Text Box: بسم الله الرحمن الرحيم

Khutba Jummah

HAZRAT AMIR’UL MUMINEEN MUHYI-UD-DIN

Munir Ahmad Azim

01 Février 2013 ~
(19 Rabi’ul Awwal 1434 Hijri)

(Résumé Khutba)

Après ki li fine souhaite « Assalamoualaikum Warahmatullah Wabarakaatouhou » à tous so bane disciples (et tous bane musulmans) entier le monde – en mentionnant bane l’Iles avoisinants, l’Inde, Kerala, Trinidad et Tobago etc. – Hazrat Muhyi-ud-Din (atba) fine commence so Khutba avec Tashahhud, Ta’uz, Surah Al Fatiha, et ensuite li fine dire:

Pour nous bane frères, sœurs et zenfants ki trouve à l’extérieur, li bon mo mentionné, ki l’année 2013 li marque le 178ème l’année depuis l’abolition de l’esclavage dans Maurice. Alors, sak le 1er Février, c’est ene congé publique à Maurice. Ene section de la population de Maurice li composé de bane descendants Africains ki ti vine à Maurice comme bane esclaves, et nom ki appelle sa type de dimounes là c’est Créole ; mais en générale, sak Mauricien li connu comme ene Créole malgré so bane background et croyances religieux et culturel, et nous langue maternel c’est Créole ou Patoa Mauricien. 

Maintenant anou guetté saki Allah, l’Islam et nous bien-aimé prophète, Nabi Kareem Hazrat Muhammad (saws) fine dire ou enseigné à propos de bane esclaves et l’esclavage, et ki traitement bizin fer are zot. 

Nous tous conné ki nous pli grand maître parmi dimounes et bane prophètes d’Allah ti ena ene l’âme bien doux, bien tendre. N’importe ki situation li ti été, ki li ti dans pauvreté ou périodes de l’abondance, nous bien-aimé Aka Hazrat Muhammad (saws) ti reste le même. Li ti reste toujours humble et li ti pé amène so la vie et mode de vie comme ene humble serviteur ou esclave d’Allah. D’après ene Hadith ki fine compilé par Imam Ahmad et ki fine rapporté par Hazrat Abu Huraira (ra), nous fine alle conné ki Hazrat Muhammad (saws) ti gagne le choix pou vine sois ene prophète et en même temps léroi (avec tous bane richesses de bane lérois) ou sois reste ene serviteur, ene esclave et Messager d’Allah. Alors sa choix là ti vine à nous bien-aimé prophète Hazrat Muhammad (saws) par ene ange ki zamais auparavant (avant sa l’évènement là) ti dessane, et li ti pé rode ene réponse avec Hazrat Muhammad (saws). Hazrat Jibreel (as) à sa moment là ti ensam avec Hazrat Muhammad (saws) ; et Hazrat Jibreel (as) d’après bane les autres Hadiths ki pas fine mentionné dans bane six livres principales de bane Hadiths Sahih, li fine conseille Hazrat Muhammad (saws) pou choisir pou reste ene serviteur, ene esclave humble et Messager d’Allah. Et effectivement li fine choisir couma Hazrat Jibreel (as) fine conseille li et li fine amène so la vie dans ene façon tellement humble, dans n’importe ki situation de so la vie ziska ki li fine quitte sa le monde là. Ena même ene Hadith ki rapporté par Hazrat Aisha (ra) kot li dire ki le Saint Prophète Muhammad (saws) fine dire : « Mo mange couma ene esclave manger et mo assizé couma ene esclave assizé. »

L’existence de l’esclavage li daté de très très longtemps, avant même l’époque de l’Islam et de la révélation de Quran Shareef à Allah So bien-aimé prophète et serviteur, So esclave (exemplaire). Saki intéréssant  c’est kan compare mention de l’esclavage dans Quran Shareef avec celui ki mentionné dans la Bible, ki li dans Ancien ou Nouvo Testament. Dans sa bane livres anciens de bane Juifs et Chrétiens, pas fine ena mention d’ene plan spécifique pou libère bane dimounes de sa lien inhumain ki attache l’homme dans ene l’esclavage terrible, et péna aucaine indication couma pou deal avec sa situation là même dans nous l’époque actuelle. Alors na pas ena aucaine actualité ki reste vivant ziska nous l’époque. Mais de l’autre côté le Quran Shareef li, li pas fine seulement reconnaite ki kalité immorale sa pratique de l’esclavage là été, mais li fine fer bane plans pou élimine li. Sa plan li à la fois implicite (sous-entendu) et explicite (bien clair). Si nous reconnaite sa, c’est à la fois reconnaite couma l’Islam fine fer tous so possible, au nom d’Allah pou détruire ene bien mauvais coutume ki ti existé 1300 ans avant ki n’importe lézot pays de l’Ouest réfléchi et prend décision pou légalement et politiquement copier bane l’enseignements du Quran Shareef. Attention, mo pas pé dire ki kan l’Ouest pé suivre sa bane bons l’enseignements du Quran Shareef ki zot ena tort pou copier sa l’exemple là, Non ! Au contraire li ene bien bon zaffaire, mais malheureusement malgré ki zot copié bane certains aspé de bane l’enseignements islamiques, zot pas reconnaite sa beauté parfait de l’Islam là publiquement. Zot préfère prend tous éloges pou sa bienfait là pou zot au lieu de fer éloges d’Allah, l’Islam et Hazrat Muhammad (saws) pou sa bane l’enseignements exceptionnelles là. 

Malheureusement, beaucoup de bane Non-Musulmans, bane ki ena ene la haine profond pou l’Islam, zot continuer lance bane attaque contre Hazrat Muhammad (saws), ki soi-disant li ti pé encourage l’esclavage dans l’Islam. Sa li ene zaffaire bien délica. Si nous étudier problème de l’esclavage depuis le Moyen-âge, et même avant sa, et bane traitements ki ti pé fer are bane esclaves, nous pou alle trouver couma sa bane esclaves là ti pé traité par bane riches et grand missiés couma lichien, et si nous compare zot traitement avec saki Hazrat Muhammad (saws) fine fer lors bane esclaves, même avant l’avènement de l’Islam, alors nous pou alle comprend ki bane missiles de la haine de bane fauteurs désordres ki ena beaucoup la haine pour l’Islam, alors c’est seulement bane campagnes pou noirci l’image de l’Islam et de nous bien-aimé prophète Hazrat Muhammad (saws), tandi ki bane vrai monstres c’est sa bane dimounes ki pé mette sa bane blâmes là lors nous Aka Hazrat Muhammad (saws), ki li dans l’époque zot bane ancêtres et zot l’époque même, kot zot ti pé tolère toutes sortes kalité mauvais traitement lors bane esclaves et zot pas ti envie mette ene fin à sa pratique là.

La venue de Hazrat Muhammad (saws) ti couma ene la breeze de liberté doux et frais pour bane esclaves. Ene dimoune bizin réalisé ki même avant ki li vine prophète, Hazrat Muhammad (saws) ti ena ene l’amour paternel envers bane esclaves de so l’époque. N’importe kan l’occasion ti pé présenter, li ti habitué libère bane esclaves et donne zot le respé et considération ki zot mériter dans la société. Kan Hazrat Muhammad (saws) fine marié avec so premier madame, alors Hazrat Khadija (ra) fine remette à Hazrat Muhammad (saws) tous saki li ti possédé, mais au lieu de profite de sa bane richesses ki ti vine dans so la main là, Hazrat Muhammad (saws) fine au lieu de sa donne la majorité de sa l’argent là en charité et li ti pé participe dans libère bane esclaves, et ene parmi sa bane esclaves là ti ena ene jeune ki appelle Zaid ibn Harith. Alors li fine prend Zaid sous so responsabilité et fine adopter li. So l’amour paternel pou sa jeune esclave libéré là ti tél ki bane Mecquois même ti habitué conne Zaid couma garçon Hazrat Muhammad (saws), et zot ti pé appel li, Zaid ibn Muhammad. C’est seulement après l’avènement de l’Islam et la révélation de bane l’enseignements saint d’Allah ki Allah fine clairement spécifié ki bane garçons adoptif pas vine vraiment bane garçons de sang, mais ki zot bizin être considéré comme bane frères ou camarades en religion. Sa clause dans verset là spécifié bane croyants de parmi bane esclaves, esclaves libéré et tous saki concerne l’adoption. 

Kan nous analyse le Quran Shareef en profondeur et nous réfléchi lors bane l’enseignements et paroles du Saint Prophète Muhammad (saws), nous pou alle comprend ki ti ena à l’origine le but pou élimine l’esclavage, pas ene sel coup, mais graduellement afin ki dimounes réaliser ki tous bane humains zot égale, et comme le Saint Prophète Muhammad (saws) fine explique sa dans ene pli joli façon dans so dernier Khutba, kot li fine dire ki zot tous égale « sauf dans la piété. » Le but du Quran Shareef c’est au commencement pou fer bane Musulmans et bane dimounes en générale habitué zot à l’idée ki bane esclaves aussi zot bane humains et faudé pas traite zot dans ene mauvais façon ; au contraire ki bizin traite zot avec considération, et le premier initiative ki Allah fine prend c’est ki Li fine fer la libéralization de bane esclaves comme ene compensation ki dimoune bizin fer en retour d’ene péché ki li fine commette ou ene serment ki li fine cassé. Nous trouver ki dans bane tels chapitres du Quran Shareef couma dans Surah Al-Baqara et Surah An-Nisa, Allah fine amène bane Musulmans pou compense zot bane péchés ou brêche de contrat avec bane spécifications pou libère ene esclave. Alors, sa c’est ene de bane façon ki Allah fine guide l’Arabie (en premier) au commencement de l’Islam vers ene l’abolition de l’esclavage ki complète et ki réalizable, et kot en vérité kan sa plan coranique là fine mette en marche, alors en vérité sa fléau là ti disparaite. Comme le Quran Shareef li ene Livre pour toute l’humanité, spécialement pou bane parmi zot ki vraiment ena la crainte d’Allah dans zot lékaire, alors nous trouver couma Allah envie ki le monde li dirige li vers le respé mutuel, kot sakaine respecté so camarade. Si ene respecté l’autre, alors sa l’autre là pou respecté sa premier (dimoune ki respecté li) là. 

Dans ene l’Arabie ki ti rempli avec bane barbares dans l’époque de l’ignorance (avant l’Islam), bane relations sexuelles avec bane filles esclaves ou servante ti bien courant, ti à la mode. Li ti même ene coutume dans bane les autres pays endehors de l’Arabie, kot bane ki ti possède bane esclaves ti souvent des fois viole zot bane esclaves filles et pas ti honore zot dans aucaine façon, malgré ki sa bane madames là ti pé donne zot bane zenfants. Mais avec l’avènement de l’Islam, malgré ki Allah pas fine aboli sa coutume, sa pratique là ene sel coup, mais Li fine spécifié ki ene Musulman croyant bizin contracté ene mariage avec sa fille esclave là avant ki zot consomme zot l’union. Et faudé ki sa madame ou fille esclave là appartenir à sa dimoune là, couma le Quran Shareef décrire : « Séki ou la main droite possédé. » Mais le Quran Shareef aussi plus devant li dire, li mette bane conditions et li spécifié :

« Bane ki pas ena les moyens pou marier, zot bizin reste chaste jusqu’à ki Allah rende zot riche par So grâce. Si parmi saki ou la main droite possédé (c’est-à-dire, ou bane esclaves ou captifs), ena ki demande ou ene contrat pou libère zot, écrire zot contrat, si ou trouver zot ena bon manière. Et donne zot ene partie de saki Allah fine donne ou (comme dibiens). Pas force ou bane femmes esclaves à la prostitution si zot oulé reste chaste, tandi ki ou pé cherche bane choses insignifiants ki la vie lors la terre offert ou. Si kikaine force zot, alors Allah accorde zot So pardon et So miséricorde, kan zot fine forcé fer li. » (An-Nur 24 : 34)

Sa verset là li ouvert nous lizié lors le fait ki bane croyants Musulmans, zot pas seulement bizin libère zot bane esclaves madame ou fille, mais ki zot bizin aide sa bane là financièrement afin ki zot capave alle refaire zot la vie avec dignité. Ou bien si zot pas libère sa bane esclaves là, mais ki zot préfère marié avec sa bane filles ou madames esclaves là, alors le mariage vine zot libéralization kot zot arrête pou vine ene esclave et vivre couma ene partenaire libre et égale avec zot bane missiés. Et sa bane richesses ou l’argent ki bizin donne zot là, li capave aussi pé réfère à Mahr ki sa bane croyants là bizin donne zot ki zot désires marié avec sa bane filles ou madames ki ti bane esclaves là, et sa li pareille couma Mahr ki donner à m’importe ki musulmane libre kan li marié et kot li recevoir so Mahr comme ene cado de so missié. Sa Mahr là li ene sécurité ki Allah fine ordonne bane missiés pou donne zot madame et missié là obligé paye sa Mahr là. En plisse de sa, sa verset là fer nous rappelle ki nous dibiens li en vérité pas appartenir à nous, mais ki c’est Allah ki la source de nous dibiens. Tout dibiens ki nous ena li vine de Allah, et nous seulement capave jouir de sa temporairement tandi ki Allah li ene Propriétaire Éternel. Alors n’importe ki dimoune ou société li seulement ene propriétaire temporaire de sa dibiens ki Allah fine confié li là, afin ki li gère sa dibiens là d’après la volonté d’Allah, d’après guide Allah. Si Allah dire, dépense en charité, ou bien donen Zakaat, alors si nous vraiment bane croyants, nous bizin soumette à sa bane commandements, sa bane volonté d’Allah là, et faudé pas nous vine avare et garde nous richesses pou nous-mêmes. Tout sa là temporaire sa, et saki la volonté d’Allah dicté nous pou fer, alors nous bizin fer li. 

Bon traitement à bane esclaves ti ene MUST, ti obligatoire dans l’âge d’or de l’Islam. Mais ki na pas ena aucaine esclave (dans même style ki ti ena dans le passé), mais dans nous l’époque actuelle, ena saki nous appelle, l’esclavage moderne, l’esclavage caché, kot ene exemple de sa, partout ena bane madames ki forcé à la prostitution, zot victimes de viol et zot forcé pou vivre ene la vie misérable dans la servitude sans ki li gagne ene l’éducation de base, et sans ki li gagne ene connaissance académique. Tous sa là ena dans nous l’époque, kot bane gouvernements pé rassure nous ki tout corék kan nannié pas corék. Tous les jours bane l’enseignements du Quran Shareef pé piétiné enba lipié de bane dimounes ki rode prend bane madames comme bane objets de plaisirs et faire zot vine complètement soumette à zot, couma derniers de bane créatures lors la terre. 

Si bane esclaves couma ti exister dans le passé fine quelques peu disparaite, mais c’est ene réalité ki beaucoup dimounes maintenant zot travailles couma serviteurs ou servantes dans la caze de bane dimounes pour ene la paye. Même pour sa bane kalité dimounes là, bizin donne zot ene grand respé. Zot capave pauvre, mais zot bane créatures d’Allah et nous égale, surtout encore si zot bane croyants. 

Fine rapporté dans Bukhari Shareef ki Hazrat Muhammad (saws) fine dire : « Zot bane esclaves (ou serviteur) c’est zot bane frères ; Allah fine place sa bane là sous zot l’autorité. Alors celui ki ena ene frère sous so l’autorité, li bizin donne li manger de saki li-même manger et habille li de saki li-même habiller. Pas mette ene fardeau lors zot ki zot pas capave saryé, et si arriver ou mette ene fardeau lors zot, alors aide zot. »

Abu Dawud dans so livre de Hadiths rapporté ki Hazrat Muhammad (saws) fine dire aussi : « Aucaine d’entre zot faudé pas dire « mo esclave male » (mo serviteur) ou « mo esclave femelle » (mo servante) et esclave là faudé pas dire « mo Seigneur » ou « mo Dame ». Celui à ki esclave là appartenir bizin dire « mo garçon » ou « mo tifille » et esclave là bizin dire « mo maitre » et « mo maitresse ». »

Dans so Khutba d’adieu, pendant le Hajj dans Makkah, le plus noble de tous bane prophètes et dimounes, Hazrat Muhammad (saws) fine dire :

« Toute l’humanité vine de Adam et de Eve. Ene Arabe li pas supérieur à ene non-Arabe, et ene non-Arabe li pas supérieur à ene Arabe; et bane Blancs pas supérieurs à bane Noirs, de même ki bane Noirs zot pas supérieurs à bane Blancs.  Aucaine dimoune pas pli supérieure ki so camarade, excepté dans la piété (Taqwa) et dans bons actions. Zot conné ki sak musulman li le frère de tous bane les autres musulmans.  Zot tous égale.  Zot pas ena aucane droit lors bane dibiens ki appartenir à ene de zot bane frères, à moins ki li fine fer ou don de sa librement et de plein gré.  Par conséquent, zamais vine injustes les z’uns envers les autres. »

En résumé, Hazrat Muhammad (saws) pas ti croire ki seulement bane esclaves d’ene race, religion ou ethnicité particulier ti bizin libérer ; li ti envie au contraire libère bane la chaines de bane esclaves autour du monde. Le fait ki Quran Shareef fine fer sa travail là avec ene tel spécification ki zamais fine trouver dans bane les autres livres saints et l’enseignements de bane les autres religions, alors sa fer le Quran Shareef vine le plus grand livre anti-esclavage parmi tous bane les autres livres, et Hazrat Muhammad (saws) li-même comme le plus grand abolitionniste ki sa la terre là fine trouver. Même au moment de so la mort, so tracas ti pour bane esclaves (et aussi bane captifs/captives) ki ti sous responsabilité de bane Musulmans. Li fine dire : « Reste ferme dans Salaat (Namaz – la prière) et prend soin de bane ki zot la main droite possédé (c’est-à-dire, bane esclaves et bane prisonniers). » (Ibn Majah).

Dans ene l’autre version, Hazrat Muhammad (saws) fine dire : « Observe zot Salat, Observe zot Salat ! Et gagne la crainte d’Allah en séki concerne saki zot la main droite possédé. » (Abu Dawud)

Si nous analyse nous-mêmes, nous propre la vie et nous propre êtres, nous pou réalizé ki nous tous nous bane esclaves d’Allah. Nous capave pou choisir sois vine ene bon esclave ou ene mauvais esclave, et Allah nous Maitre le Tout-Puissant pou deal avec nous dans façon ki Li envie. Si Li envie traite nous avec So Miséricorde et gentillesse, alors li tout droit pou fer sa, et si Li envie puni nous, alors Li ena tout droit pou puni nous. Nous seulement bane instruments dans So la main. Si nous réflecter bon dans nous, Li pou traite nous avec gentillesse et considération, mais si nous dépasse limites, et nous alle trempé dans bane attractions satanique, alors nous pou dirige nous-mêmes vers la perdition. Alors suivre bane commandements divines rassure nous de nous Maître, de nous Rab So satisfaction, tandi ki si nous alle contre So volonté, alors nous pou invite lors nous-même la colère d’Allah. Alors li dans nous l’intérêt ki nous reste toujours obéissant envers nous Rab, nous Allah, parski si nous gagne sa l’honneur pou vine So esclave le plus dévoué, sa pou ene position ki bien honorable. En vérité, nous bien-aimé prophète Hazrat Muhammad (saws)