Text Box: بسم الله الرحمن الرحيم

Khutba Jummah

HAZRAT AMIR’UL MUMINEEN MUHYI-UD-DIN

Munir Ahmad Azim


31 Mai 2013 ~
(20 Rajab 1434 Hijri)

(Résumé Khutba – Mubahila à Nasir Ahmad Sultani)

Après ki li fine souhaite « Assalamoualaikum Warahmatullah Wabarakaatouhou » à tous so bane disciples (et tous bane musulmans) entier le monde – en mentionnant bane l’Iles avoisinants, l’Inde, Kerala, Trinidad et Tobago etc. – Hazrat Muhyi-ud-Din (atba) fine commence so Khutba avec Tashahhud, Ta’uz, Surah Al Fatiha, et ensuite li fine dire: 

Tout dernièrement, mo fine recevoir bane emails ki ena tré avec Mubahila, et spécialement concernant Mubahila ki mo lance Abdul Ghaffar Janbah Saheb et so Jamaat (et spécifiquement ene de so disciple, Mansoor Ahmad Sahib). Au lieu ki zot attane limite de 2 ans ki fine spécifié dans Mubahila là, ena certains dimounes couma Mushtaq Malik Saheb et ene l’autre dimoune ki pé déclare li Khalifatullah, Nasir Ahmad Sultani, zot fine fer certains commentaries ki mo trouve nécéssaire mo bizin réfuter. 

Dans zot bane arguments, zot mentionne zot croyance ki bane Mubahila zot seulement pour ene limite de un an, et non pas lézot période de temps, et zot croire ki le Quran Shareef spécifié sa un an là. Ene kitchose ki bien claire, c’est ki Quran pas mentionne aucaine limite de un an, et même dans verset clé de Mubahila ki trouve dans Chapitre 3, Al-Imran Verset 62, pas fine mentionne limite ou duré kot la malédiction d’Allah pou tombe lors bane menteurs. Allah dire dans Quran Shareef :

« Alors si kikaine dispute avec toi lors sa question là après ki (sa) connaissance (là) fine vine à toi – alors dire : « Vini, anou appelle nous bane garçons et ou bane garçons, nous bane femmes et ou bane femmes, nous-mêmes et ou-mêmes, ensuite suppliyé beaucoup et invoque la malédiction d’Allah lors bane menteurs. » (Al-Imran 3: 62)

Ene challenge de Mubahila li duré dans limite létemps ki fine spéficié et kot tout les deux parties zot fine tombe d’accord, et ki rentre de ce fait dans la Cour d’Allah pour Allah (twa) jugé. Li capave un an, deux ans et même plisse ki un an ! 

Zot envoye ene argument ki le Messie Promis Hazrat Mirza Ghulam Ahmad (as) ti habitué spéfiquement invite so bane opposants dans bane Mubahila d’ene duré de un an, mais sa li pas complètement vrai. Un an li en général ene période de temps kot les deux parties dans ene Mubahila zot mette zot d’accord, parski sa li ene période de temps, à la limite ki assez pou démontrer véracité d’ene dimoune et bane faussetés, bane fausse aspé de so opposant ou bane opposants. En général le Messie Promis (as) ti habitué décide lors un an, mais pas tout les temps. Dans le cas de Pandit Lekh Ram par exemple, ki ti ene bien grand opposant de l’Islam et du Saint Prophète Hazrat Muhammad (saws), Hazrat Massih Maoud (as) fine lance plusieurs challenges à Lekh Ram, mais fine arriver ki dans certains de sa bane période là, ni Lekh Ram ni le Messie Promis (as) fine touché par kit punition. Kan la flamme de curiosité et kan bane dimounes fine commence pense mal lors bane paroles et challenges de Hazrat Massih Maoud (as) et fine questionne tous sa là, alors bane révélations divines fine déssane pou renforci le Messie Promis Hazrat Mirza Ghulam Ahmad (as) et alors li fine écrire dans so livre « Aina Kamalat-é-Islam » :

« Dans ene période de six ans, Allah Ta’ala pou puni sévèrement sa dimoune là pou so façon ki li fine montré ene non respé et bane insanités ki li fine dire contre le Saint Prophète de l’Islam. »  

Li fine aussi mentionné ki si ene punition divine pas tombe lors Pandit Lekh Ram, alors (Nawzobillah) li, le Messie Promis (as) ene menteur. Li dire :

« Si dans ene période de six ans à partir de aujourd’hui 20 Février 1893, sa dimoune là pas gagne ene punition de côté d’Allah, (ene tel punition) ki unique dans so étendu et tragédie et ki impréssione zot tout avec la crainte d’Allah, alors ki le monde (zot tous) pensé ki mo pas vine de Allah. » 

Nous trouver alors couma bane challenges de Mubahila prend nature de bane prophécies, bane tels prophécies ki pas capave rénié et ki vrai, et de ce fait, pendant sa période de 6 ans là, le 06 Mars 1897, Pandit Lekh Ram fine rencontre ene la mort misérable par ene assassin inconnu. Sa punition là, dans sa cas là la mort, fine vine avec ene tel sévérité, ene tel atrocité ki sa pas fine laisse doute lors véracité du Messie Promis Hazrat Mirza Ghulam Ahmad (as). Bane paroles de malédictions de Pandit Lekh Ram fine alors tombe dans vide et Allah fine vine Protecteur de l’honneur et véracité de So dimoune choisi, Hazrat Mirza Ghulam Ahmad (as).

Bane dimounes fine gagne bane même kalités doutes, mauvais pensées et zot fine ridiculize le Messie Promis (as) concernant sa duel de prière ki li ti lance Dr. John Alexander Dowie, ene dimoune ki ti pé déclare li prophète. Ici, mo bizin précizé, pas ti ena mention de un an, mais le fait ki celui ki véridique pou bizin trouve la mort de celui ki fausse dans so vivant même. 

« Meilleur façon pou détermine si pas le Dieu de Dowie vrai ou sois nous Dieu, c’est ki Monsieur Dowie bizin arrête fer bane prophécies à propos déstructions de tous bane musulmans. Au lieu de sa, li bizin concentré lors zis moi tousél, et prié ki si ene d’entre nous deux pé cause menti, alors li bizin mort avant l’autre là-là. » (Review of Religions, Septembre 1902, Volume I, Numéro 9)

En plisse de sa, Hazrat Massih Maoud (as) fine fer sa prophécie là ki Dowie so Cité « Zion » pou frappé par ene grand catastrophe, et en vérité sa fine réalizé. Dr. Dowie fine paralyzé en 1905, toujours dans vivant Massih Maoud (as), et li fine finalement mort d’ene mort misérable en Mars 1907, et so bane dimounes même fine accuse li ki fine fer fraudes et zot fine quitte li.
La plupart du temps, bane dimounes zot pressés pou trouve résultat, ou décision définitif d’Allah (twa), le plus Grand Juge. Mo défi de Mubahila à Janbah Sahib et so Jamaat ti ena certains caractéristiques, kot li traite sa humble serviteur d’Allah là et le premier Musleh Maoud Hazrat Mirza Bashiruddin Mahmud Ahmad (ra) de menteurs. Mo ti lance li ene challenge de Mubahila et li fine accepté, et li fine vine de l’avant et li fine signé officiellement lors ene Document de Mubahila. Astère, mo Rab ki pou décider – le lieu, bane circonstances, tout dans So la main. 

Astère là, Nasir Ahmad Sultani pé sauté avec contentement ki un an fine fini passé (et d’après li kitchose ti bizin fini passé dans l’espace de un an au lieu de deux ans) et nannié pas fine arrive sois Janbah Saheb ou sois sa humble serviteur là, et alors li préssé pou déclarer ki sa montré ki nous tous les deux menteurs, et ki li tousél véridique, parski, ki li moi, ki li Janbah Saheb, nous tous les deux encore vivant.

Alors mo mette sa point là claire pou li, sa soi-disant véridique là. Sa humble serviteur là toujours croire ki Allah capave envoye plisse ki ene messager dans ene l’époque, et sa assez clair dans mo bane Khutba Jummah et les autres discours. Mais le fait c’est ki Nasir Ahmad Sultani fine déclaré clairement et ouvertement ki mo ene menteur, ki mo absolument bizin fausse et li fine mette sa au claire dans le Blog du Mouvement Ahmadiyya de Lahore, le 19 Octobre 2011. Li dire:  

« Contact direct avec Allah le Tout-Puissant li l’objectif principal d’ene religion. Sak religion et l’Islam aujourd’hui bizin offert la possibilité de connecter bane dimounes à zot Créateur. Mais na pas ena aucaine (de sa). Mo fine cherché et mette le monde entier au défi. Na pas ena aucaine adeptes de l’Islam ki ena so propre connexion présentable en direct avec Allah le Tout-Puissant.

Ena bane dimounes ki pé revendiqué. Mais si ou analyzé avec précaution, zot pou conné facilement ki zot pas lors le droit chemin. Couma Munir A. Azim sb. ... Munir sb. Pensé ki Mirza Mahmood sb. ti le Musleh Maud. Munir sb. Li aussi proclamé ki li ene Ummati Nabi... »

Par la suite, dans mo Khutba Jummah le 28 Octobre 2011, mo fine défié li ouvertement pou vine de l’avant, et le 12 Décembre 2011, li fine envoye sa humble serviteur là ene e-mail avec le sujet « Challenge Accepted » (Défi Accepté), et li fine posté lors so blog officiel ki mo ene menteur.

Astère, si mo prend façon de penser de Nasir Ahmad Sultani en considération, surtout après ki li fine dire dans ene e-mail le 24 mai 2013:

« Cher Frère Mushtaq Ahmad Malik sb.
Assalaamu alaikoum wa Rahmatullah wa Barkaatuh,
Tous les deux (Muneer Ahmad Azeem & Abdul Ghaffar  Janbah) prouvés ki zot bane menteurs. Parce que le temps orginal de Mubaahilah islamique fine fini passé. Et aucaine d’entre zot fine mort. Alors, personne d’entre zot deux véridique dans zot proclamation. Al-hamdu Lillah Rabbil Aalameen. Li Tout-Puissant ena plusieurs façons pou prouve So contrôle ».

Astère, eski toi Sultani Sahib, to pé auto-proclame toi véridique à cause ki ni Janbah Sahib, ni moi fine mort dans l’espace d’un an ? Si c’est sa façon ki to pensée, alors si mo prend seulement to e-mail « Challenge Accepted » (Défi Accepté) daté 12 Décembre 2011 en considération (parski to pas fine vine de l’avant et signé officiellement couma Janbah Sahib et so Jamaat lors sa Document de Mubahila ki ti ouvert pour tous bane ki prend moi couma ene menteur), alors azordi le 31 mai 2013, et plisse ki un an fine passé, et toi et moi nous toujours vivant ; alors d’après to propre façon de penser, sa définir toi clairement comme fausse, selon to propre définition de ki sanlà fausse et menteur !!!

Dans Mubahila, la mort li ene preuve claire, et nous tous les trois encore bien vivant. Mais to pé ignore limite de deux ans couma fine spécifié dans Mubahila entre moi et Janbah Sahib pour prouve to point ; en tout cas, ene point bien faible ! Et aussi, si nous tous les deux Janbah Sahib et moi ti fausse, et ki zis toi ki vrai, d’après to bane façon pensé et calculations, eski nous tous les deux pas ti bizin fini mort valeur di jour? To mathématique pas bon Sultani Sahib ! Eski Allah pas fine dire dans Quran Shareef, dans Surah Al-Haqqah ki Li pou sézi celui ki menteur?

Eski Nasir Ahmad Sultani capave dire d’après Quran Shariff ki prophète de côté d’Allah ki bane imbécile, zaalims pas fine traîte Messager d’Allah de menteur. Mo ti pou bien content ki li nomme moi ene prophète, kan li fine proclamé, li ene quelqu’un de côté d’Allah ki bane peuples fine accepter li les bras ouvert et fine marche lors tapis velours ?

Mo senti moi honoré ki dans mo l’époque aussi ena imbécile, zaalim ki traîte moi menteur et mo ti pour bien content nous vine dans la cour d’Allah, laisse Allah tranché et montré bane Muttaqi ki sanlà véridique et ki sanlà menteur. 

Ene dernier kitchose Sultani Sahib. Kan Allah pou frappe Abdul Ghaffar Janbah Sahib avec So punition, ki sanlà pou prouvé comme véridique, toi ou sa humble serviteur là? C’est seulement après ki Janbah Sahib fine signe le document de Mubahila avec sa humble serviteur d’Allah là ki to pé passe toi couma ene héro et to dire ki to gagne vision ki Janbah Saheb et so Jamaat pou fini, et to pé tasse derrière li, dans débats après débats. Janbah Sahib li déjà dans ene Mubahila avec sa humble serviteur d’Allah là. Eski to pas oulé prend ene ti patience pou laisse Allah décider Li selon So propres termes? Li bien claire aussi ki to pensé aussi ki Hazrat Mirza Bashiruddin Mahmud Ahmad (ra) fine gagne ene punition divine, et kan mo fine prépare le document de Mubahila, mo fine invite tous bane ki croire ki sa humble serviteur là et Hazrat Mirza Bashiruddin Mahmud Ahmad (ra) nous bane menteurs, pou vine de l’avant et signe le Mubahila et pou date li. Mais malgré to grand la bouche et to bane démarches dans vide, to fine reste loin et pas fine présente toi de l’avant et signe sa Challenge de Mubahila là avec sa humble serviteur là. To fine préfère concentrer lors Janbah Sahib parski to déza conné ki ena ene poignard tranchant de Mubahila ki pé suspanne là-haut so la tête. 

Si to véridique pareil couma toi et to bane disciples pé penser, alors vine de l’avant dans le champs de Mubahila avec sa humble serviteur d’Allah là et laisse Allah décider entre toi et moi ene fois pour toute, pour ki le monde trouver. Laisse Allah agir comme le plus Grand Juge dans sa zaffaire là. Si to convaincu ki c’est toi ki pou sorti vainqueur dans sa duel là, alors vine de l’avant, mo pé attane. En effet, le monde pou trouve en vérité ki sanlà le vrai Lion d’Allah! Li pour bon, pour prouve la véracité d’ene messager ki vine de côté d’Allah accepter officiellement ; toi avec to Jamaat, to signé to même, to daté et to dire mo la fin pour fini dans 6 mois ou un an, et publiyé sa à travers le monde entier, laisse le monde trouve mo la fin si mo ene menteur, mais si mo véridique, bizin trouve ene la fin entre nous deux, sois toi Nasir Sultani ou moi, et préciser bien ki sa Mubahila là pé faire aussi kot moi mo ena mo croyance dans le Musleh Maoud Hazrat Mirza Bashiruddin Mahmud Ahmad et toi et to Jamaat pas croire dans li. 

Zot fine déjà dire ki sa menti mais bientôt zot pou gagne nouvelle de séki zot pé moqué là. Mo attane so réponse en écrit et ki li signé vite en so nom personnelle et au nom de so Jamaat et moi aussi mo pou signé, Insha-Allah, et ki li mentionné ki mo la fin pour dans ene l’année ou quelques mois. Alors vine dans la cour d’Allah, vini vite. Pas laisse ene tel l’occasion en or échappé dans to la main kot to capave vine populaire à travers le monde.

Révélation de côté d’Allah ki mo fine recevoir  le 29 Mai 2013 (en anglais):

“Oh Mohyuddin! Allah’s upper hand will strike them from where they think not. Tell them: “Wait, and I am waiting along with you.” The day is nigh, indeed very close and the glory of Allah shall be made resplendent when the Khalifatullah Mohyuddin Munir Ahmad Azim shall be made victorious over his enemies.”

(O Mohyuddin! La main Haute d’Allah pou frappe zot d’ene l’endroit ki zot pas attane. Dire zot : Attane, et moi aussi mo pé attane avec zot. » Le jour li proche, voire même bien proche et la gloire d’Allah pou faire vine resplendissant  kan  le Khalifatullah Mohyuddin Munir Ahmad Azim pou gagne la victoire lors so bane l’ennemis)

Ki Allah rende la véracité de celui ki véridique claire et réduire en poussière bane ki fausses et zot bane mensonges! Ameen.