بسم الله الرحمن الرحيم

 

 

Khutba Jummah

 

HADHRAT AMIR’UL MUMINEEN MUHYI-UD-DIN

 

Munir Ahmad Azim

20 Décembre 2013 ~

(16 Safar 1435 Hijri)

 

 

(Résumé Khutba)

 

Après ki li fine souhaite « Assalamoualaikum Warahmatullah Wabarakaatouhou » à tous so bane disciples (et tous bane musulmans) entier le monde – en mentionnant bane l’Iles avoisinants, l’Inde, Kerala, Trinidad et Tobago etc. – Hazrat Muhyi-ud-Din (atba) fine commence so Khutba avec Tashahhud, Ta’uz, Surah Al Fatiha, et ensuite li fine dire:

 

 

 

 

En vérité, l’évolution de l’homme commence par l’animalité, c’est-à-dire, so bane instincts animal, so bane passions et li progrésse vers l’humanité, kot li gagne bane caractéristiques humains. Sa principe là li valable aussi bien pour l’homme et pour la société en général. L’homme, au début de so l’existence, li ene lécorps matériel, et, avec l’évolution ki ena et ki spécifique à caractéristique de so l’existence, à so l’essence, li alors transformé en l’esprit ou bien nous capave appelle sa, l’essence spirituelle. « L’esprit humain » apparaite au sein de so lécorps matériel et prend so l’indépendance en évoluant et en perfectionnant li-même. Caractère animal de l’homme li également couma ene nid, ene berceau kot so l’humanité développer et perfectionner.

 

Nous bizin aussi ajoute également à l’évolution positive de la culture de l’homme, culture humaine, ki vine possible si seulement ena la possibilité ki ena le développement de bane z’outils de production et la maitrize ki l’homme gagner de li-même, alors sa pour faire li avancer, progresser dans l’attente de la liberté spirituelle kot sa finalement amène vers le chemin de so idéologie et l’attachement à so bane convictions. D’après sa l’opinion là donc, l’homme li ene réalisation en li-même, ki indépendant et ki constamment (toujours) évoluer, kot li népli dominé par l’évolution matérielle, mais li contribué et influence le cheminement de bane matériaux et de la production, et kot li aussi détermine le cours de so destin.

 

Après ki mo fine aborde le problème de l’humanisme et le plan et role ki l’homme ena là-dans ; après ki fine justifier l’état incertain de l’homme animal culturel et pou donne enfin so valeur juste, alors nous vine plus profondément cette fois-ci lors le fondement de l’humanité li-même, donc, lors la science ki mo fine évoqué précédaman dans mo Khutba Jummah 06 Décembre 2013.

 

Malheureusement, dans le monde du christianisme, à cause de quelques changement ou falsifications dans certains passages de l’Ancien Testament (la Bible), ene l’opinion fine rentre dans bane l’esprits, ki porte atteinte aussi bien à la science ki à la foi. C’est celui de la contradiction ou de l’incompatibilité entre la science et la foi. L’origine de sa l’opinion là li trouve dans deuxième chapitre de Genèse, dans bane versets 16 et 17 ki concerne l’interdiction ki fine faire à Adam pou mange le fruit défendu :

 

« Dieu fine faire sa commandement là, et fine dire li : « Mange de tous bane fruits de bane piés du paradis, mais pas mange fruit de pié de la connaissance du bien et du mal, parski, dès ki to pou mange de sa, to pou très certainement trouve la mort ».

 

Fine également dire dans chapitre 3 (Genèse), versets 1 à 8 :

 

« Mais selman serpent là ti pli intélligent de pari tous bane zanimo ki Dieu fine formé lors la terre. Et li fine demande à femme là : « Kifer Dieu fine ordonne zot pou pas mange de bane fruits de tout bane piés ki dans paradis ? » Femme là (Eve) fine dire : « Nous mange bane fruits de tous bane piés ki trouve dans Paradis, mais concernant fruit de  sa z’arbre ki trouve au milieu Paradis, Dieu fine ordonne nous pou pas mange sa et pou pas touche li, attention ki ene danger mortel vine lors nous ». Serpent là alors fine réponne femme là: « Zot pas pou mort ; parski Dieu conné ki si zot alle mange sa, zot lizié pou ouvert et zot pou vine couma Dieu, kot zot pou capave distingue le bien du mal. »

 

Kan femme là fine penser ki fruit sa pié là li manzabe (ki capave manger), ki li ti joli et agréable pou guetter ; li fine alors manger de sa et li fine donne à so mari, ki fine manger aussi. En même temps zot fine révélé l’un à l’autre ; zot fine alle trouver ki zot ti nu et zot fine prend bane feuilles de figuiyé (pié fig) pou couvert zot. »

 

D’après sa bane passages de la Bible là, l’homme pas fine capave distingue le bien du mal, kot le fruit interdit ti le fruit de la connaissance. L’homme donc, désobéissant à l’ordre bondié fine arrive pou gagne la connaissance et c’est pour sa raison là (d’après la bible) ki Dieu fine banni (exclure) li du paradis. Donc d’après sa conception, la tentation de la raison et de la connaissance li diabolique, li de source satanique.

 

Quant à nous, bane Musulmans, le Quran donne nous ene version différent de sa événement là. Dieu (Allah) fine d’abord enseigne  tout bane vérités (connaissances) à Adam, ensuite Li (Allah) fine demande à bane anges pou prosterné (montrer respect et l’obéissance) devant Adam,  (Allah) So créature. Le fait ki Satan fine refuse pou fer sa, alors li fine gagne poussé et exclure de lémonde divine (d’Allah).

 

Dans Chapitre Genèse, de la Bible, fine dire aussi ki Dieu fine dire : « Voilà Adam ki fine vine ene couma nous, ki conne distingue le bien et le mal. Anou empêche li donc maintenant ki li mette so la main lors pié de la vie, attention ki li mange aussi de so fruit, et ki alors si li manger, li pou vive éternellement ».

D’après la Bible et so conception de l’homme, de Dieu, de la connaissance et de la révolte, le commandement de Dieu (la religion) empêche l’homme pou distingue le bien du mal et pou apprane (et gagne la connaissance). Le fruit défendu (dans sa cas là) étant le fruit de la connaissance. L’homme donc (toujours d’après la Bible), kan li fine révolté contre l’ordre de Dieu et en montrant ene désobéissance, (kot li détourne li de bane codes (la lois) de la religion et de l’enseignement de bane prophètes), li capave arrive à ene prise de conscience, kot li gagne la connaissance, mais selman (d’après la Bible) c’est pour sa raison là ki li fine gagne poussé par Dieu pou sorti dépi So paradis.

 

D’après sa conception biblique là, tous bane tentations zot bane tentatives pour arrive à la connaissance ; le démon tentateur (ki tente dimounes), ou Satan, c’est rien d’autre ki la raison.

 

Mais selman, en vérité le fruit interdit c’est celui de l’avarice ou de la convoitise, c’est-à-dire, ki li pé réfère à l’animalité de l’homme et non pas à so l’humanité, et Satan, le démon ki rode tente dimounes li faire plan lors plan pou réveille sa bane mauvais désires là dans l’homme, et alors, li pas couma la Bible décrire nous, kot li (la Bible) rode fer référence ki sa fruit interdit là c’est la connaissance, la raison et la sagesse.

Anou cause maintenant en pli profondeur l’analyse de la science (la connaissance) et de la foi et de zot place dans l’humanité, et surtout celui de l’homme face à zot (science et la foi). Eski l’homme toujours condamné pou vivre malheureux si li pas ena tous les deux, kot, eski li malheureux dans l’ignorance ou malheureux dans l’incroyance ?

 

Toutefois nous pou trouver plus tard (Insha-Allah) ki croyance li fondé lors ene vision particulier de l’existence et de l’univers sans pour autant co-ordonner (joine) à bane principes de logique scientifique li-même ; l’existence d’ene système de réflexion lors l’univers ki soutenu par la science ou la philosophie et la logique pou servi également à l’édification (construction) de la foi, ki pou garanti félicité (l’état de contentement) et l’état béni de l’homme. Et nous arrive pou démontrer ki sa système de réflexion là capave exister, nous pou capave démontrer alors ki l’homme li sans aucaine doute pas prédestiné au malheur, bien au contraire… Si nous considère le rapport entre science et la foi nous observe deux points.

 

1. Eski ena bane conceptions ki existé ki déclencher par la foi et ki capave approuvé par la logique? Ou bien encore, eski bane réflexions et conclusion de la science et de la philosophie zot opposé à tout bane les autres croyances et l’espoir pou gagne vrai bonheur ?

 

2. Ki bane influences ki premièrement la science, et deuxièmement la foi exercé lors l’homme ? Eski la science oriente (guide) nous vers ene chemin et la foi vers ene l’autre (chemin) ? Ki, ki bane contributions de la science, et celui de la foi ?

 

La science (ou connaissance) donne nous ene la lumière et ene pouvoir, et la foi donne nous l’espoir et chaleur (kot nous senti nous bien ki li au niveau physique, morale et spirituelle) ; la science prépare pour nous bane moyens et la foi, le but ; la science donne nous l’élan et la foi, la direction ; la science li le pouvoir et la foi la volonté de faire le bien ; la science montré séki existé et la foi suggère séki bizin faire ; la science li la révolution externe (extérieure) et la foi, la révolution interne (intérieure) ; la science transforme l’univers en « l’Univers de l’homme » et la foi transforme « l’âme » de l’homme et faire li vine « humain », la science ou connaissance donne à l’existence de l’homme ene extension horizontale et la foi élève li verticalement ; la science fassonne la nature et la foi li ene la force (renforci ki continuelle).

 

La science et la foi zot tous les deux ena ene beauté ; la science li la beauté de la raison et la foi, la beauté de l’âme, la science li la beauté de la réflexion et la foi, celui de sentiment. La science et la foi donne à l’homme ene sentiment de confiance : la science donne la confiance extérieure et la foi, confiance intérieure. La science rassure nous devant bane attaques, bane maladies, bane inondations, bane tremblements de terre, bane tempêtes, et la foi préserve nous de l’angoisse, de la solitude et de tout saki ridicule et en vain. La science rende l’univers compatible avec l’homme et la foi tester l’homme li-même (kot l’homme passe par beaucoup épreuves pou prouve si pas so la foi vrai ou pas). Le besoin humain ki constitué par ajoute science (connaissance) et la foi fine attire beaucoup l’attention de bane savants, bane théologiens, ki zot religié ou athées. Aujourd’hui, l’humanité bizin trois kitchoses :

 

1. Ene interprétation spirituelle du monde ;

2. Ene liberté spirituelle de sak dimoune ;

3. Bane principes fondamental dans ene perspective universelle ki pou justifié l’évolution sociale de l’humanité lors bane bases spirituelles.

Sans doute, l’Europe moderne et bane États-Unis d’Amérique fine fonde bane institutions de recherches et de réflexions très avancé, mais l’expérience fine démontré ki la vérité ki gagner seulement par la raison, pas capave ena la chaleur de la foi vivant ki vine de l’inspiration personnelle et divine. C’est pour sa raison là ki l’intelligence et la sagesse tout sel zot capave azir zis partiellement – bien minime – lors l’humanité ; alors ki la religion fine toujours reste source principale et le moyen de l’ascension (spirituel) de l’homme et fine grandement contribué lors promotion de bane dimounes, et transformations de bane sociétés humains.

L’idéalisme européen et américain zamais fine prend la forme d’ene facteur ki ena l’effet lors la vie et fine ena comme résultat seulement manifestation d’ene « moi » ki égaré, et ki encore pé cherche li-même (l’homme) à travers bane démocraties incompatibles et  variés ki zot bane efforts zot déploiyé exclusivement pou exploite bane pauvres au profit de bane riches. Croire dans moi kan mo dire zot ki bane pays soi-disant superpuissants d’aujourd’hui et zot idéologies zot bane plus grands obstacles au progrès moral de l’humanité.

De l’autre côté, bane musulmans zot en possession de bane pensées et de bane modèles de perfection absolus, ki fondé lors la Révélation Divine. Et comme zot (bane Musulmans) exposés par bane profondeurs inexplorées de la vie, zot donne à leur l’apparence couleur d’ene conscience secret et profond. Pour ene musulman, le fondement spirituel de la vie li concerne le domaine de la foi et, pour défende sa croyance là, li pou sacrifier facilement so la vie.

 

L’éducation purement scientifique capave produire seulement ene dimoune partiel (pas complet). Le produit de sa l’instruction là li pas ene dimoune complet, mais seulement li encore à l’état brute couma bane matériaux ki nécessaire à la construction de l’homme, ene tel dimoune ki ena l’énergie, vigueur et non pas ene dimoune de qualité, de vertu ; alors l’éducation purement scientifique produire seulement l’homme unidimensionnel (d’ene sel dimension) et non pas l’homme pluridimensionnel (de plusieurs dimensions et qualités). Aujourd’hui, zot tout fine comprend ki le temps de la science seulement fine révolu (c’est-à-dire, ki dans le passé, ki népli fonctionner) et zot fine comprend ki ene vide idéologique pé menace nous société. Certains essaye combler sa lacune (manquement) là par la philosophie seulement ; bane les autres pé réfugié zot dans l’art, la littérature et bane sciences humaines.

Ene éducation seulement capave produire zis bane z’outils ; li faire dimoune vine étranger à la beauté et coupe li de la sagesse. Ena ene vide, et sa vide là c’est celui d’ene certain réflexion et méditation ki abouti à la croyance en bane buts et bane objectifs humains. Le divertissement de l’histoire, de l’art, de la beauté, de la poésie ou de la musique ki l’homme fine alle cherche refuge ena le pouvoir temporairement pou rempli ene tel vide ki trouve so l’origine dans bane profondeurs de la nature idéaliste et perfectionniste de l’homme, mais couma mo fine dire zot, sa li temporaire !

Couma Quran dire nous, dans bane attractions de sa lémonde temporaire là, ena en vérité certains bienfaits dans mêmes bane mauvais actions, tel ki bane jeux du hasard, la boisson alcolique et bane les autres kitchoses encore, mais en vérité zot bienfaits bien peu comparé à zot bane mals. Certainement, là-dans (dans sa bane mauvais actions là) ena seulement ene bien tiguitte profit !

 

L’essence de la foi li très important pour ki l’homme vive so la vie pleinement et avec satisfaction. Sa la paix de l’âme là, li pou gagne li seulement kan li pou connecter li avec so Seigneur (Allah), kot li bizin enrichi so l’âme avec bane nourritures ki Allah oulé ki li gagner.

Bane dimounes ki culturelles, sans pour autant religieux cherche sa la paix et sa sérénité (tranquillité d’esprit) là dans la littérature, l’art et la musique, mais ene vrai croyant quant à li, li recherche sa la paix et tranquillité là dans so Seigneur (Rab), prenant bane différents chemins ki pou amène li vers so Rab et rien d’autre ki so Rab. C’est sa sagesse et sa science et la foi là ki bane vrais chercheurs de vérités et l’homme en général recherché, sans ki li conne pour autant couma pou gagne sa la paix ki li pé tant envie gagner là !

 

Ki Allah aide bane dimounes de par le monde pou gagne sa vrai la paix là, sa science/connaissance et la foi ki pou amène zot vers zot but véritable : Allah, l’Unique, Sans Partenaire, et l’adoration exclusif de sa Dieu ki Unique et Généreux là. Incha-Allah, Ameen.

Écoute le Khutba Jummah du Khalifatullah Munir A. Azim en intégralité (Audio)