|
بسم الله الرحمن الرحيم
Khutba Jummah
HAZRAT KHALIFATULLAH AL-MASSIH AL-MA’OUD
Munir Ahmad Azim
(13 Shabaan 1432 Hijri)
(Résumé Khutba)
Après Salam, Hazrat Khalifatullah fine commence so Khutba avec Tashahhud, Ta’uz, Surah Al Fatiha, et ensuite li fine dire:
Si nous guette bien, l’Oummah de Hazrat Muhammad (saws) pé vivre, plisse ki avant, dans ene l’état mort et dans l’ignorance. L’éducation islamique fine pratiquement abandonnée, ena beaucoup manquements dans bane pratique de nous Deen (religion), bane droits de bane masjids zot pratiquement pas respecté sauf pour bane vendredis kan ena Jummah, récitation Quran fine remplacée par chanter et la musique, Sunna (tradition) de nous bien-aimé prophète (saws) fine enterrées – bane dimounes, surtout bane Musulmans népli prend compte bane l’enseignements islamiques, tandis ki bane façons de faire et bane traditions de bane les autres fine déterrées – kot bane Musulmans alle plito suivre l’exemple de bane dimounes de bane différents religions. L’identité de l’Oummah fine vine tout à fait couma ene la caze z’araignée – c’est-à-dire, confus, sans vraiment aucaine rôle. Kifer ena ene tel dégradation coumsa? Est-ce ki sa c’est ene retour à Jâhilliya (le temps de l’ignorance) ki nous pé témoigner? Franchement, mo pé trouve ki en vérité le monde fine vine en proie à sa l’ignorance ki ti ena dans bane l’époque avant l’Islam. En vérité la communauté arabe de sa l’époque de l’ignorance là fine azordi jour vine globale. Bane vices et l’idolâtrie de bane arabes avant l’Islam, fine vine aujourd’hui la fierté de l’humanité dans so l’ensemble.
Avant l’avènement de Hazrat Muhammad (saws), bane Arabes Païens ti pé vive dans ene pli pire l’état barbare ; l’immoralité ti arrive à so sommet. Bane la boisson alcooliques, bane vice, l’indécence, l’immoralité, la sorcellerie, l’intérêt, la prostitution, danser, bane jeu de hasard etc., ti bane kitchose ordinaire ki zot ti pé faire dans zot la vie de tous les jours. Sa société là ti au bord d’ene grand trou et ti approche la destruction.
« Et alors ki zot ti au bord d’ene trou difé, c’est Li (Allah) ki fine sauve zot. » (Al-Imran 3: 104)
C’est dans sa même l’époque là même ki ene dimoune, portant le nom de Muhammad (saws), le Messager d’Allah fine prend naissance. Li fine allume par la grâce d’Allah le flambeau de la civilisation dans sa peuple barbare là, ki ti pé vivre dans marré noire, dans ene l’obscurité totale. Sa peuple barbare et ignorant là fine vite transformé, par la grâce d’Allah, en ene peuple civilisé et bien-aimé (d’Allah et de So prophète (saws)).
« Allah content zot et zot content Li. » (98: 9)
Zot la haine ti transformer en l’amour, l’indécence ti couvert avec manteau de l’humanité, l’idolâtrie fine transformer en ene croyance ferme dans Allah, Bondié unique, l’intérêt fine changer en commence, bane la boisson alcooliques vine transformer en ene la boisson pure et propre, l’ignorance fine remplacée par la connaissance, zot l’état barbare fine remplacer par la civilisation, bane faussetés (et stupidités) fine remplacer par la piété, la dureté du cœur fine remplacé par la tranquillité de l’âme (Rûh), bane mauvais tendances et traditions fine laisse place à bane l’enseignements islamiques (bane commandements d’Allah).
Sa changement là pas ti réaliser zis en écoutant bane l’enseignements du Saint Prophète (saws). Bien au contraire, sak parole, sak l’ordre, sak action, sak mouvement (lécorps) du prophète (saws) ti pé déssane au fond de zot les cœurs pour enraciner couma racine d’ene pié z’olives. Sa bane paroles là ti pé faire bane lé cœurs pli endurci ki sa trembler à un tel point que sa monde matériel là fine perdi tout valeur dans zot lizié, et dans so place, c’est le monde de la spiritualité ki fine gagne valeur.
A travers l’enseignement de Nabi-Kareem Muhammad (saws) zot fine accepté pou abandonne tous zot bane fausses dieux ki zot ti ena l’habitude adorer, et zot fine accepter délaisse zot bane anciens façons de faire et coutumes de zot ancêtres afin ki zot soumette zot complètement à bane la loi d’Allah. Et en résultat de sa : sa peuple là ti vine le plus joli modèle (l’exemple) pour toute l’humanité. Mais concernant nous, ki fine arrive nous ?
Nous, bane musulmans, ki appartenir à l’Oummah à sa même chef ki fine change le destin d’ene peuple ki ti destiné à l’enfer, eski nous pé azordi jour servi comme modèle ou comme poubelle à bane les autres?
La réponse li aussi simple ki bonjour. Bien ki sa même message ki ti destiné à sa peuple Païen là fine arrive à nous aussi et ki bane l’enseignements islamiques li à la portée de tout dimounes, bien ki le message de l’Islam faire vibrer bane montagnes, nous pé continue patozé dans sa même ignorance de l’époque de Jâhilliya (le temps de l’ignorance). Nous pé continuer (azordi jour) préfère sacrifier bane la loi Quran et bane l’enseignements de nous bien-aimé prophète (saws) pour gagne plaisir de sa monde bien temporaire là ki pé détruire (de partout).
« En vérité, Allah pas change condition dimoune, à moins ki zot oulé change li zot-même. » (13: 12)
Nous (bane Musulmans) absorbés par bane « idoles » de télévision et de vidéo, Vcd, Dvd. Nous pé faire revivre sa barbarie ki ti enterré par nous bane ancêtres. Ene bassesse et la honte terrible !
« Et celui ki ferme so lizié avec message Allah, Nous faire ene diable trape li, ki fine so camarade inseparable, ki empêche li prend bon chemin. » (43: 37-38)
En vérité, nous bien-aimé prophète (saws) fine bien faire nous comprend, ki pou arriver ene l’époque kot bane musulmans pou ressembler à bane Juifs et bane Chrétiens et ki zot pou suive zot dans tous zot bane coutumes ki contre bane l’enseignement islamique.
Abu Said al-Khudri fine rapporté:
“Le Messager d’Allah (saws) fine dire:
- Zot pou suive pas à pas même chemin ki bane avant zot (fine prend) dans ene telle façon ki kan zot pou rentre dans ene trou lézard, alors zot aussi pou suive zot.
Nous fine alors demander : - Eski ou pé rode dire bane juifs et bane chrétiens ?
Li (saws) fine dire : - Qui d’autre ? ” (Muslim, Bukhari)
Ki nous bizin faire alors? La réponse, c’est Allah, dans Son infinie Bonté ki fine donne nous.
« Faire ene manière ki parmi ou, sorti ene communauté ki appelle dimoune vers le bien, ki ordonne séki correcte et empêche séki malpropre. C’est sa bane kalité dimounes là ki pou prospérer. » (3: 105)
Nous pou atteindre sa but là seulement si sakaine parmi nous désire sa sincèrement, ene telle désir ki provoque ene changement en profondeur, ene changement de nous bane sentiments, de nous bane pensées et de nous l’état d’âme. Évite la punition divine, et (zot bizin rappelle ki) ene vrai croyant musulman bizin toujours à la recherche de la protection d’Allah dans tout aspect de so la vie. Reste toujours sous la protection de l’ombraze d’Allah. Nous bien-aimé prophète Muhammad (saws) fine dire :
« Ena sept kalité dimounes ki Allah pou protéger sous So l’ombraze le Jour (du Jugement), kan pas pou ena aucaine les autres l’ombraze excepter saki pou Allah.
- Ene Imam ki juste. - Ene jeune ki fine grandi dans l’adoration d’Allah. - Ene dimoune ki so le cœur attaché avec masjids. - Deux dimounes ki content zot camarades, et zot rencontrer à cause de Li (Allah), et zot séparer à cause de Li (Allah). - Celui ki kan ene joli madame bien placé dans la société appelle li (pou gagne relations), li réponne li (madame là) par : « Mo ena la crainte d’Allah. » - Celui ki donne en charité, dans ene telle façon bien discret ki so la main gauche pas conner saki so la main droite donner. - Celui ki, kan li tousel, faire louange d’Allah à ene telle point ki so larmes couler. » (Bukhari)
En vérité, la venue d’ene Messager d’Allah aide zot pou mieux unir zot, O bane Musulmans afin ki zot apprane couma pou prend le chemin ki pou amène zot vers Allah, satisfait de Li et Li aussi satisfait avec zot. Sa le monde présent là fine attaquer par toutes sortes malheurs terribles, bane malheurs ki la main de l’homme même fine amener. C’est ene fait, ki dans le Quran Shareef, Allah fine bien précisé ki tout dibien ki ene dimoune faire li vine de Allah, tandis ki tout ditort ki li faire vine de li-même (sa dimoune là). Si le monde fine arrive à sa l’état lamentable là aujourd’hui, c’est bien à cause de bane dimounes, et si l’Islam fine dégradé azordi jours, c’est à cause de nous propres actions. En vérité, bane ennemis de l’Islam pas manquer ! Zot faire tout pou détruire l’Islam et divise bane Musulmans, mais si nous pé temoigne sa l’état pi-toi-yabe là, c’est bien à cause de bane Musulmans. Zot fine fer l’Islam vine ene terrain de cirque. Zot fer tout pou suivre bane traditions et cultures de bane les autres religions. Malgré ki zot porte bane jolis noms arabes et islamiques, mais zot comportement li le contraire de saki zot noms dire – zot tout sauf islamique !
Bane l’enseignements de l’Islam li en vérité parfait, mais si dimounes pas mette sa en pratique, alors sa bane l’enseignements là pas pou servi nannié, et pas pou capave fer nannié pou sauve zot l’âmes de l’enger, ki li lors sa la terre là et dans Aakhirat. Petit à petit bane Musulmans fine laisse zot influencer par bane attractions de sa le monde temporaire là et zot fine trouve bane traditions non-islamiques de bane les autres comme meilleurs de saki pou l’Islam.
Bane frères et sœurs musulmans aujourd’hui pas hésite pou la guerre (entre zot) pou bane gains temporaires couma la guerre pou ene boute terrain, et bane les autres gains sans importance. Kot sa l’esprit d’équipe et d’unité ki bane Sahaba ti montrer dans l’époque du Saint Prophète de l’Islam (saws) ? Kot sa bane soldats de l’Islam ki ti rempli de courage et pas ti hésiter pour la guerre pour la cause d’Allah? Kot sa bane Sahaba sincères là fine passés, couma Abu Bakr, Umar, Usman, Ali, Hamza, Abbas, Abu Talha, et Khalid bin Walid? Eski l’esprit de sacrifice ki zot ti manifesté dans zot l’époque fine mort ? Ki sanlà pou vine de l’avant pou aide la cause d’Allah de nos jours ?
Par la grâce d’Allah, Allah fine choisir sa humble serviteur (ki présent devant zot azordi) pour réuni zot tous, O bane Musulmans ! Mo le Khalifatullah, sa même calife ki fine vini de la part d’Allah afin pour donne zot le message de l’unité et de la fraternité. Sa le monde là li condamner à la destruction. Malheureusement sa destruction pou vini encore et encore de la main de bane dimounes même. O bane Musulmans, pas salir zot la main et bane les autres membres de zot lécorps par bane actions condamnable dans lizié d’Allah. L’avenir li devant zot, ene l’avenir kot ena la grâce de Dieu, kan zot pou embrasse l’Islam avec ene le cœur pur.
L’Islam fine disparaite de zot le cœurs. Si na pas ena Islam, na pas ena Iman (la foi). Alors soumette zot à Allah, à So volonté et arrête suive pas de bane Satans ki incite zot pou rebeller contre zot propre Deen (religion). Li pas nécessaire ki sa rébellion là li visible, mais Satan fine fer zot dévier par bane moyens rusé, sans ki zot réaliser. Le monde islamique en danger, et c’est zot ki responsables.
Enseigne à zot le cœur la douceur de la foi. Sa pou possible ki kan zot pou ouvert zot les cœurs à l’Islam, sans hypocrisie, sans la haine et sans paresse. Satan fine promette ki li pou essaye dévier bane dimounes du chemin d’Allah, mais Allah fine promette ki Satan pas pou réussi dévier So bane vrais serviteurs. O bane Musulmans ! Eski zot pas oulé être parmi bane serviteurs choisis d’Allah. Eski zot pas oulé vine bane ki aide Allah et So Khalifa (le Khalifatullah) afin ki zot recevoir bane grâces d’Allah, et ki Allah ouvert pou zot le chemin ki amène vers le salut, vers ene paradis ki so largeur li illimitée? Eski zot envie imite bane ki fine condamné à l’enfer, et par la même occasion vine ene (habitant de l’enfer) ou-même?
O bane Musulmans, lever de zot longue sommeil. Soleil de la vérité, soleil de l’espoir fine levé en sa siècle là pou ramène zot vers la gloire d’Allah. Délaisse zot la vie d’insouciance d’avant et embrasse sa bonheur spirituel ki pé attane zot. Bane prédictions du Saint Prophète Muhammad (saws) fine vine réalités. Bane Musulmans fine vine couma bane Juifs et bane Chrétiens, et en plus de sa, zot bane religieux fine vine bane pli pires créatures sous le toit du ciel, ki dirige zot vers l’infortune et l’enfer. Zot Imam tant attendu fine vini, alors galouper vers l’espoir de sa siècle là afin ki zot recevoir bane grâces d’Allah ki pé tomber couma la pluie fine, ki remplies de bénédictions. Bane révélations divines et bane signes célestes zot bane preuves incontestées ki Allah fine bel et bien envoye So Messager Choisi afin pou sauve So bane serviteurs de mauvais chemin (et de l’enfer). Alors O bane l’âmes ki assoiffés du pardon d’Allah, de la félicité divine, vine vite vers Allah en étant sincères et avec repentir dans zot Namaz et Duahs. Mo pas fine vini pou faire zot conne moi, mais bien pou découvert l’amour d’Allah et pou faire zot plonge dans la soumission à Allah à travers zot bane actes d’Ibaadat (d’adoration). Vine sincères entre zot-mêmes, afin ki Allah reconnaite zot couma bane dimounes loyales et fidèles. Pas oublier : Zot naissance comme Musulmans et zot appartenance à l’Islam, tous sa là fine donne zot sa lors ene plateau en or kan zot fine né. Heureux alors celui ki fine gagne l’Islam comme religion et fine conne maintenir so l’Islam et fine enrichi li-même de bane faveurs et bane grâces d’Allah.
Séki meilleur, heureux celui ki malgré ki li fine né lors sa la terre là comme Musulmans, mais fine grandi dans ene l’environnement familiale non-islamique, alors heureux sa dimoune là, ki li missié ou madame, ki malgré so l’éducation non-islamique, mais li fine reconnaite bane l’appel vers l’Islam et fine alors retourne vers zot la source religieuse d’origine : c’est-à-dire, l’Islam ! Sa dimoune là li meilleure dans lizié d’Allah, ki ene Musulman ki fine grandi dans ene milieu islamique mais ki comporte li comme ene Non-Musulman !
Bane enseignements islamiques zot devant ou, à la portée de zot la mains, alors kifer zot pas reconnaite sifflement de la compréhension et de la sagesse et kifer zot pas fer sa pénétrer zot le cœurs? Kifer zot lire le Quran couma bane perroquets, sans conne so contenu, kot là-dans même ena remède à tous zot bane problèmes? Si bane dimounes ti reconnaite valeur inestimable de l’Islam, alors pas ti pou ena lieu ki mo vine lors sa la terre là (comme Messager d’Allah), mais à cause moralité et spiritualité fine disparaite de la vie de bane dimounes, alors mo fine vini comme ene docteur pou guéri zot, et pou guide zot vers sa pli grand Guérisseur là, mo Maître (Allah) afin ki zot recevoir l’aide (divine) et gagne miséricorde d’Allah.
Ki Allah aide nous pou suivre bane l’enseignements et bane conseils de nous cher prophète Muhammad (saws) et de sa humble serviteur (le Khalifatullah) ki parmi zot azordi jours, et pour mette zot en pratique. Amîne. |
