Text Box: بسم الله الرحمن الرحيم

Khutba Jummah

HAZRAT KHALIFATULLAH AL-MASSIH AL-MA’OUD

Munir Ahmad Azim

21 Octobre 2011  ~
(23 Dhul-Qaddah 1432 Hijri)

(Résumé Khutba)

Après Salam, Hazrat Khalifatullah fine commence so Khutba avec Tashahhud, Ta’uz, Surah Al Fatiha, et ensuite li fine dire:


Alhamdulillah, Allah (swt) fine donne moi le Tawfiq pour contigne mo Khutba Jummah ki mo ti commencé Vendredi dernier le 14 Octobre 2011. Anou guette maintenant bane avantages psychologiques de Salat (la prière). De séki nous fine apprane avant, li claire ki bane avantages psychologiques de la prière zot jouer rôle pli important, ene fait ki soutenu par bane Hadices.
Ene bon médecin li pou ena recours à trois aspects de la thérapie (session travails pou guérie ene dimoune) pour trouve et donne ene remède. (1) Premièrement ena bane médicaments, pour lutte contre la réalité de la maladie ou pou soulage so douleur. (2) En deuxième lieu bizin manger et boire pour renforci bane défenses de nous lécorps et, (3) Ena la peur, l’espoir, la joie ou la tristesse ki bane l’émotions ki sa médecin bizin réveiller (dans patient là) à travers so bane conseils ki li donne patient là afin ki li capave vaincre so maladie (tout dépende circonstances et conditions dans ki li trouve patient là).
Toutefois, parmi tous sa là, meilleure c’est la prière (Salat et aussi duah, zikr). Si ene dimoune li engagé dans Ibaadat (l’adoration) d’Allah, li pou ressenti ene appréhension, ene la peur et l’espoir, et aussi ene nervosité et l’amour. Et kan li pense lors Akhirat (à la vie future), li pou renforci so bane facultés, li pou ena ene contentement dans so lékaire et li pou débarasse li par sa même moyen là sa maladie là.
Bane derniers tendances en psychiatrie, à la fois dans façon ki li dérouler et dans la thérapie, li demande ene base biochimique pour la maladie mentale. Salat et Zakat capave produire bane changements mentales, et fine même observer ki le comportement psychotique (au niveau l’esprit) fine déterminé comme positif. Le contraire aussi li appliquer (pas zis positif, mais aussi négatifs). Dans ki sens li négatif, et pou ki type de dimounes ? Bane derniers tendances dans psychiatrie ki concerne le lien de bane dépressions et même de bane névroses (c’est-à-dire, bane maladies mentales) ainsi que les psychoses (l’état d’esprit malade kot dimoune là li perdi notion de la réalité) li révélé ki tout sa là ena ene lien avec bane comportement anti-Sunna. Faudé dimounes, en l’occurrence bane musulmans, fine alle à l’encontre du Sunna du Saint Prophète (saws) ki zot fine arrive dans ene telle situation, ki malgré zot fer Namaz, mais action et l’esprit pas en harmonie, kot zot écarte zot totalement avec saki Hazrat Muhammad (saws) fine prêcher et mette en pratique, ki li dans so Salat et dans so la vie de tous les jours.  Alors sa activité anti-Sunna là li capave prend dépi erreur dans l’alimentation et li capave alle jusqu’à ene mauvais nutrition (par exemple, ene manque d’acides nicotiniques (c’est-à-dire, vitamines B3) ki capave fer ene dimoune vine fou – perdi la tête, etc.) et aussi li capave dirige vers ene activité antisociale comme l’isolement, manque de compagnie sociale et ene manque de guidance. Tous sa bane facteurs là zot représentés dans bane divers aspects de Salat, (par example, Salat en congrégation li faire dimounes nourri bane bons sentiments envers so bane frères et pou rode zot compagnie) et alors tous sa là capave empêche sa dimoune là gagne maladie mentale.

En plusse de sa, bane les autres formes de maladies mentales aussi capave diminuer et même empêcher par récitations de bane différents surahs du Quran Shareef. 

En vue de sa, récitation de bane Muwazathian, c’est-à-dire, Surah Al-Falaq et An-Nas fine recommandés par bane Hadiths.  Ibn Walid fine ene fois plaigner ki li gagne beaucoup cauchemars et alors li fine gagne comme prescription pou lire certains Ayats Quran.

Salat li stabilise l’état lécorps, surtout bane organes ki trouve dans le corps et fonctionnement lécorps en générale. KAN L’homme passe par bane moments de tracas, agression et bane activités dans so la vie de tous les jours, alors bane hormones de stresses zot sécrété par le corps. Sa bane hormones là, kot cortisone li le principale, alors sa provoque ene élévation dans pression disang et secretion insulin augmenter et kan sa arriver, sa mobilize di sucre dans bane réserves (de nous lécorps). Si tous sa bane réactions pas contrôler, alors sa capave créer bane telles maladies couma hypertension, congestions (bane attaques) et bane crises cardiaques. Bane périodes d’interruption dans pratique de Salat cinq fois par jour li permette pou casse sa bane réactions de stresse, et alors Namaz li permette lécorps pou récupérer (pou reposer, relaxe et pou reprend so la force). 

Même bane problèmes capave régler pendant Salat; sa vrai guidance là vine possible kan ene dimoune li concentrer dans  Salat. Dans le domaine mentale, Salat ensam avec ene dépendance lors le Créateur pou prévenir et guérir la plupart, sinon la totalité, de bane maladies mentales, de bane dépressions et psykozes majeures (kot dimounes là fine couper totalement de la réalité, kot li perdi la tête et li pas prend compte la vie lors la terre couma li pé vivre actuellement). La position du Sajda, ki représente ene position ki nous ti prend kan nous ti dans ventre nous maman (c’est-à-dire, la position fétale), par exemple li servi par certains psychiatres pour inculquer la sécurité et pou libère bane dimounes de la peur.
En commençant avec le Wuzu, ki nécessite lavage de la bouche et de bane narines, on peut trouve ene reduction de bane maladies ki causer par bane infections de la bouche et néné, tel couma infection streptocoques ki affecter la gorge, la fièvre rhématique, avec so bane complications de bane valves (dans le corps) kot sa réduire infection dans lékaire et dans lérein.  
Lavage de la peau, ki représente organe ki pli large de lé corps, capave aussi conduire à ene diminution de bane infections ki ena là-dans. Ene kitchose remarkable ki nous mette aussi de l’avant c’est manière brosse lédents ki ti ena dans l’époque de Hazrat Muhammad (saws) et ki fine décrire par Ibn Abbas ; sa li ene kitchose ki aucaine dentiste moderne pou capave dépasser, ou exceller. Bane avantages de la prière en li-même li aide et accélère digestion et l’évacuation (de bane matières ki lécorps pas bizin), et sa alors li baisse fréquence de constipation. Ene meilleure digestion pou amène à ene meilleure utilisation de bane aliments (manger et boire). Bane actes physiques ki dimounes faire, surtout ici dans contexte Salat, li faire bane joints et bane muscles lécorps faire l’exercice ki bizin, et la physiothérapie (thérapie lécorps pou fer li travail, et exercer) fine prouvé ki l’exercice li bénéfique même pou bane ki souffert arthrite, bane douleurs musculaires et bane les autres douleurs.
Sajda empêche bane mals de tête, bane sinusites et même bane lé rhumes. Les maladies ki arriver à cause mouvements (lécorps) couma vertiges et étourdissements peuvent bénéficié de Sajda – et l’esprit, la pensée aussi capave bénéficier de sa – kot sa dimoune là li recevoir l’aide de so Créateur. Fine prouver ki kan augmente débit cardiaque, sa améliore le cœur. Facteur antistress ki ena là-dans li conduire à ene stabilité de santé de lécorps kot li capave empêche l’hypertension et bane maladies ki associé avec sa couma bane coups et bane attaques cardiaques. En plisse de bane avantages de Akhirat, ene Hadith Qudsi mérite ki nous mentionne li dans so intégralité ici parski li ena bane implications ki li pou ene dimoune et la société aussi.
Allah fine dire: « Quiconque montrer ene adversité (ene la haine) envers ene de Mo bane serviteurs dévoués, Je déclare la guerre avec li. Mo serviteur pas approche avec Moi excepter avec saki Mo pli content, à travers so bane devoirs religieux ki Mo fine commande li faire, et Mo serviteur pas pou arrête rapprocher (avec Moi) par bane actes Nafil (volontaire) ziska ki Mo content li. Kan mo content li, Mo vine so zoreilles par quoi li tendé, so lizié par quoi li trouver, so la main par quoi li batté, et so lipié par quoi li marché. Alors ki li demande Moi kitchose, et Mo pou surement donne li, et ki li demande Moi protection, Mo pou surement accorde sa. » (Bukhari)

Saki pé rode dire dans sa Hadith là c’est ki l’homme capave surpasse barrière létemps et l’espace et gagne bane attributs d’Allah ki reflecter dans li, et alors li recevoir de Allah la capacité pou contrôle so l’environnement dans quoi li pé vivre, en entier. Sa veut dire ki li capave – kan li suive Sunnah (de Hazrat Muhammad (saws)) – pou gagne ene la bon santé physique et mentale, pas seulement pou li mais aussi li capave faire bane changements dans so l’environnement. C’est sa le sens de la réussite de tous bane musulmans et c’est sa même la source de zot dynamisme (zot courage, zeffort et la force).
Salat et duahs ki faire avec humilité et tendresse de cœur zot vine bane la prières spéciales ; pareil couma ene ti baba ki pas encore conne causer, ki li faire pou attire l’attention so maman ? Li pleurer pou ki so maman vine vers li avec so grand gentillesse. Pareillement, kan supplier Allah ki li dans Salat et bane duahs avec larmes ki rempli dans nous lizié, et avec ene pli grand humilité, alors sa vine ene moyen pli efficace pou ki nous communique avec Allah. Li (Allah) fine faire dessane dépi léciel de So miséricorde ene telle médicament, guérison et bienfaits ki extrêmement efficace. Li facilement disponible dans ene sens, mais rare dans ene l’autre (sens). Li capave paraite commun, mais en fait li pli spéciale (sa la prière et larmes ki faire et verser devant Allah). Nous pas ena la capacité pou décrire ene telle moment, ni faire so éloge dans façon ki bizin, parski sa (la prière avec larmes et humilité) li ene remède universel pou des milliers de maladies. Ene tel médicament miracle c’est Salat, et du’as. La prière c’est le désir de nous cœur pou vine ENE (UN) avec le Créateur et l’invocation (du’as) nous faire pou récolter So bane bénédictions. L’étude et réflexion lors bane du’as ki trouve dans Quran li montrer ki l’élément le plus commun c’est l’utilisation de bane mots de louange ; la louange d’Allah li ene prescription pour l’homme, kot sa rapproche li d’Allah.
Ene meilleure compréhension de concept ki trouve dans Quran à propos l’homme et Allah montrer ki ena zis ene sel la ligne droite, ki nous capave appelle « but » (nous but). La ligne représente la ligne de vie de tout bane dimounes, boute supérieure de sa la ligne là c’est Allah et l’autre boute inferieur de sa la ligne là c’est l’homme. Bien ki sa la ligne là li 1 (un), pourtant li illimitée dans so boute supérieure, et limité dans so l’autre boute. Désir profond de la vie c’est pou trouve enfin sa deux boutes la ligne là réunis. Kan l’homme invoque le nom d’Allah, l’homme oublier so limitation et li ouvert li-même à la gloire kan li pense à Allah, l’illimité, l’éternel. Dans Quran, Allah (swt) dire: 
« Kan Mo bane serviteur pose toi question lors Moi (dire zot) ki Mo près avec zot. Mo réponde zot l’appel quand zot appel Moi.» (2:187).
D’après Quran, l’objectif de la création de bane jinns et dimounes c’est l’adoration d’Allah, et d’après ene Hadith authentique, l’essence de l’adoration c’est la prière (Salat). Nous bizin comprend a prière comme ene communication humaine avec Allah – de l’homme à Allah.
La prière est li ene acte Ibaadat pratique, kot ene croyant li présente devant Allah (twa) tous so bane besoins, avec ene très grand humilité afin ki li recevoir Allah So bane miséricordes et bénédictions. Tandis ki le Rabbul Aalameen (le Maître de tous bane le monde) li suffit pou zot tous, l’homme quant à li, li bien faye, li extrêmement démuni (et rempli de faiblesses, kot li toujours pou bizin dépende lors Allah pour vivre, pour tous so bane nécessité, ki li lors sa la terre là, et dans Aakhirat aussi).
Le fruit de « Iyyaka Nabudu » (1: 5) – C’est Toi (Seul) ki nous adorer – li réaliser dans « Iyyaka Nasta’iin » (1: 5) – C’est avec Toi (Seul) ki nous implore l’aide. Sa li ene l’exemple à travers quoi nous capave être sûr ki ene récompense spéciale de Ibaadat pou recevoir sous la forme d’acceptation de la prière et l’aide divine.
Ene question capave posée: commié fois bizin récite le nom d’Allah? La réponse à sa question là li trouve dans le Quran Shareef: « Bane ki rappelle Allah, deboute, assizé, et allonger lors zot côté » (3: 192), sa veut dire ki la prière (Salat) et le rappel d’Allah (Zikr) bizin faire régulièrement et à tout moment, de sorte ki le cœur d’ene vrai croyant li éclairé avec la lumière lé cœur, à travers quoi li capave réalise le but de la création et enfin so la foi capave vine pure et complète et avec sa la foi complète là, il attester ki Allah Li la Vérité (Al-Haqq).
Ene l’autre conseil du Quran Shareef c’est ki Salat et Zikr Allah bizin faire avec la langue de nous l’âme, doucement avec humilité et la crainte d’Allah 7: 206), mais seulement sa, kan li pénétrer dans le cœur ki li capave vine efficace. Ena beaucoup signes de l’efficacité de sa médicament éclairant là. Bane meilleurs signes de sa dans Salat c’est plorer avec Allah, laisse larmes là couler devant nous Créateur avec sincérité et en deuxième lieu ena le Sijda, kot nous prosterne nous devant nous Créateur. Sa deux actes dans nous Salat là li bien apprécié par Allah.  
Mo espérer ki zot fine bien comprend sa Khutba là. Ensam avec Khutba de la semaine dernière, tous les deux donne ene l’idée combien important Salat/Namaz (la prière) li important dans nous la vie, comme ene remède à la fois pour nous âme, nous l’esprit et lécorps. Ki Allah accorde nous le meilleur de la Salat. Insha-Allah, Ameen.