot bane musulmans ti bane porte-flambeaux de l’enseignement et de l’illumination, kot bane non-musulmans ti pé diriger en grand nombres vers bane centres d’enseignement et de recherches Islamiques pou gagne la connaissance. Aujourd’hui, partout dans le monde, “musulman” et “l’ignorance” zot considéré couma deux mots de même sense, pareil couma “musulmans” et “retard” zot également considéré couma deux mots de même sense.
Ti ena ene l’époque kot ene musulman, par crainte d’Allah, ti pé prend grand précaution et sans aucaine doute li ti pé mette en pratique bane commandements Quran et Sunna et ti pé abstenir li pou approche de tout saki fine interdit li par Allah et So prophète. Aujourd’hui, ene musulman non seulement pas pou hésité mais pou même par fierté pou félicite li-même ki li pé gaspille bane millions de dollars, euro, roupies etc. dans bane jeux du hasard au cours d’ene nuit dans bane casinos, en ignorant complètement commandement Quranique ki interdit bane jeux du hasard.
Sectarisme fine prend bane telles proportions horribles ki bane musulmans dispute avec chaleur lors bane points de différences et de désaccords mineurs, dans ene façon tellement violent ki zot pas hésiter pou tire l’épée et toutes sortes de
z'armes et zot répande disang et zot fiers pou laisse disang de zot bane frères musulmans couler.
Croyance dans Allah fine vine seulement lors boute la lèvres parski bane musulmans pas trouve aucaine mal pou alle lors bane tombes de bane saints pour prosterner et pou demande zot pou donne zot bane richesses ou bane zenfants.
Mo capave cite ene la liste entier de bane l’exemples de la dégradation sociale, morale et spirituelle de bane musulmans dans bane derniers jours/temps. Li suffit pou dire, c’est ene période plus pénible dans l’histoire de l’Islam. Le plus grand défi, le plus grand tribulation ki l’Islam zamais fine conné auparavant, c’est le temps ki au lieu ki bane non-musulmans converti à l’Islam, mais c’est le contraire ki pé passé, kot bane musulmans en grand nombre et avec ene rapidité incroyable pé converti dans christianisme.
Sa bane ex-musulmans là, après ki zot fine abandonne l’Islam fine vine bane grands l’ennemis bien violents de l’Islam et zot bane premiers pou attaque l’Islam et zot attaqué avec ene telle la haine ki au-delà de tout description.
Eski Allah pou guette sa bane moments terribles, sa bane grands difficultés et déluge là engloutir et avale l’Islam sans faire nannié pour rédresse sa situation là? Zamais !
Le fait c’est ki, dans l’ensemble de longue l’histoire du monde, le plus grand événement unique ti l’avènement de nous bien-aimé Saint Prophète de l’Islam, Hazrat Muhammad (saw) le Siraj-oum-Munir (la lampe ki donne la lumière). Le Saint Prophète de l’Islam (saw) fine dire:
“Même si reste zis ene seul jour avant la fin du monde, Allah pou allonge sa jour-là et pas pou laisse sa jour là terminer ziska ki li faire apparaîte le Messie Promis et Mahdi.” (Abou Daoud Vol.2 : Kitab-oul-Mahdi)
En d’autres mots, l’apparition du Mahdi li tellement important pour l’accomplissement de l’objectif de la création du monde ki li, certainement, sans aucun doute, bizin paraître avant ki le monde arrive à so la fin.
Par conséquent, si Jamaat Ul Sahih Al Islam et sa humble dimoune ki présent
devant zot là aujourd’hui (le Khalifatullah) nous existé aujourd’hui, c‘est pas sans but. Le fait ki la plupart de bane dimounes du monde fine prend la réligion de l’Islam comme simple badinaze, fine prend li en ridicule, y compris bane soi-disant musulmans ki fine perdi contacte avec véritable l’essence de l’Islam, donc Allah fine révèle et ordonne encore ene nom pour ene telle Jamaat (Communauté) ki pou relance ou faire revivre le vrai Islam. L’Islam li la vraie réligion. Jamaat Ul Sahih Al Islam li pas ene réligion, mais elle li l’instrument ki pou conduire bane dimounes vers vrai l’Islam. C’est pourquoi Allah parmi bane noms ki Li fine révélé pour So Jamaat, fine faire ki Jamaat Ul Sahih Al Islam li pli attirant, parski li la raison d’être de la manifestation divine de sa siècle là, pour ramène bane dimounes vers l’Islam véritable.
Nous ene tipti représentation du Saint Prophète de l’Islam et de so bane compagnons, et nous ena le devoir pou reflécter dans nous zot perfection au meilleur de nous capacités. Le Saint Prophète, nous bien-aimé maître Hazrat Muhammad (saw) ti représente ene monde en li-même ki ti vine pour éclaire sa monde temporaire là avec la lumière d’ene nouveau lizour, d’ene nouvo siècle pour l’unification de l’humanité dans l’adoration d’Allah, l’unique Créateur de bane les ciels et la terre. Si nous pas suive li et nous coupe nous de li et de bane racines de l’Islam ki li fine planté dans le cœur de l’humanité par l’aide d’Allah, alors nous condamnés pou alle à nous la perte. Nous l’oxygène trouve zis dans l’arbre de vie, c’est-à-dire, l’Islam. Le Saint Prophète (saw), l’être sacré, béni fine vini dans l’instant d’ene nouvo l’aube pour faire de sa le monde là et de l’humanité bane z’hommes et femmes de lumière, et pou permette zot pou approche d’Allah (twa) dans l’état le plus pur.
Par conséquent, bane musulmans ena le devoir pou unir et pou arrête vine que de nom. Islam li vivant, et le Khalifatullah de cette époque fine vini dans sa siècle là afin pou faire zot revivre, pou faire zot sorti de zot la mort spirituelle et pou faire zot réalise ki kalité important li important ki nous change sa situation présent là, kot nous : bizin protège nous l’Islam et nous la foi, pour pas faire zot (nous Islam et Imaan) vine ene sujet de plaisanterie par bane Shaytanes de sa lémonde là ki toujours prêts pou démolir nous la foi et nous confiance dans Allah, dans le Prophète Parfait, le Saint Prophète Hazrat Muhammad (saw) et la réligion vivant, l’Islam.
Ki Allah aide et soutenir nous avec So puissance dans nous but pieux, Insha-Allah. Ameen.
