بسم الله الرحمن الرحيم

 

Khutba Jummah

 

HAZRAT KHALIFATULLAH AL-MASSIH AL-MA’OUD

 

Munir Ahmad Azim

 

18 Novembre 2011 ~

(22 Dhul Hijjah 1432 Hijri)

 

(Résumé Khutba)

 

Après Salam, Hazrat Khalifatullah fine commence so Khutba avec Tashahhud, Tauz, Surah Al Fatiha, et ensuite li fine dire:

 

 

أَفَحَسِبْتُمْ أَنَّمَاخَلَقْنَاكُمْ عَبَثًا وَأَنَّكُمْ إِلَيْنَا لَا تُرْجَعُونَ۝   

 

‘Afahasibtum ‘annamaa khalaqnaakum ‘abasanw-wa ‘annakum ilaynaa laa turja-‘uun?

 

« Eski ou ti penser ki Nous fine créer ou sans ene but et ki ou pas pou retourne devant Nous ? » (23: 116)

 

وَمَا خَلَقْتُ الْجِنَّ وَالْإِنسَ إِلَّا لِيَعْبُدُونِ ۝

 

Wa maa khalaqtul Jinna wal-‘insa ‘illaa liya’-buduun.

 

« Mo fine créer Jinns et dimounes pou ki zot adore Moi ». (51: 57)

 

La création de l’homme li ene sujet ki l’Islam, contrairement à bane les autres religions, traite dans so l’intégralité et d’ene façon rationnelle et précis. Contrairement à certaines théories modernes, l’Islam enseigner ki l’homme li pas ene simple produit de l’évolution de bane espèces, mais li enseigner ki so évolution fine dirigée vers ene but défini, ene but précis : c’est-à-dire, pou adore seulement ene sel Dieu, Allah et éventuellement pou vine ene miroir afin pou li capave reflécter bane qualités ou attributs de so Créateur, Allah (twa). L’existence de l’homme sur la terre n’est donc pas un hasard et compte tenu de l’objet pour lequel il a été crée et de la responsabilité qui lui incombe en tant qu’unique espèce appelée à refléter l’image de Dieu, il est l’axe et le centre de la création, donc de l’univers.

 

Pareil couma bane versets Quran ki mo fine lire au commencement de sa Khutba là dire nous, l’homme li appeler pou règner lors la création en entier, conformément à bane pouvoirs ki Allah fine donne li. Nous bizin reconnaite cependant ki certains éléments de la création, couma bane épidémies, la foudre zot affecter dans ene certaine mesure la vie de l’homme, mais so l’existence li pas à la merci de sa bane phénomènes là. Il survivre à sa bane catastrophes là et li exerce so l’influence lors tout saki entoure li, couma bane la rivières, bane l’océans, bane montagnes, bane plantes, bane z’animaux, et il reste le centre d’attraction de l’univers. La distinction ki Allah fine donne li, li suprême. Le Quran Shareef dire nous :

 

« Et kan to Maître ti dire bane anges : ‘Mo pou place Mo Khalifa (représentant) lors la terre.’ » (2: 31) et « C’est Li (Allah) ki fine fer ou bane Khalifas (successeurs) lors la terre ». (35: 40)

 

Même bane anges fine gagne l’ordre de côté d’Allah pou soumette zot à li (c’est-à-dire, l’homme). Allah dire dans Quran Shareef : « Mo pou créer ene dimoune avec la terre cuite ki sonner, fabriqué avec la boue. Kan Mo fine arrange li bien et Mo fine soufflé Mo l’esprit en li, jette ou devant li et prosterner. Bane anges fine prosterné, tous ensam. » (15 :29-31)

 

Après sa début là, ki faire nous comprend impé plisse lors le but de la création de l’homme et so distinction ki li fine recevoir de la part d’Allah, anou analyse, d’après le Quran Shareef, le phénomène de so création. L’homme étant au centre de la création, l’ensemble de l’univers fine créer pour accueillir li, et alors Allah fine prévoir pou mette dans sa l’univers là bane conditions idéales pou (l’homme) so épanouissement. Nous capave donc déduire ki phénomène de so création fine véritablement commencer avec la création de l’univers ki li-même (l’univers so évolution) fine arriver étape par étape. Quran Shareef dire nous, à propos l’univers : « Eski bane ki sans la foi pas trouver ki bane les ciels et la terre ti joinde ensam (au commencement création), et après Nous fine sépare zot deux ? Nous fine faire avec de l’eau tout kitchose vivant. Eski zot pas pou gagne la foi. » (21: 31)

 

Kan tous bane conditions nécessaires pour la survie et l’épanouissement de l’homme fine réunies ensam, alors c’est à ce moment là ki so présence fine manifester lors la terre. Quran Shareef dire nous : « Pou Allah, Issa ti pareil couma Adam ; Li fine créer li avec la poussière (la terre) et puis Li fine dire : ‘exister’, et li fine exister. » (3: 60) ; et dans ene l’autre place dans Quran, Allah dire : « Nous fine créer dimoune avec ene extrait la terre mouillée. » (23: 13) et dans ene l’autre place encore Li dire : « Li (Allah) fine créer dimoune avec glaise sonnant comme la poterie » (55: 15)

 

Sa trois versets là, quoi ki zot exprime, en apparence, bane conceptions (l’idées) différents lors la création, mais seulement entre sa bane versets là na pas ena aucaine contradiction. Sa trois façons différents pour présente la création fine servi dans ene bien bon façon par Quran Shareef pour montrer bane différents degrés de l’évolution spirituelle de l’homme.

 

Premier verset là li montrer premier stade de développement de l’esprit de l’homme, kot kan le mot « la poussière » fine servi dans sa verset là « Li fine créer li avec la poussière (la terre) », alors ici le concept de la révélation divine li pas impliqué. Le fait ki la terre mouillée li ene matière plus consistant ki la poussière, alors le deuxième verset pé rode dire ki ena ene changement, ene transformation dépi le premier stage (de l’homme) et li alors exprime deuxième phase de développement de l’homme. Avec l’aide d’Allah, l’homme so l’intelligence li atteindre ene degré ki permette li pou fer différence entre le bien et le mal.

 

L’expression « glaise sonnant comme la poterie » ki fine servi dans dernier verset ki mo fine mentionner li impliquer ki pareil couma la glaise, l’homme aussi fine bizin passe par le feu de bane épreuves et ki li fine réussi surmonte bane différents obstacles ki dirige li vers maturité de l’esprit (kot so l’intelligence li développer et li capave distingue entre le bien et le mal et prend bane bons décisions ki bizin).

 

Après sa troisième stage de développement là, l’homme li maintenant prêt pou vine en présence de so Créateur et pou recevoir so bane premiers commandements. C’est à ce moment là ki Allah fine faire dessane So révélation lors So premier élu, Adam (as), ki ti l’homme ki ti ena plisse capacités, à sa l’époque là pou recevoir sa bane révélations divine là, et kot li ti capave servi so l’intelligence pou supporte ou soutenir responsabilité de la révélation ki Allah fine donne li.

 

Donc, d’après le Quran Shareef, Adam (as) pas ti premier dimoune ki fine vivre lors la terre, mais li ti le premier prophète d’Allah. Le développement spirituel de l’homme n’avait pas, pour autant aborder sa phase finale et les premières révélations ne comportaient que certaines règles sociales concernant notamment la création d’une société et ses modes de subsistance. L’Islam admet donc une évolution certaine de l’homme, mais ne rejoint pas cependant les hypothèses qui lui attribuent une origine animale ou végétale.

 

Depuis so création, l’homme li d’ene façon intime connecter avec la terre, et par le commandement d’Allah, li pou bizin reste lors sa la terre là et aussi enbas sa la terre là (so cadavre kan li mort) ziska ki Allah rappelle Li vers Li. Allah ordonne dans le Quran Shareef :

 

« (Allah) fine dire zot : ‘Descende dépi là, couma ennemi l’un à l’autre. Lors la terre ou va gagne ene place pou rester et tout ou nécessaire, mais pou ene temps. Li fine dire zot (aussi) : ‘Là ou va vivre, et là ou va mort et (en dernier), de (ça la terre) là, pou retire ou. » (7: 25-26)

 

Sa proclamation de Quran Shareef là lors le fait ki l’homme fine créer avec la terre ou avec bane matières ki faire partie de la terre fine confirmé par le fait ki ziska azordi nous bane nourritures et nous bane moyens de survies zot vine, soit directement ou indirectement de la terre. Si dimoune so l’origine ti étranger de la terre, alors ene telle adaptation aussi parfait pas ti pou possible entre l’homme et la terre et tout saki la terre contenir. 

 

Nous la terre pas ti pou capave subvenir à bane besoins de l’humanité en entier et li pas ti pou capave reste produire même bane ressources. Le Quran Shareef li dire concernant sa : « Li (Allah) fine place bane montagnes fermes dans la terre, ki dépasse so surface. Li fine béni li (la terre) et Li fine donne li so bane ressources alimentaires en quatre jours. Sa suffit (comme réponse) pou bane ki pose bane questions lors là. » (41: 11)

 

A travers le temps, et au fur et à mesure que l’intelligence de bane dimounes ti vine pli meilleur, Allah fine adresse, par l’intermédiaire de So bane prophètes, bane messages à bane différents peuples. Kan l’homme fine parfaire so développement spirituel et ki li fine réussi enfin assimile portée de message finale ki Allah fine dessane à travers Nabi Kareem Hazrat Muhammad (saws), alors Allah (swt) fine dessane pour l’humanité en entier le Quran Shareef, ki So la Loi zot bane la lois définitive, ki destiné pou reste vivant et applicable dans tous lépoques jusqu’à Qayamat. Li fine choisir, pour transmettre sa la loi là, le plus parfait de bane dimounes, le Saint Prophète Muhammad (paix soit sur lui). Et par So grâce immense, sa siècle présent là Li (Allah) fine élève moi comme So Khalifa (Khalifatullah) en prenant compte de So bane promesses ki soutenu par le Quran Shareef kot Li fine dire ki Li pou contigner envoye So bane guides choisis de temps en temps pour faire revivre So bane l’enseignements. Dans sa siècle présent là, Li fine envoye So Khalifa et Messager, suivant  bane pas de (Allah) So élu parfait, le Saint Prophète Hazrat Muhammad (saws).

 

O mo bane frères, sœurs et enfants du monde entier. Nous la terre, nous le monde dans sa siècle là li assoiffée de la pluie spirituelle ki vine de côté d’Allah. Ena places kot la pluie pas tomber même, et ici mo pé cause la pluie physique, et de ce fait la sécheresse et la famine fine vine bane zaffaires ki témoigner souvent (dans bane différents pays du monde). Li malheureux pou mo dire ki la poitrine du corps de l’Islam dans sa siècle présent là li privé d’ene le cœur, malgré le fait ki nous, bane musulmans nous ena dans nous possessions bane meilleurs enseignements, le meilleur de parmi tous bane livres sacrées et le meilleur de bane prophètes ki fine vini pour guide l’humanité vers ene Dieu Unique. Malgré beaucoup de bane faveurs ki ene musulman fine recevoir de côté d’Allah, mais malheureusement li fine vine ingrat, aveugle et avare. Malgré bane richesses ki Allah fine donne li, li pas dépense sa couma bizin dans le chemin d’Allah. Li fine accroche li à sa le monde temporaire là, pour faire profite so lécorps physique de sa bane dibiens ki bien temporaire là, au lieu ki li prend tracas de so bien-être spirituel (par rapport à so l’âme et à so connexion avec Allah). O bane créatures d’Allah, soumette zot à bane l’ordres d’Allah. Vine bane dimounes pieux et délaisse sa le monde là dans ene telle façon pour zot capave concentrer impé plisse lors zot Créateur. Li (Allah) nek envie zot bien-être. En vérité tout dibien vine de Li, et tout mal ki touche ou vine de ou-mêmes. Alors, lève-zot de zot grand sommeil, et attrape fort vrai la corde d’Allah, c’est-à-dire : Allah, So Livre (le Quran Shareef) et So Messager ki fine vine vers zot dans sa siècle là pour ramène zot vers le salut, vers la paix parski Allah même (ou Créateur) Li vrai salut et la paix ki ene dimoune capave gagner.

 

Sa le monde là avec so bane attractions zot seulement temporaires, tandis ki Allah Li éternel pou zot. Admire sa le monde là, non pas pour beauté de sa le monde là en li-même, mais contempler bane merveilles de sa le monde là avec liziés spirituelles ki faire zot trouve le visage de zot Créateur. Allah Li tout autour de zot, et So Khalifa Choisi (Khalifatullah), ki fine choisir par Allah dans sa siècle là, mo là par la grâce d’Allah pou encourage zot pou délaisse sa le monde là et pou plonge zot dans l’amour d’Allah, à tel point ki zot réssenti ene profond connexion avec zot Créateur et ki zot atteindre enfin le but de zot l’existence lors la terre. Insha-Allah, Ameen. 

 

Annonce : Par la grâce d’Allah, beaucoup bane dimounes zot à l’écoute de bane messages d’Allah, bane messages de Sahih al Islam dans sa siècle là, que ce soit dans bane l’îles et aussi dans l’Inde, et plus précisément dans le sud de l’Inde dans Kerala. Par la grâce d’Allah nous bane frères et nous bane jeunes « Sahib al Faraj » de Kerala pé faire ene travail excellent au niveau de Dawa/Tabligh. Par la grâce d’Allah livre lors la vie de sa humble serviteur d’Allah là fine publié dans l’Inde, en langue Malayalam et plisse ki 600 copies de sa livre là et aussi plisse ki 2000 pamphlets fine déjà distribué par nous frères dynamiques pour propagation de message d’Allah et de nous Jamaat ki fine fondé par instruction divine. Le 12 et 13 Novembre 2011, nous bane jeunes accompagnés de nous bane aînés fine fer ene très grand travail au niveau Dawa et beaucoup dimounes, et même bane Ahmadi fine à l’écoute de nous message et zot fine accueille li très favorablement. Alhamdulillah, Summa Alhamdulillah. Fine ena même ene Sufi, ki récipiendaire de la révélation divine ki fine fini convaincu à travers révélation ki sa humble serviteur là li vine de côté d’Allah, et Insha-Allah, li pé rode encore bane guidance de côté d’Allah lors sa Manifestation Divine là.

 

Je supplier Allah pour continuer déverse So bane faveurs spirituelles et matérielles aussi lors mo bane disciples dans Inde, et partout dans le monde, sans oublier mo frère sincère de Trinidad et Tobago ki pé fer bane excellent travails au niveau de bane traductions. Ki li dans Maurice et ailleurs dans le monde, ki tous mo bane disciples et suivants contigne travaille dure pou faire la lumière de la vérité briller, pas zis dans zot propre pays, mais aussi dans quatre coins du monde. Insha-Allah. Ameen.

 

Mo tenir à partage avec zot ene anecdote lors Tabligh d’ene de nous bane jeunes dans Kerala. Pendant zot bane sessions de Tabligh, Rizwan, ene de bane garçons de nous frère Abdul Kabeer Sahib fine réussi par la grâce d’Allah ouvert lizié d’ene Ahmadi (pli âgé ki li) lors la question : Kifer ene Mujaddid bizin vini aujourd’hui kan nous ena déjà ene Khalifa (kot li pé fer référence au 5ème Khalifa de l’Association Musulmane Ahmadiyya) ? Alors sa jeunesse là, Rizwan fine réponde li : « Kifer alors ti ena la nécessité ki le Messie Promis (as) vini kan ti déjà ena ene Khalifa Turque ki ti déjà au pouvoir ? »

 

Allahu Akbar. Ki Allah contigne déverse So bane connaissances et faveurs spirituelles lors nous bane jeunes Sahih al Islam de par le monde. Ki zot vine par la grâce d’Allah bane vrais soldats de l’Islam, bane tels soldats ki vine de l’avant pour la victoire de l’Islam, Insha-Allah. Ameen.