Text Box: بسم الله الرحمن الرحيم     Khutba Jummah   HADHRAT AMIR’UL MUMINEEN MUHYI-UD-DIN   Munir Ahmad Azim 03 Janvier 2014 ~ (30 Safar 1435 Hijri)     (Résumé Khutba)   Après ki li fine souhaite « Assalamoualaikum Warahmatullah Wabarakaatouhou » et « Naya Saal Mubarak » à tous so bane disciples (et tous bane musulmans) entier le monde – en mentionnant bane l’Iles avoisinants, l’Inde, Kerala, Trinidad et Tobago etc. – Hazrat Muhyi-ud-Din (atba) fine commence so Khutba avec Tashahhud, Ta’uz, Surah Al Fatiha, et ensuite li fine dire:           Le devoir faire de l’homme ene kikaine responsable, et la foi retire li de l’aveuglement spirituel. Si l’homme li attaché avec ene doctrine, ene croyance et ene la foi ki en vérité amène li vers so but réel, c’est-à-dire, Allah (twa), alors so devoir li clair; mais si sa doctrine ou sa idéologie là pas fixé bane devoirs pour li, ou ki sa doctrine ou idéologie là li autre ki confiance, croyance et la foi en ene Créateur Tout-Puissant et sans partenaire, alors li pou passe so la vie dans l’incertitude et confusion, ballotté de tout côté et, en fin de compte, li pou vine ene kikaine ki divisé et pas égale.   De ce fait, croyance religieuse li capave transforme l’homme en ene véritable croyant, ki domine so l’égoïsme au profit de so la foi et de so idéologie. Seul la foi capave créer dans li sa ‘dévotion’ et ‘soumission’ là, de telle sorte ki l’homme pas ressenti aucaine hésitation devant bane pli tipti problèmes ki so système idéologique propose li. Ensam, l’objet de so croyance bizin prend dans so lizié l’aspect d’ene bon kitchose ki précieux afin ki, à la limite, so la vie sans sa kitchose là li vine vide, absurde et insensé et ki li protège sa kitchose là avec entouziasme.   En vérité, pas ena aucaine doute ki l’homme li nécessite ene rattachement à ene doctrine ou ene idéologie, surtout pou ene croyant-musulman kot li bizin soumette li à bane exigences de la religion et soumette li à ene Dieu Unique. En d’autres mots, ene croyant musulman bizin pliyé li à l’Islam et li ena bane devoirs à accomplir.   Bane tendances rélizié (religieuse) incite l’homme pou débattre contre so bane tendances naturelles et individuelles et parfois même, pou sacrifier so l’orgueil et so l’existence pour so la foi. Sa li pou possible zis kan l’idéal de l’homme prend l’aspect de sainteté et impose ene souveraineté absolue lors so être. Le pouvoir de la religion, et spécialement celui de l’Islam li tousel capave sanctifier ou purifié bane l’idées et pou impose à l’homme – surtout sa croyant musulman là – so très grand jugement tout puissant.   Li arrive parfois ki bane dimounes, non pas pour ene idéal ou ene croyance religieuse, mais par rancune, vengeance, sous l’impulsion de bane complexes psychologiques ou par réaction à bane pressions et bane injustices, zot dévoué zot à sa bane mauvais sentiments là, dans ene tel façon ki zot alle ziska même sacrifié zot bane dibiens, zot bonheur, et même zot la vie pour sa. Nous trouve bane tel cas dans quatre coins du monde. Mais la différence entre ene acte guidé par l’inspiration de la foi et sa kalité action là c’est ki dans le premier cas la foi guide action là pou réaliser par conviction profond, en accord complet avec celui ki pé accompli li, et dans le deuxième li pé exécute sa action là en réaction à l’effet de plusieurs forces ki pé mette li sous bane pressions énormes et ki en quelque sorte fer li perdi so l’esprit. Si l’homme ti percevoir sa le monde là zis au moyen de so bane senses, alors so bane connaissances ti pou zis théoriques, matérielles et contraires à tout idéalisme humain et social.   Saki sorti en résulta de la conception évident du monde c’est l’égoïsme et non l’idéalisme, si sa idéalisme li pas fondé lors ene conception du monde, kot produit là li sa l’idée là li-même, alors à aucaine moment li pas pou dépasse bane limites de l’imagination et de l’utopie (la réalisation parfait de bane kitchoses). Dans ce cas, l’homme ti bizin construire ene l’univers séparé de bane réalités ki existé dans li et dans so imagination et pou contente li de sa. Mais si l’idéalisme là li vine d’ene croyance religieuse, alors li supporté par ene conception du monde ki so conséquence logique c’est la poursuite de bane l’idées et de bane aspirations (buts) sociales. La foi religieuse li ene l’union amicale entre l’homme et l’univers, ou en d’autres mots, c’est ene sorte d’harmonie entre l’homme et bane aspirations générales du monde. Et la foi ferme en ene Dieu Tout-Puissant ki contrôle l’homme et l’univers tous les deux donne à l’être humain la capacité pou vine en accord avec so propre l’essence, ki sourcé de l’essence divine, le souffle divine dans ene lé corps temporaire, ki zis pour sa le monde là. Quant à la croyance et l’aspiration ki pas rélizié, ki pas fondé lors la religion, zot cause ene certain rupture avec l’univers et le Créateur, et zot fondé lors la construction d’ene l’univers imaginaire en dimoune là li-même ki à aucaine moment pas protégé par le monde extérieur.   La foi religieuse en générale pas prescrire seulement ene série de devoirs à l’encontre de bane incitations naturelles de l’homme, mais li propose aussi ene nouveau visage de l’univers. Li propose dans la structure de l’univers, bane éléments complémentaires pour bane informations ki l’homme capave gagne facilement accès et ki li capave percevoir. Li (la foi de l’aspé religieux) transforme sa univers sévère, froid, mécanique et matériel là en ene l’univers rempli de vie, de sens et de conscience. La foi religieuse change la signification et l’attitude de l’homme face à l’univers et à la création. L’Islam propose ene telle transformation de l’homme qui aide li pou unir avec so l’environnent, l’univers et le Créateur de sa l’univers là.   Ena dans la nature profonde de tous dimounes, ene sorte de tendance ki innée dans li, ki pousse li vers bane réalités sacrées et bane vérités dignes d’adoration, mais malheureusement pas tous bane dimounes ki retrouve le vrai chemin ki pou amène zot vers le but de la création de l’homme, c’est-à-dire, l’adoration d’ene sel Bondié ki Tout-Puissant. Comparé à d’autres religions, l’Islam offert à dimounes bane façons claires ki pou fer li digne pou fer l’adoration de sa Créateur ki fine créer li en parfait harmonie, ki li avec la nature – parski l’homme fine créer avec de l’eau et la terre – mais aussi avec Allah Li-même, parski l’âme de l’homme li connecté avec ene Bondié superpuissant. En vérité, sans le contrôle de sa Dieu Tout-Puissant là lors li, alors l’homme li pou clairement alle dans so l’égarement.   L’homme li aussi motivé par saki entoure li ; li ena ene besoin dans li pou faire de so mieux pour réussir dans so bane devoirs ki li gagner pour faire lors la terre, alors li faire li, non seulement pour survivre dans le monde temporaire, mais aussi pou gagne plus vite le plaisir de so Créateur. Pli li accompli so bane devoirs mondaines et spirituelles couma bizin, pli li pou récolter le plaisir d’Allah et en même temps li pou senti li satisfait avec li-même parski à ce moment là ene tranquillité pou déssane lors so lé cœur pour réconforte li et donne li encore plisse bane motivations pour faire mieux afin pou vine ene être humain et ene être spirituel ki comblé (ki amplement satisfait et content de so sort).   Sa bane motivations là existé en nous; alors bizin donc élève sa bane motivations là, et développe zot et servi zot correctement. Très souvent l’homme désespéré, abandonne le chemin de la spiritualité, fatigué avec lé temps ki prend pour ki li gagne ou trouve bane récompenses ki vine de côté d’Allah. Bane dimounes capave facilement dévier du droit chemin avec sa désespoir ki surprendre zot là et ki cause bane di torts de toutes sortes, ki nous pas capave même imaginer. C’est de sa façon là ki dimounes alle tombe dans l’idolâtrie, et l’adoration de bane les autres dimounes, et kot zot adore la nature même etc., parski kan zot trouver ki chemin droite li rempli avec bane épreuves, bane obstacles, alors bane dimounes préfère dirige zot vers l’adoration de bane faux dieux ki bane les z’autres fer, kan zot alle trouver ki sa bane dimounes idolâtre là zot pli dans biens ki zot et ki zot pé jouir d’ene « meilleure » la vie – kot en vérité sa pas ditout coumsa, et kot sa la vie meilleure là li ene la vie soi-disant meilleure. Zot, zot trouve sa meilleure, mais en vrai dire li pas meilleure ditout.   A supposer ki l’homme pas reconnaite et pas adore ene sel Bondié, alors d’après bane psychologues ou théologiens l’homme pas capave vivre sans adore ou vénère ene être ou kitchose. Et alors li pou choisir tout bane les autres kitchoses (sauf vrai Bondié) et li pou considère sa bane faux dieux là comme étant la vérité supérieure et pou adore sa en tant ki l’objet de so la foi. D’après zot (sa bane savants dans la matière là), pas ena personne ki pas bizin ene religion. Au contraire zot bizin ene religion, zot bizin ene certain domaine pour oriente zot et zot ena le besoin pou fixé pou zot ene l’objectif. Li fort possible ki l’homme li inconscient de l’aspé rélizié de so bane croyances et considère zot comme extérieures à la religion. Li (l’homme) capave même croire ki li na péna aucaine religion. Li capave persuade li-même ki le sense de so l’attachement à bane buts apparemment mondaines, couma la puissance, l’argent, jouissance et réussite, zot seulement marque de so l’intérêt à bane z’affaires pratiques et ki favorables à so bane profits. Li pas question ici pou conné si l’homme ena ene religion ou non, mais ici li question pou conne ki été sa « religion » là, ki so « religion » été.   Toutefois, le fait ki li nécessaire à l’homme pou ena ene idéal et ene la foi et ki, d’ene part, la foi religieuse li sa la foi tousel là ki pou capave influence li vraiment et d’autre part l’homme, de par so nature, li sans cesse à la recherche de kitchose ki vine l’objet de so l’adoration et de so vénération ; alors sel option c’est donc pou renforci la foi religieuse (la foi dans la religion).   Quran Al-Majeed li le premier livre ki fine prend en considération la foi religieuse en premier, couma kitchose ki en harmonie avec le système de la création.   « Eski zot désire autre chose ki religion Allah, alors ki tout séki lors bane les ciels et la terre soumette à So (l’ordre), volontairement ou involontairement, et c’est vers Li ki zot pou retourner ? » (Al-Imran 3 : 84)    Deuxième, le Quran présente la foi religieuse comme fezan partie intégran de la nature de bane dimounes :   « Dirige tout to l’être (lécorps et l’âme aussi) vers la religion avec toute sincérité – la religion naturelle ki Allah fine donne dimounes. Pas ena changement dans création Allah. Sa, c’est la religion correcte, mais la plupart dimounes pas conné. » (Ar-Roum 30: 31)   La foi religieuse ena bane bienfaits innombrables, aussi bien au point de vue de contentement extrême et de l’épanouissement ki au point de vue de l’amélioration des bane relations sociales et également de la diminution et de la suppréssion de bane traca nécessaires pour la construction de sa le monde là.   La foi religieuse représente le capital précieux de la vie et c’est ene tel bien spirituel ki donne vigueur à l’homme, kot li complémente li dans l’univers d’Allah. Sans so croyance et sans doctrine islamique, l’homme pas pou capave transforme li en ene être complet, et so bane devoirs aussi pou vides de sens, vide d’intérêt. Couma ene robot, li pou survivre le monde, peut-être en créant pou li-même bane faux dieux dans quoi li capave mette so bane espoirs et so la foi, ou li pou survivre le monde en tant ki ene athéiste, ki zis croire dans bane faits ki so logique indique li, sans toutefois ena ene la foi quelconque dans kitchose ou même quelqu’un.   Ene exemple vraiment extraordinaire de l’adoration exclusif d’Allah li cité dans Quran dans l’exemple du prophète d’Allah, Hazrat Ibrahim (as), ki fine faire li ene devoir pou alle à la recherche de la vérité après avoir ki li fine témoigne de l’adoration de bane faux dieux par so papa et so peuple. Li fine lutté contre bane conceptions ki pli mauvais et bas afin pour soumette li à ene Créateur Unique et Tout-Puissant ki à l’origine de la création de l’homme et de l’univers. Il fine déclaré avec la foi :   « Moi, mo tourne mo figuire (visage) sincèrement vers Celui ki fine créer bane les ciels et la terre, et mo pas forme partie avec bane ki donne des associés à Allah. » (Al-Anaam 6 : 80)   Alors anou vine bane tipti Ibrahim, et Mohammad, ki fine contre vents et marrées lutté contre bane passions animales pour transforme zot-mêmes en bane dimounes ki adore le Créateur de l’Univers, sans associer quoique ce soit avec Li dans So l’adoration. Le prophète Hazrat Mohammad (saws) fine vini pour revivre l’adoration d’Allah couma fine pratiquer par so ancêtre Hazrat Ibrahim (as) et bane les autres prophètes ki fine vine avant li. Bane réformateurs de l’Islam ena maintenant le devoir pou suivre lors so bane traces pour revivre sa l’Islam ki sa bane Élus d’Allah exceptionnels là fine démontré et enseigné.   Alors anou vine bane êtres humains couma Quran fine guide nous pou ki nous parfaire nous dans sa le monde là pour l’autre monde, et en fin de compte, celui qui faire encore plisse z’efforts, alors li pou trouver ki li pou gagne Allah même comme récompense. C’est sa but là ki ene vrai croyant, ki amoureux de so Allah, de so Créateur li fixé pou ki li atteindre, parski li réaliser ki so but c’est en vérité Allah Li-même et ki sa le monde là li voué à ene destruction tandis que so l’âme, armé de la foi islamique et dynamique spirituellement pou préservé dans miséricorde divine du début à la fin des temps. Insha-Allah, Ameen.

Écoute le Khutba Jummah du Khalifatullah Munir A. Azim en intégralité (Audio)