Text Box: بسم الله الرحمن الرحيم Khutba Jummah HADHRAT AMIR’UL MUMINEEN MUHYI-UD-DIN Munir Ahmad Azim 09 Août 2013 ~ (01 Shawwal 1434 Hijri) (Résumé Khutba) Après ki li fine souhaite « Assalamoualaikum Warahmatullah Wabarakaatouhou » à tous so bane disciples (et tous bane musulmans) entier le monde – en mentionnant bane l’Iles avoisinants, l’Inde, Kerala, Trinidad et Tobago etc. – Hazrat Muhyi-ud-Din (atba) fine commence so Khutba avec Tashahhud, Ta’uz, Surah Al Fatiha, et ensuite li fine dire: بِسْمِ اللَّهِ الرَّحْمَنِ الرَّحِيمِ ۝ الْحَمْدُ للّهِ رَبِّ الْعَالَمِينَ ۝ الرَّحْمنِ الرَّحِيمِ ۝ مَالِكِ يَوْمِ الدِّينِ ۝ إِيَّاكَ نَعْبُدُ وإِيَّاكَ نَسْتَعِينُ ۝ اهدِنَا الصِّرَاطَ المُستَقِيمَ ۝ صِرَاطَ الَّذِينَ أَنعَمتَ عَلَيهِمْ غَيرِ المَغضُوبِ عَلَيهِمْ وَلاَ الضَّالِّينَ ٪۝ Bismillahir Rahmaanir-Ra-hiim. ‘Al-Hamdu lillaahi Rabbil-’Aalamiin; ‘Ar-Rahmaanir-Rahim; Maaliki Yawmid-Diin! ‘Iyyaaka na’-budu wa ‘iyyaaka nasta-‘iin. ‘Ihdinas-siraatal-Mustaqiim, ‘Siraatal-laziina ‘an-’amta ‘alayhim-Ghayril-maghduubi ‘alayhim wa lad-daaalliin. 1. Au Nom d’Allah, Le Très Gracieux, Le Très MiséricorAllahx. 2. Tous louanges appartenir à Allah, le Maître de tous les mondes. 3. Le Très Gracieux, le Très MiséricorAllahx, 4. Maître du Jour du Jugement. 5. C’est Toi seul ki nous adorer (et servir) et c’est Toi seul ki nous implore le secours. 6. Guide-nous dans le droit chemin, 7. Sa chemin ki bane ki gagne To faveurs. Non pas le chemin de bane ki fine mérite To colère ou bien bane ki égarer. La prière par excellence ki indique nous à ki moment et kan bizin prier, et ki faire de façon pou augmente nous l’enthousiasme spirituel, c’est ki Allah, Al-Kareem (Le Généreux) fine enseigne nous dans premier chapitre Quran Shareef. Tous bane louanges appartenir à Allah tousél Ki Li-même le Créateur et le Soutien de tous bane les mondes. (1: 2). Par So grâce, Li accorde nous tous nous bane besoins sans ki ena kit action de nous part ; et si nous faire kit action de nous propre volonté, alors de par So miséricorde, Li récompense nous. (1: 3). Li tousél Li le Maître du Jour du Jugement, et Li pas fine délégué personne pour présidé sa Jour là (Li tousél ki pou en charge le Jour du Jugement). (1: 4). Oh Toi Ki comprend tous sa bane attributs là, nous adore zis To tousél, et nous rode To l’aide dans tout saki nous entreprendre (dans tout travail ki nous faire). (1: 5). L’usage de premier personne du pluriel (c’est-à-dire, « Nous ») dans sa contexte là li indique ki tous nous bane facultés fine engagé dans Ibaadat (l’acte d’adoration), et fine prosterné devant la porte d’Allah. Chaque dimoune, en vertu de so bane nombreux facultés internes, li e ce fait ene TOUT, ki faire avec plusieurs parties, et la prosternation et la soumission de tous sa bane facultés là devant Allah zot aboutir à sa condition ki nous appelle l’Islam. Guide-nous lor To chemin droit et maintenir-nous fermement lor là (1: 6). Le chemin de bane à ki To fine accorde To bane bontés et faveurs, et non de bane ki fine subir To colère, ni de bane ki fine égaré, bane ki pas fine réussi vine à To rencontre. (1: 7). Ameen ! Sa bane versets là enseigne nous ki bane bontés et faveurs divines zot donner seulement à bane ki sacrifié zot la vie pour la cause d’Allah, bane ki dévoué zot entièrement à sa l’objectif là, bane ki faire toujours bane travails pou satisfaire la volonté d’Allah, et zot faire sa tout en pas arrête prier Allah pou accorde zot tous bane faveurs spirituelles ki l’homme capave jouir, à savoir, la révélation, kot Allah cause avec li. Par sa la prière, surah, duah là, zot adore Allah par le biyé (moyen) de zot péchés, et reste prosterné devant la porte d’Allah. Zot protège zot-même contre tous bane péchés et évite tout séki capave excite la colère d’Allah. Vu ki zot pé cherche Allah avec ene grande volonté et en toute sincérité, zot trouve Li (pas physiquement, mais spirituellement près avec zot), et la soif ki zot ena pour conne Allah li complètement satisfaire. Vrai la grâce parfait ki projette kikaine vers le monde spirituelle repose lor la persévérance ki sous-entend sa degré de sincérité et de fidélité dans la foi ki pas capave ditout bougé par aucaine épreuve, arrive saki arrive. Sa persévérance là exige également l’existence d’ene relation si fort avec Allah, ki aucaine l’épée pas pou capave coupe li, ki aucaine difé pas pou capave brûle li, et ki aucaine calamité pas pou capave endommage li. Ni la mort de bane proches, ni la séparation avec zot pas pou ena kit l’influence lor sa dimoune là, ni la crainte ki li pou capave subir bane déshonneur lors sa la terre là. Tout sa là pas affecter li, et li pas peur ki li pou capave subir ene la mort ki faire bien di mal. Sa en tout les cas pas bouge so lécoeur dans aucaine façon. Li reste ferme lor so la foi. De sa façon là, sa la porte ki ti bien étroit là et chemin ki ti bien difficile pour entreprendre vine facile. Mais selment li bien chagrinant ki beaucoup dimounes trouve sa difficile pou entreprendre sa chemin difficile là. Allah (twa) cause de sa dans sa bane versets là : « Dire zot : ‘Si ou papa, ou zenfants, ou frères et sœurs, ou mari ou bien ou femme, ou proches parents, ou l’argent ki ou fine ramasser, ene commerce ki ou peur capave tomber, et ou bane la caze dans ki ou prend plaisir, si ou content tout sa plisse ki Allah, So Messager, et la guerre pou So cause, alors attane ziska ki l’ordre Allah arriver. Allah pas guide dimoune ki prend chemin travers. » (9: 24). Sa verset là illustré clairement ki bane ki éloigne de la volonté divine, et donne priorité à zot parents et à zot dibiens, ki zot content plisse ki Allah, et contre saki Allah envie de zot, alors zot bane zaalims. Sa bane dimounes là pou en vérité ruiné parski zot fine préfère ene l’autre kitchose au lieu d’Allah. Voilà troisième étape kot sa dimoune là vine vraiment ene dimoune d’Allah, ene telle dimoune ki supporte mille calamités à cause Allah, ki tourne vers Allah avec ene telle dévotion et ene telle sincérité ki li pou paraite ki li pas ena aucaine les autres relations avec personne, excepté Allah ; couma dire tous bane les autres relations fine mort. La vérité c’est ki tant ki nous pas fini nous dans la mort (nous mort pour sa le monde là ; nous pas attacher avec sa le monde là), nous pas pou capave percevoir Allah, Al-Hayy (Le Vivant). Le jour kan nous la vie matérielle pou subir ene la mort, li pou le jour de la manifestation d’Allah. Tant ki nous pas vine aveugles, à l’égard de tout sauf Allah, nous pou reste bane aveugles. Tant ki nous pas vine couma bane cadavres (pou sa le monde là) entre la Mains d’Allah, alors nous mort (spirituel) et reste dans sa l’état de morts (spirituel) là. Ce n’est qu’à partir du moment kot nous faire face à Allah, dans la totalité de nous l’être, ki nous pou capave arrive à sa la force et courage ki pou touye tous bane passions de nous nafs et ki inflige la mort à sa vie ki consacrée à bane fins en vain ou égoïste là. En résumé, le jour ki sa la lumière là apparaite, l’homme li arrête exister pour sa le monde là ; li vine céleste (spirituel, ki appartenir à Aakhirat). Allah, le Maître de tout saki exister, cause avec li dans so for intérieur et manifesté en li la lumière de So divinité, et faire so lécœur baigne dans Allah So l’amour, Son trône. Dès ki li vine ene l’autre dimoune par sa transformation la lumière divine ki opéré dans li, alors sa dimoune là li présente bane nouveau manifestations d’Allah dans li. Sa pas veut dire ki Allah fine vine ene l’autre Allah, ou ki So bane nouveaux manifestations zot différents de So bane manifestations normales – ene distinction ki philosophie mondaine pas encore conné ou ki pas reconnaite. De ce fait, celui ki atteindre l’étape de la vie spirituelle li dévoué corps et âme à la cause d’Allah. Mo faire duah ki Allah (swt) donne nous le Tawfiq pour bien comprend sa sujet là, ki l’amour ki l’homme ena pour Allah atteindre sa degré kot so la vie ainsi ki so la mort népli vine pou li, mais ki au contraire zot consacré à Allah seulement. Insha-Allah.