Text Box: بسم الله الرحمن الرحيم

Khutba Jummah

HADHRAT AMIR’UL MUMINEEN MUHYI-UD-DIN

Munir Ahmad Azim
18 Octobre 2013 ~
(12 Dhul-Hijjah 1434 Hijri)


(Résumé Khutba)


Après le Salaam à tous so bane disciples (et tous bane musulmans) entier le monde – en mentionnant bane l’Iles avoisinants, l’Inde, Kerala, Trinidad et Tobago etc. – Hazrat Muhyi-ud-Din (atba) fine commence so Khutba avec Tashahhud, Ta’uz, Surah Al Fatiha, et ensuite li fine dire:




فَلَمَّا بَلَغَ مَعَہُ  السَّعۡیَ قَالَ یٰبُنَیَّ  اِنِّیۡۤ اَرٰی فِی الۡمَنَامِ اَنِّیۡۤ  اَذۡبَحُکَ فَانۡظُرۡ مَاذَا تَرٰی ؕ قَالَ یٰۤاَبَتِ افۡعَلۡ مَا تُؤۡمَرُ ۫ سَتَجِدُنِیۡۤ  اِنۡ شَآءَ اللّٰہُ مِنَ الصّٰبِرِیۡنَ ۝
Falammaa balagha ma-’ahussa’-ya qaala yaa-bunayya ‘inniii ‘araa fil-manaami ‘anniii ‘azbahuka fanzur maa-zaa taraa! Qaala yaaa ‘abatif- ‘al maa tumar: satajiduniii ‘inshaaa- ‘allaahu minas-Saabiriin!

« Kan sène-là (c’est-à-dire, Hazrat Ismaël (as)) ti fine arrive à ene l’âge pou voyage avec (so papa), Ibrahim dire li: « Mo petit, mo trouve dans mo rêve ki mo pé coupe to li cou. Guette ene coup, ki to penser ». Li dire (so papa) : « O mo papa, faire ce ki to fine gagne l’ordre. To va trouve moi, si Allah ouler, plein d’endurance ». (As-Saffat 37: 103)

Couma nous dans dernier jour de Eid-ul-Adha, de parmi trois jour Eid, alors Eid-ul-Adha li représente lékaire même de dévotion sincère de l’homme envers Allah (twa), so créateur, et li symbole de sa Grand sacrifice ki le Père de l’humanité et Camarade Intime d’Allah (Khalillullah)  fine fer. Alors, nous trouver couma Hazrat Ibrahim (as) li ene bien joli l’exemple de sa l’amour et dévotion unique ki li ti ena pour Allah (twa). Bane épreuves ki le Prophète d’Allah, Hazrat Ibrahim (as) ti fer face ti couma ene la rivière ki pé coulé avec force, avec ene telle impatience pour arrive à déverse li complètement dans l’Océan de bane commandements d’Allah.

En tant ki musulmans, nous toujours pensé si pas nous pou réuni inculqué en nous même l’essence de la foi ki bane prophètes d’Allah et bane dimounes pieux dans le passé fine démontrer. Prend dépi bane prophètes couma Hazrat Adam (as) ziska Hazrat Ibrahim (as), et depuis Hazrat Ibrahim (as) ziska Nabi Kareem Hazrat Muhammad (pbuh), alors tous bane prophètes d’Allah fine montrer ene patience et dévotion exemplaire pou propage la parole et mission d’Allah.

Faible couma nous été, nous fer zéffort pou suive trace de bane prophètes et réformateurs, pou façonne nous l’essence physique, morale et spirituel d’après sa bane là (bane prophètes) afin ki nous capave gagne le plaisir d’Allah.

Dans la vie d’ene musulman, sacrifice li ene appel pou accomplir ene devoir. Li bizin prêt pou sacrifié so l’argent, so létemps et so l’honneur pour la cause d’Allah. Li faire sa en dépensant so létemps pou inculquer dans li bane vrais qualités d’ene kikaine ki vraiment soumis à Allah, ki croire fermement dans Allah et ki fer zéffort pou fanne le parfum de l’appel divine autour de li afin ki so alentours capave recevoir le bienfait de plaisir d’Allah. Alors, à ce moment là, li prêche la droiture, afin ki so famille capave prospérer et ki so alentours capave reflecté l’essence de l’unité et recevoir ene l’harmonie béni, et ki petit à petit le monde en entier capave plongé dans de l’eau de la paix, l’harmonie et croyance exclusif dans le Créateur de bane les ciels et la terre, le Dieu de bane prophètes, de toute l’humanité.

Si bane prophètes d’Allah zot bane grands modèles à suivre, alors li mérité ki nous mentionne l’exemple du prophète (d’Allah) Hazrat Ibrahim (as) et de so garçon Ismael (as). Ene musulman ena le devoir pou croire dans absolument tous bane prophètes d’Allah, parski si li arrivé rejette même ene sel prophète d’Allah, alors li pas ene vrai croyant. Et Allah fine Et Allah fine établir dans le Quran Shareef ki vraiment Hazrat Ibrahim (as) ti So excellent prophète, ene dimoune et prophète d’Allah ki ti soumette li complètement à Allah, et li fine vine ene bien-aimé camarade d’Allah. C’est à travers Hazrat Ibrahim (as) ki la foi fine recevoir so splendeur, et c’est à travers so dévotion, patience et confiance dans Allah ki li fine arrive à ene très grand rang dans lizié d’Allah. N’importe kan, à n’importe ki moment ki Allah fine mette li à l’épreuve, alors li fine soumette et garde ferme so confiance en Allah et li ti oulé zis Allah tousél ki tire li de so bane situations difficiles. En récompense de so la foi extraordinaire, Allah fine donne li deux garçons ki tous les deux fine vine prophètes d’Allah, et à travers tous les deux lignées, Hazrat Ibrahim (as) fine alors vine « le père de bane prophètes ». C’est à travers lignée de so l’aîné, so garçon promis Hazrat Ismael (as) ki li fine gagne le Saint Prophète Hazrat Muhammad (saw).

Avant ki li recevoir la grâce pou vine papa, li ti ene vieux prophète sans zenfant (depuis commié l’année), mais malgré sa, Allah fine prouve So miracle et fine prouvé ki So promesse vrai kan Li fine accorde Hazrat Ibrahim (as) ene garçon bien gentille, bien doux, Hazrat Ismael (as), spécialement kan la vieillesse fine prend li (c’est-à-dire, kan Hazrat Ibrahim (as) fine arrive à ene l’âge fort avancé). Et sa garçon là fine vine à fine vine à travers so deuxième madame, Hazrat Hajra (ra). Le Quran raconte sa l’histoire de patience extraordinaire là et façon ki la promesse d’Allah fine réalisé. 

« ... O Mo Maître, accorde moi ene (zenfant) ki pou parmi bane bon dimounes. Alors Nous fine annonce li (naissance) ene garçon, avec ene tempérament douce. Kan sène-là (c’est-à-dire, Hazrat Ismaël (as)) ti fine arrive à ene l’âge pou voyage avec (so papa), Ibrahim dire li: « Mo petit, mo trouve dans mo rêve ki mo pé coupe to li cou. Guette ene coup, ki to penser ». Li dire (so papa) : « O mo papa, faire ce ki to fine gagne l’ordre. To va trouve moi, si Allah ouler, plein d’endurance ». (As-Saffat 37: 101-103)

La gloire de sa Grand Eid de Sacrifice ki bane musulmans autour du monde célébrer sak l’année li repose dans sa joli promesse ki Allah fine donne So élu de l’époque, Hazrat Ibrahim (as). En tant ki sacrifice, sa ti ene de bane sacrifice ki pli étonnant et pli grand ki ene prophète d’Allah fine démontrer de toute l’histoire. Et Hazrat Ibrahim (as) fine gagne ene telle garçon prophète d’Allah et ki fine vini d’après promesse d’Allah, ene telle garçon ki pas seulement pas fine peur ki li être sacrifié de la main de so propre papa, seulement pour le plaisir d’Allah, mais li-même par li même fine envie fer sa sacrifice là. Si li pas ti donne so consentement pour faire sa sacrifice là, alors zamais so papa ti pou sacrifié li. Sa li coumsa parski dans lizié de Hazrat Ibrahim (as), Ismael ti ene individu avec so propre droit pou choisir so destin. C’est pourquoi li fine attane des années avant ki li présente vision là devant so garçon bien-aimé afin ki li capave choisir si pas li ensam avec so papa pou accomplir sa commandement divine là pareil couma Hazrat Ibrahim (as) fine trouver dans so rêve prophétique.

Ki sa garçon là azordi ki capave fermement dire ki li capave sacrifié so la vie même, et so l’honneur seulement pour le plaisir d’Allah ? Mais Ismael (as) fine fer li et li fine vine ene souvenir béni de saki ene vrai garçon bizin été pou so papa et couma ene excellent serviteur li bizin été pou Allah, So Maître, Celui ki fine créer li. Ismael (as), sans ki li batte lizié ou hésité, li fine réponne à l’affirmatif et li fine donne so licou pour sa sacrifice ki ti dédié à Allah là. Mais en vérité Allah pas ti ena aucaine besoin de sacrifice humain. Sa ti seulement ene épreuve bien difficile ki Li (Allah) fine mette lors zépol de tous les deux, papa et garçon afin ki Li (Allah) capave élève zot statut encore plisse ki sa et afin ki le monde en entier, ziska le Jour du Jugement capave prend sa deux serviteurs et prophètes d’Allah exceptionnels là comme bane vrais modèles, bane vrais l’exemples de sacrifice. 

Sacrifice c’est pas seulement lors la lèvre sa, ki ou dire ki ou pou faire sacrifice seulement verbalement. Sacrifice bizin pénétrer disang de ou lécorps, et ou l’âme bizin touché par sacrifice ki ou fer seulement pou cherche le plaisir d’Allah. Allah fine arrête le sacrifice humain, mais li attane de nous ki nous commémore sa grand démonstration d’amour exceptionnel ki tous les deux, papa et garçon fine fer. Allah oulé ki dimounes rappelle de sa démonstration d’amour et sacrifice là pour toujours, afin ki sak papa et sak garçon capave copiye bane tels l’exemples de sacrifice là et ki zot aussi zot soumette à la volonté d’Allah. Ki la vie été sans le plaisir d’Allah ? Ki été la vie sans gagne l’amour de nous Créateur ? Le Eid du Sacrifice (Eid-ul-Adha) enseigne nous ki sak papa bizin inculqué en li-même bane qualités de la foi ki Hazrat Ibrahim (as) ti ena et sak garçon bizin vine ene offrande de sacrifice pour le plaisir d’Allah. Nous nation humain capave prospérer seulement kan ena la volonté pou soumette au Rab de tous bane lémondes (Allah) et ki zot gagne zot plaisir à travers le plaisir d’Allah même. 

Alors eski nous, Oh bane musulmans, Oh l’humanité, eski nous pas bizin fer zéffort pou vine ene ti Ibrahim, ene ti Ismael, ene ti Muhammad (saw), ene ti Ram, ene ti Krishna, ene ti Buddha, ene ti Jésus, ene tipti représentation de tous bane prophètes d’Allah (as) afin ki nous capave être rapplé dans les ciels couma bane serviteurs dévoué d’Allah – bane tels serviteurs d’Allah – ki pas fine laisse sa la vie temporaire lors la terre là vine ene place en vain (pou rester) ? 

Ki Allah béni zot tous et donne zot le Ilm (la connaissance) pou trouve bane moyen pou plaire Allah, ki li dans le domaine mondaine et spirituelle. Dans sak coin et recoin de nous la vie, de nous l’existence, nous bizin fer nous ene devoir pou purifié nous l’âme par bane bons pensées, bane bons l’intention et bane bons actions ki pou mérite ki Allah accorde nous ene place définitif dans So lékaire comme ene bien-aimé d’Allah.  Insha-Allah, Ameen.

Écoute le Khutba Jummah du Khalifatullah Munir A. Azim en intégralité (Audio)