Text Box: بسم الله الرحمن الرحيم   Khutba Eid-ul-Adha   HADHRAT AMIR’UL MUMINEEN MUHYI-UD-DIN   Munir Ahmad Azim   16 Octobre 2013 (10 Dhul-Hijjah 1434 Hijri)   (Résumé Khutba Eid)   Après ki li fine souhaite « Assalamoualaikum Warahmatullah Wabarakaatouhou » et EID MUBARAK à tous so bane disciples (et tous bane musulmans) entier le monde – en mentionnant bane l’Iles avoisinants, l’Inde, Kerala, Trinidad et Tobago etc. – Hazrat Khalifatullah (atba) fine commence so Khutba Eid avec Tashahhud, Ta’uz, Surah Al Fatiha, et ensuite li fine dire: Eid Mubarak ! وَ مَنۡ اَظۡلَمُ مِمَّنۡ مَّنَعَ مَسٰجِدَ اللّٰہِ اَنۡ یُّذۡکَرَ فِیۡہَا اسۡمُہٗ وَ سَعٰی فِیۡ خَرَابِہَا ؕ اُولٰٓئِکَ مَا کَانَ لَہُمۡ اَنۡ یَّدۡخُلُوۡہَاۤ اِلَّا خَآئِفِیۡنَ ۬ؕ لَہُمۡ فِی الدُّنۡیَا خِزۡیٌ وَّ لَہُمۡ فِی الۡاٰخِرَۃِ عَذَابٌ عَظِیۡمٌ ۝ Wa man ‘azlamu mim-mam-mana ‘a masaajidallaahi ‘ayy-yuzkara fiihas-muhuu wasa-‘aafii kharaabihaa? ‘ulaaa-‘ika maa kaana lahum ‘ay-yad-khuluu- haaa ‘ilaa khaaa-‘ifiiin. Lahum fid-dunyaa khiz-yuww wa lahum fil-‘Aakhirati ‘azaabun ‘aziim. Ki faire plus grand ditort ki dimoune ki empêche rappeler nom Allah dans mosquées, et ki faire ene zeffort pou ruine bane mosquée là ? Bane dimoune coumsa là, c’est seulement avec frayeur ki zot ti capave rentre dans mosquée. Pou zot ena déshonneur lors la terre, et ene grand punition dans la vie future (après la mort). (Al-Baqara 2: 115) اِنَّمَا یَعۡمُرُ مَسٰجِدَ اللّٰہِ مَنۡ اٰمَنَ بِاللّٰہِ وَ الۡیَوۡمِ الۡاٰخِرِ وَ اَقَامَ الصَّلٰوۃَ وَ اٰتَی الزَّکٰوۃَ وَ لَمۡ یَخۡشَ اِلَّا اللّٰہَ فَعَسٰۤی اُولٰٓئِکَ اَنۡ یَّکُوۡنُوۡا مِنَ الۡمُہۡتَدِیۡنَ ۝ ‘Inna-maa ya’-muru ya’-muru ma-saajidallaahi man ‘aamana bil-laahi wal-Yawmil ‘Aakhiri wa ‘aqaamas-Salaata wa ‘aataz-Zakaata wa lam yakhsa ‘illal-laaha Fa-‘asaaa ‘ulaaa-‘ika ‘ayy-yakuunuu minal-Muhtadiin. Seul dimoune ki capave entretenir mosquées Allah, c’est bane ki ena la foi en Allah et le dernier jour, ki pratique la prière (Salat) régulièrement, ki donne Zakaat et ki peur Allah seul. C’est dimoune coumsa ki capave reste lors bon chemin. (At-Tauba 9: 18) Nous pé célébrer Eid-ul-Adha, Bakr-Eid azordi pou commémore le sacrifice de Hazrat Ibrahim (as). Mais faudé pas nous oublier aussi rôle important ki sa deux les autres dimounes ki ti ensam avec Hazrat Ibrahim (as) fine ena dans sa grand sacrifice. Sa deux là c’est l’épouse de Hazrat Ibrahim (as), Hazrat Hajra (ra), et zot garçon unique Hazrat Ismail (as). Zot mérite d’avantage nous l’admiration parski zot pas fine hésité pour accepter avec joie décret d’Allah concernant sa sacrifice ki Hazrat Ibrahim (as) ti ena pour faire kot li ti bizin abandonne zot dans le désert de l’Arabie, kot pas ti ena aucaine civilization. Bane musulmans tous les l’années bizin profite de sa sacrifice exemplaire là, kot zot bizin essaye de zot mieux pour comprend l’importance signification de sa bane sacrifices ki sa bane élus d’Allah là fine faire. D’ene côté, bane z’hommes bizin faire zot ene devoir pour gagne même l’esprit de sacrifice ki Hazrat Ibrahim (as) fine ena, bane madames, même l’esprit de renoncement ki Hazrat Hajra (ra) fine ena et bane z’enfants même l’esprit de soumission ki Hazrat Ismail (as) fine fer preuve. Kan mo pense à bane jours précédent Eid-ul-Adha, bane jours kot bane pèlerins, bane Hajjis pé prépare et alle fer le Hajj, et kan mo pense à sa jour sacré (Bakr Eid) là, alors larmes coulé dépi mo lizié et mo ressenti ene tristesse profond ki serre mo lécoeur kan mo penser ki l’accès pour faire Hajj – le 5ème pilier de l’Islam – fine interdit à nous, mais seulement c’est pas Allah ki fine interdit nous sa, mais c’est l’homme même avec so ti l’esprit ki pé rode juge la foi dimounes pou empêche nous rentre dans Makkah pou fer nous Hajj. Allah (swt) fine toutefois donne moi le soulagement nécessaire et fine dire moi pou prend patience, parski sa aussi c’est ene grand sacrifice ki nous pé accompli et sa faire plisse ki 39 ans ki bane imbéciles fine interdit nous l’accès à Makkah pour faire le Hajj. C’est nous bane croyants de Hazrat Massih Maoud (as) ki fine fer, ki pé faire ene grand Qurbani (sacrifice) couma nous ancêtre Hazrat Ibrahim et Hazrat Ismaël (as). Le gouvernement pakistanais et saoudiens et zot bane moullahs fine passe plusieurs la lois pour empêche bane croyants de Hazrat Massih Maoud (as) (le Messie du siècle passé) pou alle faire le Hajj à la Mecque. D’après zot la loi, bane croyants du Massih Maoud (as) zot bane non-musulmans et pas autorisé pou accomplir le Hajj dans Makkah. Ene demande fine faire aussi auprès du gouvernement de l’Arabie Saoudite pour ki bane croyants de Massih Maoud (as) pas rentrer même dans Makkah. D’après zot, nous présence dans Makkah et Madina pour le Hajj et Oumrah pou constituer ene insulte à sa bane sanctuaires religieux là. La question ki nous bizin poser, li coumsa: couma faire distinction entre ene vrai musulman et ene saki fausse – ene ki Sahih (authentique) de celui ki Musulman que de nom – selon la foi et bane pratiques islamiques ? Ki sanlà bizin décider de sa, c’est seulement Allah, nous maitre et seul juge. Tout kitchose ki touche la religion et la foi, li entre l’homme et so créateur, Allah. Comme être humain, nous absolument péna aucaine pouvoir et aucaine droit pou décide pour les autres, pou déterminer ki la foi ene dimoune bizin ena. Nous pas tracasser ki dimounes colle lors nous l’étiquette de non-musulman. Si dans lizié d’Allah, nous bane musulmans, sa suffit pou nous. Dans aucaine façon nous pas bizin kit attestation d’ene quelconque gouvernement Pakistanais ou Saoudien ou de bane les autres pays islamique ou d’ene assemblée pour fixé pou nous, nous sort, sipa nous Musulmans ou non. Li exacte pou dire le gouvernement Pakistanais et Saoudien fine passe plusieurs la lois concernant le Hajj de bane croyants de Hazrat Massih Maoud (as) dans Makkah et sa bane suivants de Hazrat Massih Maoud (as) zot en grand nombre, et zot pas capave alle faire Hajj à cause l’hostilité de certains bane l’états musulmans. Kaaba li premier la caze ti fine construire pour l’adoration d’Allah, ene la caze commun, pour toute l’humanité sans distinction de religion, de couleur et de race ; ene la caze béni kot bane dimounes tire plusieurs bénéfices et bénédictions et li ene telle la caze ki dédié à l’humanité pour guide li et donne li la paix de l’âme. Bane ki ena le moyen et capave alle fer le Hajj, bizin alle accompli li au nom de zot Rab – sa c’est injonction ki Quran Shareef fine fer à bane fidèles de l’Islam. Aujourd’hui, nous, bane croyants de Hazrat Massih Maoud (as) nous trouve nous exclu de sa pratique là. Donc, la question ki posé c’est: depuis kan Allah (swt) fine rejette So bane propres injonctions, ki permette l’accès à Kaaba Shareef à tous bane dimounes sans distinction, et ki parmi bane dimounes fine donne zot-mêmes sa droit là pou fer couma dire zot fine gagne sa bane pouvoir de Allah là ? Ki zot été zot pour décider ki sanlà d’entre bane dimounes capave alle fer le Hajj ou pas ? Kaaba Shareef li la caze d’Allah et non propriété de qui que ce soit. Couma mo fine cité au commencement de mo Khutba, Allah dire dans Quran Shareef: Ki faire plus grand ditort ki dimoune ki empêche rappeler nom Allah dans mosquées, et ki faire ene zeffort pou ruine bane mosquée là ? Bane dimoune coumsa là, c’est seulement avec frayeur ki zot ti capave rentre dans mosquée. Pou zot ena déshonneur lors la terre, et ene grand punition dans la vie future (après la mort). (Al-Baqara 2: 115) Seul dimoune ki capave entretenir mosquées Allah, c’est bane ki ena la foi en Allah et le dernier jour, ki pratique la prière (Salat) régulièrement, ki donne Zakaat et ki peur Allah seul. C’est dimoune coumsa ki capave reste lors bon chemin. (At-Tauba 9: 18) Mo cite devant zot ene Hadith très important ki rapporté dans Sahih Muslim par Hazrat Abu Huraira (ra) : Le Saint Prophète (saw) fine adresse nous et fine dire : « O bane dimounes, Allah fine prescrire Hajj pou zot, alors prend bien soin pou accompli li. » Ene dimoune fine demandé : « O Messager d’Allah, eski li prescrire pou nous (pou nous accompli li) tous les l’années ? » Le Saint Prophète (saw) fine reste tranquille ziska ki missié là fine répète so question 3 fois. Alors le Saint Prophète (saw) fine dire : « Si mo ti dire ‘Oui’, alors li ti pou vine obligatoire (lors zot) et zot pas ti pou capave (ou ena le moyen) accompli li. » Ensuite li fine dire : « Laisse moi tranquille tanque ki mo pas impose kitchose lors zot. Ena parmi bane dimounes/peuples avant zot ti ruiné à cause de zot l’habitude pose trop beaucoup question et kot zot ena bane clashs (différences d’opinions) avec zot bane prophètes. Alors kan mo donne zot l’instruction pou fer kitchose, alors fer li autant ki li dans zot capacité et kan mo interdit zot kitchose, alors reste toujours loin avec sa. » (Muslim) Aucaine part dans la vie de nous bien-aimé maitre, Hazrat Muhammad (saw) nous pas trouve ene telle interdiction fine passé (kot) : le Hajj dans Makkah fine interdit à bane ki adore le Tout-Puissant et ki proclame So l’unicité. Non plus, durant période de bane quatre Khulafa-e-Rashideen, bane Khalifa ki fine succède le Saint Prophète (saw) ene telle interdiction à bane fidèles fine proclamée. Mais séki évident, c’est ki clair c’est l’interdiction, ki bane adversaires de Hazrat Muhammad (saw) et de so bane Sahaba ki fine passé pou empêche li et bane croyants alle fer Hajj dans Makkah, et sa le Quran Shareef même et bane Hadiths mentionné. Li temps ki zot faire ene l’examen de zot conscience à la lumière de bane l’enseignements du Quran Shareef et de bane Hadiths. Si reste même ene ti boute la lumière dans profondeur de zot l’âme, alors zot pou peut-être comprend ki sanlà ene vrai musulman, et ki sanlà zis musulman par l’apparence. Si zot contigner interdit nous l’accès à Hajj kot la caze d’Allah et si zot persisté pou suivre le chemin tracée par bane l’ennemis du Saint Prophète (saw), kot zot senti en zot-même ene contentement extraordinaire pour sa bane actions là et zot fiers de saki zot fine fer (kot zot fine interdit nous l’accès à Hajj), alors malheur à zot. Kan à nous, Allah et So prophète (saw) suffit pou nous. Interdit autant ki zot oulé, mais l’amour ki nous ressenti pour Allah, pour So messager, pour Makkah et Madina, zamais zot pas pou capave enlève sa de nous les cœurs. Nous complètement imbu de sa l’amour là. Ô bane amoureux d’Allah, Ô bane amoureux de Hazrat Muhammad (saw), zot ki fine étudié l’unicité d’Allah et fine recevoir la guidance du Saint Prophète (saw), zot ki fine apprane l’exercice de la spiritualité à travers li, mo donne zot l’assurance et mo promette zot ki aussi longtemps ki pou interdit zot l’accès pou fer Hajj dans Makkah au nom d’Allah, et à cause la peur ki bane risque kan alle fer Hajj capave représenter, alors zot Hajj pou accepter, pou accepter, pou accepter. Insha-Allah. De ce fait, Ô bane Hajjis ki pas capave déplacer pou alle faire le Hajj, mo fer zot mo bane compliments et mo félicite zot. Mo souhaite zot bonheur pour sa fête de Eid-ul-Adha là aussi et mo bane compliments à nous génération de Sahih-al-Islam. Kan Allah (swt) fine révèle moi ki Insha-Allah la porte Hajj pou ouvert pour nous, la Jamaat Ul Sahih Al Islam, li ti couma dire ene kikaine fine masse tout mo lécorps et retire tous bane la peines et créer dans moi ene sensation étrange de douleur et de la paix, et de ce fait libère moi de tout tracas concernant sa sujet là. Mais sa bon nouvelle là, mo fine transmette zot certes, ki Allah (swt) pou ouvert bane chemins du ciel pour nous et très bientôt la décision divine pou domine tous bane plans ki l’homme fine fer dans sa le monde temporaire là. Insha-Allah. Nous pou gagne la permission, par la grâce d’Allah, pou accomplir nous vœux le plus cher : pou alle dans Makkah pour faire nous Hajj, le cœur rempli d’amour d’Allah et du Saint Prophète Muhammad (saw). Insha-Allah, péna aucaine de doute dans le message ki sa humble serviteur d’Allah là fine recevoir de so créateur et définitivement sa pou réaliser dans bane l’années ki pé vini, Insha-Allah kot Allah (swt) pou combler So Khalifatullah et bane membres sincères de la Manifestation Divine de sa siècle là par ene victoire éclatante kan nous pou rentre dans Makkah, pour faire le Hajj, Insha-Allah. Moi et tous mo bane disciples sincères de la Jamaat Ul Sahih Al Islam international, nous confiants ki le jour pou vini kan tous sa bane interdictions là pou enlevé et ki nous pou bienvenus à Makkah. Insha-Allah, Ameen. Eid Mubarak.

Écoute le Khutba Eid du Khalifatullah Munir A. Azim en intégralité (Audio)