Text Box: بسم الله الرحمن الرحيم

Khutba Jummah

HAZRAT AMIR’UL MUMINEEN MUHYI-UD-DIN

Munir Ahmad Azim

01 Mars 2013 ~
(17 Rabi’ul Aakhir 1434 Hijri)

(Résumé Khutba)

Après ki li fine souhaite « Assalamoualaikum Warahmatullah Wabarakaatouhou » à tous so bane disciples (et tous bane musulmans) entier le monde – en mentionnant bane l’Iles avoisinants, l’Inde, Kerala, Trinidad et Tobago etc. – Hazrat Muhyi-ud-Din (atba) fine commence so Khutba avec Tashahhud, Ta’uz, Surah Al Fatiha, et ensuite li fine dire:

Allah (swt) fine choisir moi comme So Khalifatullah dans sa siècle là et mo Créateur fine informe moi plusieurs fois depuis Vendredi le 8 Février 2013 et révélation là fine continuer même jusqu’à astère là, ki ene troisième calamité mondiale pé vini. Malgré tous sa bane calamités ki pé passer dans le monde entier, bane dimounes pas pé tire aucaine leçon, et sa pas faire zot nannié ki sa pé vine de nous Rab, le Créateur de sa l’univers là. Ils continuer persister dans zot péché et zot continuer dans zot bane Shirk dans plusieurs niveaux. Zot fine oublié l’enseignement d’Allah, zot fine piétine l’enseignement d’Allah enba zot lipié et zot fine donne la parole de l’homme pli grand valeur. La majorité de bane dimounes dans le monde entier fine tourne le dos avec bane messages d’Allah et zot fine réjette le Messager d’Allah de sa siècle là. 

O bane musulmans et tous mo bane frères et sœurs de différents la foi et religions, mo pé dire zot la vérité ki l’Islam li ene religion parfait, le Saint Prophète de l’Islam, sa prophète ki so l’apostolat li étendre jusqu’à la fin de bane siècles li ene prophète vivant parski bane fruits de so l’apostola zot paraite dans tous bane l’époques. Sa bane fruits là zot ene preuve irréfutable ki l’apostola du prophète de l’Islam (saws) li pas fine teigne. Dans nous l’époque aussi sa apostola là fine porte so fruit et bane bénédictions divines pé tomber couma la pluie.

Le Khalifatullah fine vini pou donne encore ene preuve de l’aspé éternelle de l’apostola de Hazrat Muhammad (pssl). Allah (swt) fine révèle moi plusieurs fois ki mo So serviteur choisi et mo ena l’honneur pou occupe ene position spirituelle. En tant que tel, mo ena bane  responsabilités ki li pas permette pou mette ene côté à aucaine moment jusqu’à séki mo quitte sa le monde là. Sa bane responsabilités là embrasse tous bane dimounes, sakaine d’entre zot, zot cher à moi à  cause de sa lien de fraternité là. L’humanité li trouve en ce moment au bord d’ene désastre.

Dans sa contexte là, mo le porteur d’ene message important pour zot tous et pour tous mo bane frères et sœurs, mo pé dire zot la vérité, alors s’il vous plait écoute-moi.

Allah (swt) fine informe moi ki ene troisième calamité mondiale pé vini ; bane régions entiers de la terre pou détruire d’ene coup. Non seulement ki bane dimounes pou disparaitre mais aussi tous bane êtres vivants, sans laisser traces. Mo bien triste ki ene grand désastre pé menace le monde entier et ki bane peuples de la terre zot insouciants de sa. C’est mo devoir pou renseigne zot ki ene grand calamité pou éclater. Alors bane dimounes faudé zot adopté sa chemin ki pou capave sauve zot de sa calamité là. Sa chemin là c’est ki zot bizin rallier zot sincèrement sous bannière de Sahih al Islam et soumette zot entièrement à Allah, l’Unique.

Si pas ti ena aucaine pays oriental ki ti pou capave rivaliser avec puissance de bane nations civilisées et forts de l’occident, bientôt certains nations orientales pou vini, pou manifester zot couma bane puissances bien importants ki pou défié la suprémacie de l’ouest. La situation li déjà présent dans différent pays de Golf ; guette l’Iran, l’Irak, Israël, Palestine et analyse saki pé passer dans la Syrie.

Troisième guerre mondiale li pas loin ; li pou surprendre le monde ene coup. Le monde pou choqué, bane voyageurs pou affronte bane grands problèmes. Bane la rivières pou vine rouges avec di sang. Bane jeunes pou gagne troubles de mémoires. Bane montagnes pou explosé. Bane horreurs de la guerre pou rende bane dimounes fou. Sa pour le temps de la destruction de bane dictatures, de bane malfaiteurs. Pou ena bane combats navals. Bane empires pou renversés et bane cités converties en cimitières.

Aucaine l’île pas pou épargnée avec sa grand troisième guerre mondiale là ; même bane z’îles pou souffert beaucoup, dans tous bane aspé et même à l’ile Maurice, ene la guerre raciale, communale pé menacée, et sa pas pou tardé. Bane bagarres raciales à  Maurice pou vine dans ene dimension encore pli grand ki en 1968, d’ene dimension plus vaste et avec bane conséquences plus fatales. Alors prend sa bane messages là en considération.

O bane Musulmans, arrête diviser et arrête provoque bane la guerres entre zot-même. Si l’Ittehadoul Mouslemine (l’union de bane musulmans) li réalisée, alors sa pou ene grand pas en avant vers l’expansion Islamique. Tous bane sectes, en laissant zot bane divergences de vues lors bane questions secondaires et de peu d’importance, pou capave mette leurs efforts dans ene seul but : Établir la suprématie de l’Islam dans le monde.

Troisième guerre mondiale pou dans bane dimensions encore pli grand ki deuxième guerre mondiale. Bane deux camps adversaires pou oppose zot ene sel coup, sans ki ou réaliser et faire kit provision ; la mort et la destruction pou pleuvoir du ciel et bane la flammes féroces pou avale la terre. Grand fondation de la civilisation moderne pou tombe enba. Bane soi-disant puissances pou détruires, zot puissances pou démolies, zot civilisation ruinée et zot système pou cassé en morceaux. Bane survivants pou épouvanté et abasourdi devant ene tel tragédie. Pou ena bane peuples ki pou relevé pli vite de sa calamité là ki l’Ouest. La prophécie li claire ki bane peuples de bane différent pays pou tourné vers (Allah (swt)) zot Créateur et pou accepter le Sahih Al Islam et le Saint Prophète (saws) de l’Islam. Bane peuples ki ti cherche raye le nom d’Allah de la terre et pou bannir li de bane les ciels pou réalise la folie de zot l’idées et, en fin de compte, zot pou soumette zot à Li comme bane croyants fermes dans So l’unicité.

Zot capave considère sa couma ene fantaizie. Mais bane ki pou survive troisième guerre mondiale pou témoigner et pou justifier la véracité de saki mo pé dire. Sa c’est bane paroles d’Allah, le Tout-Puissant. Zot pou accomplies, personne pas pou capave détourne So décret. La fin de la troisième guerre mondiale pou le commencement du triomphe de l’Islam. Bane dimounes pou accepter so véracité en grands nombres Insha-Allah, et pou réaliser ki seulement l’Islam li vrai religion et ki l’émancipation de l’homme pou bizin être remportée seulement par le message de Hazrat Muhammad (saws). Tous sa bane l’évènements là zot bane signales important dans l’histoire de l’homme.