Text Box: بسم الله الرحمن الرحيم Khutba Jummah HADHRAT AMIR’UL MUMINEEN MUHYI-UD-DIN Munir Ahmad Azim 19 Juillet 2013 ~ (10 Ramadan 1434 de l’Hégire) Dans Comores (Résumé Khutba) Après ki li fine souhaite « Assalamoualaikum Warahmatullah Wabarakaatouhou » et « Ramadhan Mubarak » à tous so bane disciples et chercheurs de vérités aux Comores et ainsi ki tous bane membres du Jamaat Ul Sahih Al Islam (et tous bane les autres musulmans) entier le monde – en mentionnant bane l’Iles avoisinants, l’Inde, Kerala, Trinidad et Tobago etc. – Hazrat Muhyi-ud-Din (atba) fine commence so Khutba avec Tashahhud, Ta’uz, Surah Al Fatiha, et ensuite li fine dire: Alhamdulillah Summah Alhamdulillah, mo trouve moi par la grâce d’Allah ici aux Comores et mo là comme ene Messager d’Allah, Allah So Khalifa (Khalifatullah) et sa faire moi ene grand plaisir dans sa mois de Ramadhan là mo pé faire mo 2ème Khutba Jummah lors Ramadhan après ki le premier mo fine faire à Mayotte – et par la grâce d’Allah avec l’arrivée de sa humble serviteur là aux Comores, le Jamaat Ul Sahih Al Islam enregistré officiellement, et Monsieur le préfet même ki parmi nous azordi dans Jummah, fine prend le Bai’at, li et so famille avec sa humble serviteur d’Allah et ici même à Moroni la capitale de Comores, jusqu’à maintenant, plisse ki 35 personnes fine prend le Bai’at, Alhamdulillah. Et cet après-midi, après le Jummah nous tous pour alle dans le village kot nous fine gagne des milliers fidèles (disciples) dans le Jamaat depuis mo l’arrivée là-bas et le Maire de sa village là et le Imâm et aussi les membres du village fine offert ene grand portion terrain ki tout le contrat fine faire lors le nom du Jamaat Ul Sahih Al Islam devant le Qaadee et enregistré, ene terrain ki coûte plisse ki 20 millions francs comoriens, Alhamdulillah, et cet après-midi, le Jamaat pé mette so panneau lors sa terrain dans le village de mjezi mboudé et en même temps le matériaux pour construire ene Masjid pour améné là-bas et pour pose le premier pierre du Masjid du Jamaat Ul Sahih Al Islam dans sa village là, et Iftaar et Namaz Maghrib pour faire là-bas même et les autres Namaz aussi, Insha-Allah. Plutard nous pour vine lors sa développement et révolution spirituelle dans Comores dans plusieurs village et ici aussi à Moroni, Insha-Allah. Maintenant mo vine lors mo Khutba Jummah lors Ramadhan azordi – mo deuxième Khutba Jummah de Ramadhan, après avoir ki mo fine fer mo premier Khutba Jummah Ramadhan dans Mayotte. Allah Ta’ala fine dire nous dans Quran Shareef: وَمَن كَانَ مَرِيضًا أَوْ عَلَى سَفَرٍ فَعِدَّةٌ مِّنْ أَيَّامٍ أُخَرَ يُرِيدُ اللّهُ بِكُمُ الْيُسْرَ وَلاَ يُرِيدُ بِكُمُ الْعُسْرَ Wa man-kaana marrizan aw alaa safarin-fa-iddatum-min ayyaa min u-khar. Yuriidullahu bikumul-yusra wa laa yuriidu bikumul usr. “Mais bane ki malade ou en voyage (besoin jeûner) même quantité de jours après. Allah oulé facilité pou ou, Li pas oulé difficultés pou ou.” (2: 186) Hazrat Aisha Siddiqua (ra) fine rapporté ki Hazrat Hamza bin Amar-’al Aslaami (ra) ti abitié garde Roza et li (Hamza) ti demande le Saint Prophète (saws) si li capave garde Roza pendant voyage et le Saint Prophète (saws) fine réponne li : “To capave garde Roza si to oulé et to capave pas garde Roza si to pas oulé.” (Bukhari, Muslim). Ene voyageur d’après Shariah (la loi islamique ki bazé lors le Quran Shareef et Hadith) veut dire celui ki depuis so la caze, accomplir ene voyage de 92km ou plisse (57½ mile ou plisse) et décide pou pas reste 15 jours ou plus dans ene seul l’endroit. Mais, si li ena l’intention ferme pou reste dans ene l’endroit pou 15 jours ou plisse, li pas alors considéré comme ene voyageur malgré distance ki li traversé. Si li alle dans 2 l’endroits ou plus, par exemple, si li reste 10 jours dans ene endroit et 5 jours dans ene l’autre l’endroit, li pou considéré couma ene voyageur. Shariah permette pou pas garde Roza dans certains cas. Et dans sa bane cas là uniquement, li pas ene péché. Voyage, grossesse, maladie, vieillesse, tous sa là zot bane raisons valables pour pas garde Roza et pour sa bane raisons là, nous pas vine bane pécheurs, mais dès ki sa bane problèmes ou situations difficiles zot prend fin, nous bizin alors remplace bane Roza manqués. Pas garde Roza li permette pou sa bane dimounes là : Ene dimoune malade ki risqué trouve so maladie aggravé ou prolongé, ou soit ene dimoune trop âgé, ki de jour en jour pé affaibli, ki pas capave garde Roza et pas ena aussi l’espoir pou regagne assez courage pou ki li capave garde Roza. Si ene dame enceinte arriver craindre ki Roza capave affecter so la santé et/ou la santé de so bébé ou ene madame ki pé allaite so bébé, ki ena même la crainte pou so la santé et la santé so bébé, et ene tifille ou madame, pendant so règle ou saignement d’accouchement (nifaas). Tous sa bane catégories dimounes là sont li interdit pou zot pou garde Roza d’après verset Quran ki mo fine fek récité devant zot. Maintenant concernant la définition de bane repas ki bane Rozédaar prend avant-garde Roza et aussi manger pou casse Roza (Suhur et Iftaar). Suhur ou Sehri couma mo ti déjà explique zot li le repas avant le début de Roza et Iftaar li sa ti repas ki nécessaire pou casse Roza. Allah (swt) fine dire nous dans Quran Shareef: « Mangé et boire jusqu’au moment ki ou capave distingue le fil blanc de l’aube avec so fil noir. Ensuite complète ou Roza ziska soleil couché. » (2 : 188). Hadiths : 1. Hazrat Anas (ra) fine rapporté ki le Saint Prophète (saws) fine dire: « Faire Sehri parski ena bane bénédictions dans Sehri. » (Bukhari, Muslim, Tirmidhi, Ibn Majah, Mishkaat). 2. Hazrat Umar (ra) fine rapporté ki le Saint Prophète (saws) fine dire ki Allah et So bane anges envoye bane bénédictions lors bane ki prend le Sehri. 3. Hazrat Abu Huraira (ra) fine rapporté ki le Saint Prophète (saws) fine dire: « Allah fine dire ki serviteur ki Li content plisse c’est celui ki faire Iftaar vite. » C’est-à-dire, ki pas prend trop beaucoup lé temps pou faire Iftaar. (Tirmidhi, Mishkaat) 4. Hazrat Salman bin Amir (ra) fine rapporté ki le Saint Prophète (saws) fine dire ki kan kikaine fer Iftaar, alors ki li faire li si possible avec bane dattes (tâmes) parski ena bane bénédictions là-dans. Et si pas ena dattes, alors, ki li faire Iftaar avec de l’eau parski de l’eau li pure. 5. Hazrat Salman Farsi (ra) fine rapporté ki le Saint Prophète (saws) fine dire ki celui ki accompli Iftaar avec manger Halaal ou de l’eau, bane anges prié pour so pardon et ki Hazrat Jibraïl (ra) prié pou le pardon de sa dimoune là pendant le Laylat-ul-Qadr (la Nuit du Destin). Et d’après ene narration (riwâyat), celui ki offert de l’eau à ene Rozédaar pour so Iftaar, Allah (swt) pou fer li boire depuis le « puit de l’abondance » (Al-Kawthar) de façon ki zamais après li pas pou gagne soif ziska ki li rentre dans paradis. 6. Hazrat Zayd bin Khalid (ra) fine rapporté ki le Saint Prophète (saws) fine dire : « Celui ki offert Iftaar à ene Rozédaar pou ena même quantité de récompense ki sa Rozédaar là. » (Tirmidhi, Ibn Majah) Prend le Sehri et faire li à l’aise li ene Sunnah du Saint Prophète (saws). Mais toutefois faudé pas prend trop beaucoup létemps, kot alle dépasse premier clarté lizour, et li ene Sunnah pou faire Iftaar impé vite et bizin faire li kan nous fine bien assure nous ki soleil fine bien couché. Nous ena le droit pou garde Roza sans Sehri. Ena bane dimounes ki pensé ki zot Roza pas pou valable ou accepter si zot pas fer le Sehri ou ki zot pas fine gagne ki zot pas fine gagne létemps pou fer li et zot pensé aussi ki si zot fine lève tard sans ki zot fine réussi fer Sehri, zot pensé ki zot bizin au moins boire ene gorgée de l’eau pou zot capave garde Roza ; tous sa bane pensées là complètement fausse, pas valable. Nous bizin conné ki le Sehri li Sunnah mais Roza li Farz. Li donc meilleur pou faire sa Sunnah de Sehri là, mais si so l’heure dépassée, bizin observe le jeûne à ce moment là ; ene Roza sans Sehri. Faire attention, ou bane frères et sœurs Comoriens et Mahorais, zot pas pratique le Sunnah du Saint Prophète (saws), zot pas faire le Sehri et après Iftaar et Salaat-ul-Maghrib, zot régroupé pour bane festins. Et après Salaat-ul-Esha et Tarawee, zot reste éveillé ziska minuit et après minuit zot mangé et ensuite zot alle dormi ziska soleil lever le matin et ena ki lève tard, ziska midi et li arrivé bien souvent ki ou pas faire Salaat-ul-Fajr. Mo ici dans Comores et avant mo vine ici, mo ti dans Mayotte. Mo fine trouve zot culture, et franchement c’est ni ene tradition islamique, ni pratique de nous bien-aimé prophète (saws). Ena dimounes ki prend comme mauvais l’habitude (par paresse), en faisant l’intention pou garde Roza la veille, pou dormi dans l’heure Sehri, et de ce fait zot néglige sa Sunnah et Ibaadah là. Et bien souvent, zot contigné dormi ziska lever du soleil et zot même fini par rate Salaat-ul-Fajr. Mo rappelle zot ki le jeûne (Roza) pas valable sans Salaat, parski tous les deux Farz (obligatoire). Le Fidyah, concernant bane dimounes malades de façon continuelle ou bane les autres dimounes âgées, bane femmes enceintes, bane ki pé accouché ou pé allaite zot bane bébés, alors Roza capave être remplacé par paye Fidyah. Paye Fidyah veut dire donne à ene pauvre manger pendant ene jour en entier (minimum 2 repas ou plus) par Roza. Pour le cas de Kaffaara, ena 60 pauvres pou nourri et dans le cas de Ramadhan, bane 29 ou 30 pauvres zot corresponde à 29 ou 30 jours Ramadhan. Fidyah li aussi possible sous forme de somme d’argent ki donné au pauvre ki corresponde à sa quantité de manger là par jour. Nous implore Allah (swt) ki Li donne nous le Tawfiq pou figure parmi So bane bons serviteurs et ki Allah permette nous pou profite au maximum de bane bienfaits infinis ki Li fine réservé pou nous pendant sa grand mois là. Ameen, Soumma Ameen !