بسم الله الرحمن الرحيم

 

Khutba Jummah

 

HAZRAT KHALIFATULLAH AL-MASSIH AL-MA’OUD

 

Munir Ahmad Azim


22 Avril 2011 ~

 

(18 Jumadul Awwal 1432 Hijri)

 

(Résumé Khutba)

 

Après Salam, Hazrat Khalifatullah Al-Massih Al-Maoud fine commence so Khutba avec Tashahhud, Ta’uz, Surah Al Fatiha, et ensuite li fine contigne so Khutba lors l’importance de la barbe dans l’Islam:

 

Par la grâce d’Allah, Allah (swt) fine donne moi le Tawfiq pou continuer Khutba Jummah de la semaine dernière lors l’importance de la barbe.

 

Tout d’abord, mo bizin dire ki li bien triste pou constater ki certains Maulana, amirs, et bane membres de bane comités centrales dans l’Islam etc. zot laisse zot emporter par ene tel acte anti-Islamique (c.à.d, rase zot la barbe). Li nek reste pou nous pou qualifier sa bane kalité dimounes là couma : « bane zanimo quatre la patte ki seulement bon pou charrier bane livres (couma dire bourrique) ! » 

 

En effet, zot dans ene bien mauvais position parski zot conne très bien bane la loi Shariah, et c’est zot devoir sa pou prêche sa bane la loi là à bane les autres dimounes. Mais malheureusement, zot-mêmes zot pas pratique séki zot prêcher.

 

Ena beaucoup avertissements dans Quran et dans bane Hadiths pour bane tels kalité Mullahs ki pas mette en pratique séki zot pé alle prêcher. Nous ena même comme l’exemple ici à Maurice dans Jamaat Ahmadiyya sa soi-disant Maulana Basharat Naveed là. Ene dimoune ignorant li pou facilement alle suivre bane mauvais manières de sa bane tel kalité Maulana là (en pensant ki zot bane bons dimounes et zot bane l’exemple à suivre). Péché d’ene telle forme de non respect à la religion li retombe très justement lors sa kalité Maulana là et aussi bane conséquences ki attachés avec sa, c’est-à-dire, celui ki donne coup de main dans fer ene mauvais action, li aussi responsable ki celui ki fine commette péché là.

 

Donc, li pou parmi bane ki pou bizin supporte fardeau de bane conséquences de sa péché là. D’après moi, bane amirs, bane Maulanas, bane responsables de tous bane Madrassa kot bane étudiants commette sa péché là (c.à.d, rase la barbe ou garde la barbe dernier la mode) ou tout bane les autre acte non-islamique, ti bizin prend bane sanctions sévères tout en donnant à sa bane étudiants là, la possibilité pou repentir et pou népli commette sa bane kalités péchés là, ou alors zot ti bizin renvoye sa bane étudiants là tout de suite.

 

Si arriver donne sa bane kalités étudiants là (ki pena Deen dans zot là) bane position de chef (Imam), alors li pareil couma dire pé détruire l’humanité et l’Islam. Si donne l’éducation à bane tels dimounes désobéissants et mal-élevés, alors li pareil couma dire pé donne bane z’armes et bane balles à ene voleur. Après, nous bizin garde à l’esprit ki li pas permette à ene coiffeur musulman pou coupe ou corrige la barbe ou bane cheveux dans ene l’autre façon ki façon ki Shariah fine autorisé. Kan aide ene kikaine dans un acte de péché li pareil couma dire ou-même fine commette en réalité sa acte là.

 

Ene coiffeur musulman bizin poliment refuse pou fer ene tel acte non-islamique. Ena encore quelques coiffeurs honnêtes et ki ena Taqwa, kot zot refuse carrément pou rase la barbe de zot bane clients. Malgré ki zot nombres bien peu, mais mo conne détrois là-dans ki reste ferme dans zot décisions, malgré ki kalité problèmes zot gagner, parski pour zot, vaut mieux passe par toutes sortes de difficultés, mais seulement pour commette ene tel acte ki contre bane la lois islamiques, sa zot refuse pou fer !

 

Mo pou cite encore quelques l’exemple pou fer zot mieux comprend sa sujet là. Dans ene royaume ou dans ene système politique ki organisé, sak département ena so uniforme personel. L’uniforme de la police et de l’armée li différent, et uniforme de bane SMF et de bane gardes (haut-gradé) zot différents. Ena aussi ene différence entre l’uniforme de bane forces terrestres et celui de bane forces de l’air (c.à.d, l’armée de terre et l’armée de l’air). L’uniforme de bane postiers li totalement différent de celui de bane les autres rangs et travails etc. Si arriver ene de sa bane officiers là arriver pas mette so propre uniforme alors ki li en service, alors li pou gagne bane réprimande sévère, kot li capave même pénalisé. Pareil couma sa bane uniformes là zot nécessaires dans fonctionnement effectif de sak royaume ou gouvernement, de la même façon bane uniformes zot très importants entre bane tribus et bane nations dans le royaume d’Allah.

 

Si nous fer ene l’étude, nous pou trouver ki l’Angleterre, la France, l’Allemagne, etc. zot ena sakaine zot propre drapeau, zot propre uniforme, dans ene telle façon ki bane ki familiers avec zot capave tout de suite identifier zot. Zot capave être identifier dans bane champs de bataille, lors bane points de rencontre politique, lors bane fronts d’attaque. Sak nation ena le devoir pou protéze so drapeau arrive séki arrive, et même zot ena pou protéze zot bane l’emblèmes et  symboles nationals. En fait, kan ena bane transgressions dans sa domaine là, alors sa capave provoque bane tels situations ki bien graves, kot sa capave enflamme la situation. Essaye rasse ene drapeau ou bien essaye insulter li dans n’importe ki façon et ou pou trouve bane consékances ki sa capave provoquer ; et kot sa capave même alle ziska déclenche ene la guerre.

 

Sa système d’identification là fine toujours adopté par bane gouvernements, bane nations et bane groupes religieux depuis bien longtemps. Sans sa, li ti pou bien bien difficiles pou identifier bane membres et bane officiers de bane différents ministères du gouvernement, et li ti pou difficile pou faire la différence entre bane nations et entre bane gouvernements.

 

Sans sa, couma eski nous pou capave fer la différence entre ene militaire et ene civil, entre ene policier et ene postier (ki travail dans l’armée) ? Bane uniformes et bane symboles zot considéré comme nécessaires par tous bane nations et par tous bane pays et sa li toujours coumsa aujourd’hui. Bane nations et bane pays ki pas préserve, et ni protège zot uniformes et zot identité zot pou très rapidement et facilement perdi parmi bane les autres nations. Zot disparaite dans ene  telle façon ki pas reste aucaine trace de zot nom et de zot culture. 

 

Si ou guette l’Inde par exemple, bane musulmans fine vine dans l’Inde plisse ki mille ans de cela et si zot pas ti préserve zot identité et zot uniforme, zot ti pou ressembler aujourd’hui à bane Hindous, pareil couma bane les autres dimounes ki fine vine dans l’Inde avant zot et ki pas fine préserve zot identité. Alors sa bane dimounes là fine complètement perdi zot-mêmes parmi bane Hindous, et zot culture etc., et aujourd’hui en dehors du fait ki zot parfois mentionnés dans bane pages de bane livres d’histoire, dans aucaine place dans le monde, nous pas trouve aucaine trace de zot nom ou de zot culture.

 

Bane musulmans pas fine seulement contente zot pou préserve zot uniforme, mais zot fine aussi conserve zot bane valeurs religieuses, zot bane noms Islamiques pour bane missiés et madames, zot bane mode de vie Islamique, zot culture, zot langage, et zot coutumes Islamiques. C’est pourquoi zot fine survivre en tant ki ene nation dans l’Inde, et c’est pourquoi zot identité pour continuer être préservé aussi longtemps ki zot pou protége sa bane valeurs là. Kan zot pou abandonne sa bane valeurs là etc., c’est alors ki zot pou totalement perdi parmi bane lézot, kot zot pou absorber par sa bane les autres peuples là. 

 

Li bien clair, à partir de séki nous fine comprend, ki ene nation ou ene religion, n’importe ki li été, pas pou capave continuer survivre excepter si li adopter ene apparence ki bien différent de bane lézot, si zot pas ena ene forme de civilisation, de culture, de coutumes et de langage ki zis pou li.

 

C’est pourquoi ki li nécessaire pour l’Islam, beaucoup plisse ki tous bane les autres religions, à cause ki li ene vraie religion. Pour préserve et protége sa mode de vie et sa uniforme là et par là pour protége sa religion là même, parfois arriver ki bizin sacrifier nous la vie pour li. Sa uniforme exclusif là li celui de bane ki reste toujours obéissants à Allah, kot zot différencier zot de bane ki transgresse la loi d’Allah.

 

A cause de sa, bane pieux, bane ki garde zot pure, et bane ki travail dures zot ena ene pli grand rang dans lizié Allah (swt) ki bane ki transgresse So bane la loi. C’est sa même ki sa Hadith là pé fer compran : « Quiconque imite ene peuple li pou considéré comme appartenant à sa bane peuple là ».

 

C’est sa Hadith là ki gêne parfois certains musulmans ki ena tendance verse vers ene mode de vie non-Islamique. Sa c’est la raison kifer Rassoollullah (saws) fine suggéré ene uniforme particulier pour so bane disciples. Ene musulman faudé pas rase so la barbe, fauder pas li tire tous bane poils de so la barbe et coupe li trop courte, pareil couma détrois Mullahs Ahmadi fer ; tout sa li interdit !

 

Maintenant laisse nous analyse bane l’aspect médical de la barbe. Ena bane dimounes ki penser ki la barbe li ene ornement pour bane z’hommes et ki sa la barbe là protège zot la gorge et zot la poitrine. 

 

(1) Si ene z’homme raser continuellement, bane la veines ki amène disang ziska so lizié pou affectées et alors so la vue pou baisser (li pas pou trouve clair).

 

(2) Ene longue la barbe empêche bane microbes pou arrive ziska la gorge et la poitrine.

 

(3) Si pendant sept générations bane z’hommes rase zot la barbe continuellement, alors bane z’hommes de zot huitième génération pas pou ena aucaine la barbe ; sa veut dire ki zot sperme pou affaibli de génération en génération ziska zot huitième générations kot sperme là so qualité pou complètement détruit. Tout sa là zot pas bane prophéties, ni bane calculs astronomiques, mais bel et bien bane faits ki strictement médicale. Alors mo pas compran kifer bane dimounes gagne peur et trembler kan zot nek penser ki zot ena pou laisse pousse zot la barbe.

 

Bane dimounes laisse zot cheveux pousse lors zot la tête, alors kifer zot considerer ki li incorrecte et inacceptable pou garde la barbe lors zot figure. Kan bane cheveux arrête pousser lors la tête, kan zot tomber, alors zot trouve sa couma ene défaut grave et zot senti zot honteux. Alors, zot alle rode toutes sortes kalités solutions pou empêche zot cheveux tomber. En bien li bien surprenant pou trouve bane missiés ki fer zefforts tous les jour pou enlève bane poils ki pousse lors zot figure, et kot dans sa façon là zot pé prive zot de signe ki pli flagrant de zot virilité (zot valeur en tant ki ene z’homme), et zot fer sa (c.à.d, raser) sans réssenti aucaine la honte !

 

La barbe et moustache donne figure ene missié ene caractéristique z’homme, et donne zot aussi ene fermeté de caractère, ene intégrité individuelle, et ene identité ki zis pou zot. Ene z’homme so survie et so sécurité li depanne de sa l’apparence brave ki la barbe et moustache fer li gagner.

 

C’est zis sa bane poils là ki différencier bane z’hommes de bane femmes. Bane poils lors bane les autres partie lécorps zot presque pareil, ki li pou l’homme et la femme. Dans le fond de zot conscience, bane madames apprécier plisse bane missiés ki garde la barbe et moustache (bien propre).  Intérieurement, zot préfère sa missié ki garde la barbe là au lieu de celui ki pas ena aucaine signe de virilité lors so figure. Mais ena certains madames ki détester ki ene z’homme garde la barbe et moustache. Raison là c’est ki zot, c.à.d, bane femmes là, zot bane esclaves de la mode et zot suive la mode aveuglement et malheureusement azordi jour (pou zot), la barbe et moustache zot pas à la  mode.

 

Donc, kan ene missié li rase so la barbe, kot so figure pena aucaine trace la barbe,  et kot li vine escalve de la mode, alors tout sa là donne li ene complexe éfféminé. Alors, c’est là même ki li considère l’indépendance, la bravoure, le courage comme étant bane qualités masculins et la barbe li la base même de la manifestation de sa bane qualités (masculins, viril) – En d’autres mots, bane z’hommes azordi jour népli envie considérer comme bane vrais z’hommes !

 

La barbe et moustache pou revine à la mode dans le monde et avec sa supériorité ki Allah fine donne à bane missiés lors bane madames pou révini.  Ene dimoune ki garde la barbe li toujours digne de l’honneur de la barbe, tel ki la société (islamique) exiger de li. Sa donne li ene position d’honneur ki réserver zis pou bane z’hommes. 

 

Alors sa sentiment qui pousse ene adulte mature pou envie ki so figure ressember figure ene zenfant, li bien dans vide, li sans fondation. Allah fine crée la barbe et moustaches pour ki ene z’homme capave orne so figure. Celui qui riye ou boufonne de bane ki garde la barbe pé en fait riye et moque Hazrat Muhammad (saws) et tous bane prophètes (as).

 

En terminant mo dire ki pour plaire à Allah et à So bien-aimé prophète (saws), bane musulmans bizin fer ene grand z’effort, avec sincérité pou suivre, le plusse possible, bane enseignements révélés et pou pas suivre bane caprices, bane goûts et bane fantaisies de bane dimounes égarés et pou pas suivre Shaytane le maudit.

 

Ki Allah accorde nous le ‘Tawfiq’, la force et le courage pou conforme nous à l’Islam et pou pratique li couma  Rassoollullah (saws) fine enseigne nous. Insha-Allah, Ameen.